เมนู

[10] เหตุปจฺจยา นอารมฺมเณ ตีณิ, นอธิปติยา นว…เป.… นอุปนิสฺสเย ตีณิ, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นสมฺปยุตฺเต ตีณิ, นวิปฺปยุตฺเต นว, โนนตฺถิยา ตีณิ, โนวิคเต ตีณิฯ

4. ปจฺจยปจฺจนียานุโลมํ

[11] นเหตุปจฺจยา อารมฺมเณ เอกํ (สพฺพตฺถ เอกํ), มคฺเค เอกํ…เป.… อวิคเต เอกํฯ

2. สหชาตวาโร

(สหชาตวาโร ปฏิจฺจวารสทิโส วิภชนฺเตน ทิฏฺฐุปาทานํ ‘‘สหชาตํ กามุปาทาน’’นฺติ กาตพฺพํฯ)

3. ปจฺจยวาโร

1-4. ปจฺจยานุโลมาทิ

เหตุปจฺจโย

[12] อุปาทานํ ธมฺมํ ปจฺจยา อุปาทาโน ธมฺโม อุปฺปชฺชติ เหตุปจฺจยา – ทิฏฺฐุปาทานํ ปจฺจยา กามุปาทานํ… ตีณิ (ปฏิจฺจสทิสา)ฯ

โนอุปาทานํ ธมฺมํ ปจฺจยา โนอุปาทาโน ธมฺโม อุปฺปชฺชติ เหตุปจฺจยา – โนอุปาทานํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปฏิสนฺธิกฺขเณ…เป.… ขนฺเธ ปจฺจยา วตฺถุ…เป.… (ยาว อชฺฌตฺติกา มหาภูตา) วตฺถุํ ปจฺจยา โนอุปาทานา ขนฺธาฯ (1)

โนอุปาทานํ ธมฺมํ ปจฺจยา อุปาทาโน ธมฺโม อุปฺปชฺชติ เหตุปจฺจยา – โนอุปาทาเน ขนฺเธ ปจฺจยา อุปาทานา, วตฺถุํ ปจฺจยา อุปาทานาฯ (2)

โนอุปาทานํ ธมฺมํ ปจฺจยา อุปาทาโน จ โนอุปาทาโน จ ธมฺมา อุปฺปชฺชนฺติ เหตุปจฺจยา – โนอุปาทานํ เอกํ ขนฺธํ ปจฺจยา ตโย ขนฺธา อุปาทานา จ จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… วตฺถุํ ปจฺจยา อุปาทานา, มหาภูเต ปจฺจยา จิตฺตสมุฏฺฐานํ รูปํ, วตฺถุํ ปจฺจยา อุปาทานา สมฺปยุตฺตกา จ ขนฺธาฯ (3)

[13] อุปาทานญฺจ โนอุปาทานญฺจ ธมฺมํ ปจฺจยา อุปาทาโน ธมฺโม อุปฺปชฺชติ เหตุปจฺจยา – ทิฏฺฐุปาทานญฺจ สมฺปยุตฺตเก จ ขนฺเธ ปจฺจยา กามุปาทานํ, กามุปาทานญฺจ สมฺปยุตฺตเก จ ขนฺเธ ปจฺจยา ทิฏฺฐุปาทานํ (จกฺกํ กาตพฺพํ)ฯ ทิฏฺฐุปาทานญฺจ วตฺถุญฺจ ปจฺจยา กามุปาทานํ (จกฺกํ กาตพฺพํ)ฯ (1)

อุปาทานญฺจ โนอุปาทานญฺจ ธมฺมํ ปจฺจยา โนอุปาทาโน ธมฺโม อุปฺปชฺชติ เหตุปจฺจยา – โนอุปาทานํ เอกํ ขนฺธญฺจ อุปาทานญฺจ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ จ…เป.… (จกฺกํ กาตพฺพํ)ฯ อุปาทาเน จ มหาภูเต จ ปจฺจยา จิตฺตสมุฏฺฐานํ รูปํ, อุปาทานญฺจ วตฺถุญฺจ ปจฺจยา โนอุปาทานา ขนฺธาฯ (2)

อุปาทานญฺจ โนอุปาทานญฺจ ธมฺมํ ปจฺจยา อุปาทาโน จ โนอุปาทาโน จ ธมฺมา อุปฺปชฺชนฺติ เหตุปจฺจยา – โนอุปาทานํ เอกํ ขนฺธญฺจ ทิฏฺฐุปาทานญฺจ ปจฺจยา ตโย ขนฺธา กามุปาทานํ จิตฺตสมุฏฺฐานญฺจ รูปํ…เป.… (จกฺกํ)ฯ ทิฏฺฐุปาทานญฺจ วตฺถุญฺจ ปจฺจยา กามุปาทานํ สมฺปยุตฺตกา จ ขนฺธา…เป.… (จกฺกํ)ฯ (3)

อารมฺมณปจฺจยา… (อารมฺมเณ โนอุปาทานมูลเก ปญฺจายตนญฺจ วตฺถุญฺจ กาตพฺพา)ฯ

เหตุยา นว, อารมฺมเณ นว, อธิปติยา นว (สพฺพตฺถ นว), วิปาเก เอกํ…เป.… อวิคเต นวฯ

อนุโลมํฯ

[14] โนอุปาทานํ ธมฺมํ ปจฺจยา โนอุปาทาโน ธมฺโม อุปฺปชฺชติ นเหตุปจฺจยา – อเหตุกํ โนอุปาทานํ เอกํ ขนฺธํ ปจฺจยา…เป.… อเหตุกปฏิสนฺธิกฺขเณ…เป.… (ยาว อสญฺญสตฺตา) จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา อเหตุกา โนอุปาทานา ขนฺธา, วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโหฯ

นเหตุยา เอกํ, นอารมฺมเณ ตีณิ, นอธิปติยา นว, นอนนฺตเร ตีณิ, นสมนนฺตเร ตีณิ…เป.… นปุเรชาเต นว…เป.… นกมฺเม ตีณิ, นวิปาเก นว (ปฏิจฺจสทิสํ)…เป.… โนวิคเต ตีณิฯ

ปจฺจนียํฯ

4. นิสฺสยวาโร

(เอวํ อิตเร ทฺเว คณนาปิ นิสฺสยวาโรปิ กาตพฺโพฯ)

5. สํสฏฺฐวาโร

1-4. ปจฺจยานุโลมาทิ