เมนู

9. โกสลสุตฺตวณฺณนา

[49] นวเม อุปกณฺณเกติ กณฺณมูเลฯ ทุมฺมโนติ ทุฏฺฐุมโนฯ ปตฺตกฺขนฺโธติ ปติตกฺขนฺโธฯ ปชฺฌายนฺโตติ จินฺตยนฺโตฯ อปฺปฏิภาโนติ นิปฺปฏิภาโน หุตฺวาฯ เสสํ เหฏฺฐา วุตฺตนยเมวฯ

10. นารทสุตฺตวณฺณนา

[50] ทสเม อชฺโฌมุจฺฉิโตติ อธิโอมุจฺฉิโต คิลิตฺวา ปรินิฏฺฐเปตฺวา คหณสภาวาย อติเรกมุจฺฉาย ตณฺหาย สมนฺนาคโตฯ มหจฺจา ราชานุภาเวนาติ มหตา ราชานุภาเวน, อฏฺฐารสหิ เสนีหิ ปริวาริโต มหติยา ราชิทฺธิยา ปายาสีติ อตฺโถฯ ตคฺฆาติ เอกํสตฺเถ นิปาโต , เอกํเสเนว โสกสลฺลหรโณติ อตฺโถฯ อิติ ราชา อิมํ โอวาทํ สุตฺวา ตสฺมิํ ฐิโต ธมฺเมน สเมน รชฺชํ กาเรตฺวา สคฺคปรายโณ อโหสิฯ

มุณฺฑราชวคฺโค ปญฺจโมฯ

ปฐมปณฺณาสกํ นิฏฺฐิตํฯ

2. ทุติยปณฺณาสกํ