เมนู

(ฆฏนา อธิปติ ตีณิ, อุปาทานทุกสทิสาฯ สพฺเพ ปจฺจยา อุปาทานทุกสทิสาฯ อุปาทานิเย โลกุตฺตรํ นตฺถิ, ปจฺจนียมฺปิ อิตเร ทฺเว คณนาปิ อุปาทานทุกสทิสํฯ)

อุปาทานอุปาทานิยทุกํ นิฏฺฐิตํฯ

73. อุปาทานอุปาทานสมฺปยุตฺตทุกํ

1. ปฏิจฺจวาโร

1. ปจฺจยานุโลมํ

1. วิภงฺควาโร

เหตุปจฺจโย

[101] อุปาทานญฺเจว อุปาทานสมฺปยุตฺตญฺจ ธมฺมํ ปฏิจฺจ อุปาทาโน เจว อุปาทานสมฺปยุตฺโต จ ธมฺโม อุปฺปชฺชติ เหตุปจฺจยา – ทิฏฺฐุปาทานํ ปฏิจฺจ กามุปาทานํ (จกฺกํ กาตพฺพํ)ฯ (1)

อุปาทานญฺเจว อุปาทานสมฺปยุตฺตญฺจ ธมฺมํ ปฏิจฺจ อุปาทานสมฺปยุตฺโต เจว โน จ อุปาทาโน ธมฺโม อุปฺปชฺชติ เหตุปจฺจยา – อุปาทาเน ปฏิจฺจ สมฺปยุตฺตกา ขนฺธาฯ (2)

อุปาทานญฺเจว อุปาทานสมฺปยุตฺตญฺจ ธมฺมํ ปฏิจฺจ อุปาทาโน เจว อุปาทานสมฺปยุตฺโต จ อุปาทานสมฺปยุตฺโต เจว โน จ อุปาทาโน จ ธมฺมา อุปฺปชฺชนฺติ เหตุปจฺจยา – ทิฏฺฐุปาทานํ ปฏิจฺจ กามุปาทานํ สมฺปยุตฺตกา จ ขนฺธา (จกฺกํ)ฯ (3)

2-6. สหชาต-ปจฺจย-นิสฺสย-สํสฏฺฐ-สมฺปยุตฺตวาโร

อุปาทานสมฺปยุตฺตญฺเจว โน จ อุปาทานํ ธมฺมํ ปฏิจฺจ…เป.…ฯ (สํขิตฺตํฯ อามสนํ นานากรณํ อุปาทานทุกสทิสํ นว ปญฺหาฯ รูปํ นตฺถิฯ เอวํ สพฺเพปิ วารา วิตฺถาเรตพฺพาฯ อรูปํเยวฯ)

7. ปญฺหาวาโร

1. ปจฺจยานุโลมํ

1. วิภงฺควาโร

เหตุปจฺจโย

[102] อุปาทาโน เจว อุปาทานสมฺปยุตฺโต จ ธมฺโม อุปาทานสฺส เจว อุปาทานสมฺปยุตฺตสฺส จ ธมฺมสฺส เหตุปจฺจเยน ปจฺจโย – อุปาทานา เจว อุปาทานสมฺปยุตฺตา จ เหตู สมฺปยุตฺตกานํ อุปาทานานํ เหตุปจฺจเยน ปจฺจโยฯ (มูลํ ปุจฺฉิตพฺพํ) อุปาทานา เจว อุปาทานสมฺปยุตฺตา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (มูลํ ปุจฺฉิตพฺพํ) อุปาทานา เจว อุปาทานสมฺปยุตฺตา จ เหตู สมฺปยุตฺตกานํ ขนฺธานํ อุปาทานานญฺจ เหตุปจฺจเยน ปจฺจโยฯ (3)

[103] อุปาทานสมฺปยุตฺโต เจว โน จ อุปาทาโน ธมฺโม อุปาทานสมฺปยุตฺตสฺส เจว โน จ อุปาทานสฺส ธมฺมสฺส เหตุปจฺจเยน ปจฺจโย – อุปาทานสมฺปยุตฺตา เจว โน จ อุปาทานา เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (มูลํ ปุจฺฉิตพฺพํ) อุปาทานสมฺปยุตฺตา เจว โน จ อุปาทานา เหตู สมฺปยุตฺตกานํ อุปาทานานํ เหตุปจฺจเยน ปจฺจโยฯ (มูลํ ปุจฺฉิตพฺพํ) อุปาทานสมฺปยุตฺตา เจว โน จ อุปาทานา เหตู สมฺปยุตฺตกานํ ขนฺธานํ อุปาทานานญฺจ เหตุปจฺจเยน ปจฺจโยฯ (3)

[104] อุปาทาโน เจว อุปาทานสมฺปยุตฺโต จ อุปาทานสมฺปยุตฺโต เจว โน จ อุปาทาโน จ ธมฺมา อุปาทานสฺส เจว อุปาทานสมฺปยุตฺตสฺส จ ธมฺมสฺส เหตุปจฺจเยน ปจฺจโย – อุปาทานา เจว อุปาทานสมฺปยุตฺตา จ อุปาทานสมฺปยุตฺตา เจว โน จ อุปาทานา จ เหตู สมฺปยุตฺตกานํ อุปาทานานํ เหตุปจฺจเยน ปจฺจโยฯ (มูลํ ปุจฺฉิตพฺพํ) อุปาทานา เจว อุปาทานสมฺปยุตฺตา จ อุปาทานสมฺปยุตฺตา เจว โน จ อุปาทานา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (มูลํ ปุจฺฉิตพฺพํ) อุปาทานา เจว อุปาทานสมฺปยุตฺตา จ อุปาทานสมฺปยุตฺตา เจว โน จ อุปาทานา จ เหตู สมฺปยุตฺตกานํ ขนฺธานํ อุปาทานานญฺจ เหตุปจฺจเยน ปจฺจโยฯ (3)

อารมฺมณปจฺจโย

[105] อุปาทาโน เจว อุปาทานสมฺปยุตฺโต จ ธมฺโม อุปาทานสฺส เจว อุปาทานสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – อุปาทาเน อารพฺภ อุปาทานา อุปฺปชฺชนฺติฯ (มูลํ ปุจฺฉิตพฺพํ) อุปาทาเน อารพฺภ อุปาทานสมฺปยุตฺตา เจว โน จ อุปาทานา ขนฺธา อุปฺปชฺชนฺติฯ (มูลํ ปุจฺฉิตพฺพํ) อุปาทาเน อารพฺภ อุปาทานา จ สมฺปยุตฺตกา จ ขนฺธา อุปฺปชฺชนฺติฯ (3)