นเหตุทุกํ

[25] นเหตุปจฺจยา อารมฺมเณ เอกํ, อนนฺตเร เอกํ, สมนนฺตเร เอกํ, สหชาเต ตีณิ, อญฺญมญฺเญ เอกํ, นิสฺสเย ตีณิ, อุปนิสฺสเย เอกํ , ปุเรชาเต เอกํ, อาเสวเน เอกํ, กมฺเม ตีณิ…เป.… ฌาเน ตีณิ, มคฺเค เอกํ, สมฺปยุตฺเต เอกํ, วิปฺปยุตฺเต ตีณิ, อตฺถิยา ตีณิ, นตฺถิยา เอกํ, วิคเต เอกํ, อวิคเต ตีณิฯ

ปจฺจนียานุโลมํฯ

2. สหชาตวาโร

(สหชาตวาโรปิ ปฏิจฺจวารสทิโสฯ)

3. ปจฺจยวาโร

1. ปจฺจยานุโลมํ

เหตุปจฺจโย

[26] อนิทสฺสนํ ธมฺมํ ปจฺจยา อนิทสฺสโน ธมฺโม อุปฺปชฺชติ เหตุปจฺจยา – อนิทสฺสนํ เอกํ ขนฺธํ ปจฺจยา ตโย ขนฺธา อนิทสฺสนํ จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปฏิสนฺธิกฺขเณ…เป.… ขนฺเธ ปจฺจยา วตฺถุ, วตฺถุํ ปจฺจยา ขนฺธา; เอกํ มหาภูตํ ปจฺจยา…เป.… มหาภูเต ปจฺจยา อนิทสฺสนํ จิตฺตสมุฏฺฐานํ รูปํ กฏตฺตารูปํ อุปาทารูปํ, วตฺถุํ ปจฺจยา อนิทสฺสนา ขนฺธา (อิตเรปิ ทฺเว ปญฺหา กาตพฺพา)ฯ

อารมฺมณปจฺจโย

[27] อนิทสฺสนํ ธมฺมํ ปจฺจยา อนิทสฺสโน ธมฺโม อุปฺปชฺชติ อารมฺมณปจฺจยา – อนิทสฺสนํ เอกํ ขนฺธํ…เป.… ทฺเว ขนฺเธ…เป.… ปฏิสนฺธิกฺขเณ…เป.… วตฺถุํ ปจฺจยา ขนฺธา, จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา อนิทสฺสนา ขนฺธา (สํขิตฺตํ)ฯ

[28] เหตุยา ตีณิ, อารมฺมเณ เอกํ, อธิปติยา ตีณิ…เป.… อวิคเต ตีณิฯ

อนุโลมํฯ

2. ปจฺจยปจฺจนียํ

นเหตุปจฺจโย

[29] อนิทสฺสนํ ธมฺมํ ปจฺจยา อนิทสฺสโน ธมฺโม อุปฺปชฺชติ นเหตุปจฺจยา – อเหตุกํ อนิทสฺสนํ เอกํ ขนฺธํ ปจฺจยา ตโย ขนฺธา อนิทสฺสนํ จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… อเหตุกปฏิสนฺธิกฺขเณ…เป.… (ยาว อสญฺญสตฺตา) จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา อเหตุกา อนิทสฺสนา ขนฺธา, วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโห (อิตเรปิ ทฺเว กาตพฺพาฯ สํขิตฺตํ)ฯ

[30] นเหตุยา ตีณิ, นอารมฺมเณ ตีณิ…เป.… โนวิคเต ตีณิฯ

ปจฺจนียํฯ

3. ปจฺจยานุโลมปจฺจนียํ

[31] เหตุปจฺจยา นอารมฺมเณ ตีณิ…เป.… นกมฺเม เอกํ…เป.… นวิปฺปยุตฺเต เอกํ, โนนตฺถิยา ตีณิ, โนวิคเต ตีณิฯ

อนุโลมปจฺจนียํฯ

4. ปจฺจยปจฺจนียานุโลมํ

[32] นเหตุปจฺจยา อารมฺมเณ เอกํ…เป.… มคฺเค เอกํ…เป.… อวิคเต ตีณิฯ

ปจฺจนียานุโลมํฯ

4. นิสฺสยวาโร

(นิสฺสยวาโรปิ เอวํ กาตพฺโพฯ)

5. สํสฏฺฐวาโร

1. ปจฺจยานุโลมํ

[33] อนิทสฺสนํ ธมฺมํ สํสฏฺโฐ อนิทสฺสโน ธมฺโม อุปฺปชฺชติ เหตุปจฺจยา – อนิทสฺสนํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ