เมนู

6. อพฺยากตวคฺโค

1. อพฺยากตสุตฺตวณฺณนา

[54] ฉฏฺฐวคฺคสฺส ปฐเม อพฺยากตวตฺถูสูติ เอกํสาทิวเสน อกถิตวตฺถูสุฯ ตถาคโตติ สตฺโตฯ ทิฏฺฐิคตเมตนฺติ มิจฺฉาทิฏฺฐิมตฺตกเมตํ, น ตาย ทิฏฺฐิยา คหิตสตฺโต นาม อตฺถิฯ ปฏิปทนฺติ อริยมคฺคํฯ น ฉมฺภตีติ ทิฏฺฐิวเสน น กมฺปติฯ เสสปเทสุปิ เอเสว นโยฯ ตณฺหาคตนฺติ ทิฏฺฐิตณฺหาฯ สญฺญาคตาทีสุปิ เอเสว นโยฯ ทิฏฺฐิสญฺญา เอว เหตฺถ สญฺญาคตํ, ทิฏฺฐินิสฺสิตมาโนเยว ทิฏฺฐิมญฺญิตเมว วา มญฺญิตํ, ทิฏฺฐิปปญฺโจว ปปญฺจิตํ, ทิฏฺฐุปาทานเมว อุปาทานํ, ทิฏฺฐิยา วิรูปํ ปฏิสรณภาโวเยว วิปฺปฏิสาโร นามาติ เวทิตพฺโพฯ เอตฺถ จ ทิฏฺฐิคฺคหเณน ทฺวาสฏฺฐิ ทิฏฺฐิโย, ทิฏฺฐินิโรธคามินิปฏิปทาคหเณน โสตาปตฺติมคฺโค คหิโตติฯ