ฯ นโม ตสฺส ภควโต อรหโต สมฺมาสมฺพุทฺธสฺสฯ

อภิธมฺมปิฏเก

ธมฺมสงฺคณีปาฬิ

มาติกา

1. ติกมาติกา

[1] (ก) กุสลา ธมฺมาฯ

(ข) อกุสลา ธมฺมาฯ

(ค) อพฺยากตา ธมฺมาฯ

[2] (ก) สุขาย เวทนาย สมฺปยุตฺตา ธมฺมาฯ

(ข) ทุกฺขาย เวทนาย สมฺปยุตฺตา ธมฺมาฯ

(ค) อทุกฺขมสุขาย เวทนาย สมฺปยุตฺตา ธมฺมาฯ

[3] (ก) วิปากา ธมฺมาฯ

(ข) วิปากธมฺมธมฺมาฯ

(ค) เนววิปากนวิปากธมฺมธมฺมาฯ

[4] (ก) อุปาทิณฺณุปาทานิยา [อุปาทินฺนุปาทานิยา (สฺยา.)] ธมฺมาฯ

(ข) อนุปาทิณฺณุปาทานิยา ธมฺมาฯ

(ค) อนุปาทิณฺณอนุปาทานิยา [อนุปาทินฺนานุปาทานิยา (สฺยา.)] ธมฺมาฯ

[5] (ก) สํกิลิฏฺฐสํกิเลสิกา ธมฺมาฯ

(ข) อสํกิลิฏฺฐสํกิเลสิกา ธมฺมาฯ

(ค) อสํกิลิฏฺฐอสํกิเลสิกา [อสํกิลิฏฺฐาสํกิเลสิกา (สฺยา.)] ธมฺมาฯ

[6] (ก) สวิตกฺกสวิจารา ธมฺมาฯ

(ข) อวิตกฺกวิจารมตฺตา ธมฺมาฯ

(ค) อวิตกฺกอวิจารา [อวิตกฺกาวิจารา (สฺยา.)] ธมฺมาฯ

[7] (ก) ปีติสหคตา ธมฺมาฯ

(ข) สุขสหคตา ธมฺมาฯ

(ค) อุเปกฺขาสหคตา ธมฺมาฯ

[8] (ก) ทสฺสเนน ปหาตพฺพา ธมฺมาฯ

(ข) ภาวนาย ปหาตพฺพา ธมฺมาฯ

(ค) เนว ทสฺสเนน น ภาวนาย ปหาตพฺพา ธมฺมาฯ

[9] (ก) ทสฺสเนน ปหาตพฺพเหตุกา ธมฺมาฯ

(ข) ภาวนาย ปหาตพฺพเหตุกา ธมฺมาฯ

(ค) เนว ทสฺสเนน น ภาวนาย ปหาตพฺพเหตุกา ธมฺมาฯ

[10] (ก) อาจยคามิโน ธมฺมาฯ

(ข) อปจยคามิโน ธมฺมาฯ

(ค) เนวาจยคามินาปจยคามิโน [เนวาจยคามิโน นาปจยคามิโน (สฺยา.)] ธมฺมาฯ

[11] (ก) เสกฺขา ธมฺมาฯ

(ข) อเสกฺขา ธมฺมาฯ

(ค) เนวเสกฺขนาเสกฺขา [เนวเสกฺขานาเสกฺขา (สี. สฺยา.)] ธมฺมาฯ

[12] (ก) ปริตฺตา ธมฺมาฯ

(ข) มหคฺคตา ธมฺมาฯ

(ค) อปฺปมาณา ธมฺมาฯ

[13] (ก) ปริตฺตารมฺมณา ธมฺมาฯ

(ข) มหคฺคตารมฺมณา ธมฺมาฯ

(ค) อปฺปมาณารมฺมณา ธมฺมาฯ

[14] (ก) หีนา ธมฺมาฯ

(ข) มชฺฌิมา ธมฺมาฯ

(ค) ปณีตา ธมฺมาฯ

[15] (ก) มิจฺฉตฺตนิยตา ธมฺมาฯ

(ข) สมฺมตฺตนิยตา ธมฺมาฯ

(ค) อนิยตา ธมฺมาฯ

[16] (ก) มคฺคารมฺมณา ธมฺมาฯ

(ข) มคฺคเหตุกา ธมฺมาฯ

(ค) มคฺคาธิปติโน ธมฺมาฯ

[17] (ก) อุปฺปนฺนา ธมฺมาฯ

(ข) อนุปฺปนฺนา ธมฺมาฯ

(ค) อุปฺปาทิโน ธมฺมาฯ

[18] (ก) อตีตา ธมฺมาฯ

(ข) อนาคตา ธมฺมาฯ

(ค) ปจฺจุปฺปนฺนา ธมฺมาฯ

[19] (ก) อตีตารมฺมณา ธมฺมาฯ

(ข) อนาคตารมฺมณา ธมฺมาฯ

(ค) ปจฺจุปฺปนฺนารมฺมณา ธมฺมาฯ

[20] (ก) อชฺฌตฺตา ธมฺมาฯ

(ข) พหิทฺธา ธมฺมาฯ

(ค) อชฺฌตฺตพหิทฺธา ธมฺมาฯ

[21] (ก) อชฺฌตฺตารมฺมณา ธมฺมาฯ

(ข) พหิทฺธารมฺมณา ธมฺมาฯ

(ค) อชฺฌตฺตพหิทฺธารมฺมณา ธมฺมาฯ

[22] (ก) สนิทสฺสนสปฺปฏิฆา ธมฺมาฯ

(ข) อนิทสฺสนสปฺปฏิฆา ธมฺมาฯ

(ค) อนิทสฺสนอปฺปฏิฆา [อนิทสฺสนาปฺปฏิฆา (สฺยา.)] ธมฺมาฯ

ติกมาติกาฯ

2. ทุกมาติกา

เหตุโคจฺฉกํ

[1] (ก) เหตู ธมฺมาฯ

(ข) น เหตู ธมฺมาฯ

[2] (ก) สเหตุกา ธมฺมาฯ

(ข) อเหตุกา ธมฺมาฯ

[3] (ก) เหตุสมฺปยุตฺตา ธมฺมาฯ

(ข) เหตุวิปฺปยุตฺตา ธมฺมาฯ

[4] (ก) เหตู เจว ธมฺมา สเหตุกา จฯ

(ข) สเหตุกา เจว ธมฺมา น จ เหตูฯ

[5] (ก) เหตู เจว ธมฺมา เหตุสมฺปยุตฺตา จฯ

(ข) เหตุสมฺปยุตฺตา เจว ธมฺมา น จ เหตูฯ

[6] (ก) น เหตู โข ปน ธมฺมา สเหตุกาปิฯ

(ข) อเหตุกาปิฯ

เหตุโคจฺฉกํฯ

จูฬนฺตรทุกํ

[7] (ก) สปฺปจฺจยา ธมฺมาฯ

(ข) อปฺปจฺจยา ธมฺมาฯ

[8] (ก) สงฺขตา ธมฺมาฯ

(ข) อสงฺขตา ธมฺมาฯ

[9] (ก) สนิทสฺสนา ธมฺมาฯ

(ข) อนิทสฺสนา ธมฺมาฯ

[10] (ก) สปฺปฏิฆา ธมฺมาฯ

(ข) อปฺปฏิฆา ธมฺมาฯ

[11] (ก) รูปิโน ธมฺมาฯ

(ข) อรูปิโน ธมฺมาฯ

[12] (ก) โลกิยา ธมฺมา ฯ

(ข) โลกุตฺตรา ธมฺมาฯ

[13] (ก) เกนจิ วิญฺเญยฺยา ธมฺมาฯ

(ข) เกนจิ น วิญฺเญยฺยา ธมฺมาฯ

จูฬนฺตรทุกํฯ

อาสวโคจฺฉกํ

[14] (ก) อาสวา ธมฺมาฯ

(ข) โน อาสวา ธมฺมาฯ

[15] (ก) สาสวา ธมฺมาฯ

(ข) อนาสวา ธมฺมาฯ

[16] (ก) อาสวสมฺปยุตฺตา ธมฺมาฯ

(ข) อาสววิปฺปยุตฺตา ธมฺมาฯ

[17] (ก) อาสวา เจว ธมฺมา สาสวา จฯ

(ข) สาสวา เจว ธมฺมา โน จ อาสวาฯ

[18] (ก) อาสวา เจว ธมฺมา อาสวสมฺปยุตฺตา จฯ

(ข) อาสวสมฺปยุตฺตา เจว ธมฺมา โน จ อาสวาฯ

[19] (ก) อาสววิปฺปยุตฺตา โข ปน ธมฺมา สาสวาปิฯ

(ข) อนาสวาปิฯ

อาสวโคจฺฉกํฯ

สํโยชนโคจฺฉกํ

[20] (ก) สํโยชนา ธมฺมาฯ

(ข) โน สํโยชนา ธมฺมาฯ

[21] (ก) สํโยชนิยา ธมฺมาฯ

(ข) อสํโยชนิยา ธมฺมาฯ

[22] (ก) สํโยชนสมฺปยุตฺตา ธมฺมาฯ

(ข) สํโยชนวิปฺปยุตฺตา ธมฺมาฯ

[23] (ก) สํโยชนา เจว ธมฺมา สํโยชนิยา จฯ

(ข) สํโยชนิยา เจว ธมฺมา โน จ สํโยชนาฯ

[24] (ก) สํโยชนา เจว ธมฺมา สํโยชนสมฺปยุตฺตา จฯ

(ข) สํโยชนสมฺปยุตฺตา เจว ธมฺมา โน จ สํโยชนาฯ

[25] (ก) สํโยชนวิปฺปยุตฺตา โข ปน ธมฺมา สํโยชนิยาปิฯ

(ข) อสํโยชนิยาปิฯ

สํโยชนโคจฺฉกํฯ

คนฺถโคจฺฉกํ

[26] (ก) คนฺถา ธมฺมาฯ

(ข) โน คนฺถา ธมฺมาฯ

[27] (ก) คนฺถนิยา ธมฺมาฯ

(ข) อคนฺถนิยา ธมฺมาฯ

[28] (ก) คนฺถสมฺปยุตฺตา ธมฺมาฯ

(ข) คนฺถวิปฺปยุตฺตา ธมฺมาฯ

[29] (ก) คนฺถา เจว ธมฺมา คนฺถนิยา จฯ

(ข) คนฺถนิยา เจว ธมฺมา โน จ คนฺถาฯ

[30] (ก) คนฺถา เจว ธมฺมา คนฺถสมฺปยุตฺตา จฯ

(ข) คนฺถสมฺปยุตฺตา เจว ธมฺมา โน จ คนฺถาฯ