เมนู

เหตุปจฺจโย

[247] จิตฺตสหภุํ ธมฺมํ ปจฺจยา จิตฺตสหภู ธมฺโม อุปฺปชฺชติ เหตุปจฺจยา… ตีณิ (ปฏิจฺจสทิสา)ฯ

โนจิตฺตสหภุํ ธมฺมํ ปจฺจยา โนจิตฺตสหภู ธมฺโม อุปฺปชฺชติ เหตุปจฺจยา – วตฺถุํ ปจฺจยา จิตฺตํ, จิตฺตํ ปจฺจยา โนจิตฺตสหภุ จิตฺตสมุฏฺฐานํ รูปํ; ปฏิสนฺธิกฺขเณ…เป.… (ปฏิจฺจวารสทิสํ, สพฺเพ มหาภูตา)ฯ (1)

โนจิตฺตสหภุํ ธมฺมํ ปจฺจยา จิตฺตสหภู ธมฺโม อุปฺปชฺชติ เหตุปจฺจยา – จิตฺตํ ปจฺจยา สมฺปยุตฺตกา ขนฺธา จิตฺตสหภุ จิตฺตสมุฏฺฐานญฺจ รูปํ, วตฺถุํ ปจฺจยา จิตฺตสหภู ขนฺธา; ปฏิสนฺธิกฺขเณ…เป.… (สพฺเพ มหาภูตา ปฏิจฺจสทิสํ)ฯ (2)

โนจิตฺตสหภุํ ธมฺมํ ปจฺจยา จิตฺตสหภู จ โนจิตฺตสหภู จ ธมฺมา อุปฺปชฺชนฺติ เหตุปจฺจยา – จิตฺตํ ปจฺจยา สมฺปยุตฺตกา ขนฺธา จิตฺตสหภุ จ โนจิตฺตสหภุ จ จิตฺตสมุฏฺฐานํ รูปํ, วตฺถุํ ปจฺจยา จิตฺตญฺจ สมฺปยุตฺตกา จ ขนฺธา; ปฏิสนฺธิกฺขเณ…เป.… (ปฏิจฺจสทิสํ, สพฺเพ มหาภูตา)ฯ (3)

[248] จิตฺตสหภุญฺจ โนจิตฺตสหภุญฺจ ธมฺมํ ปจฺจยา จิตฺตสหภู ธมฺโม อุปฺปชฺชติ เหตุปจฺจยา – จิตฺตสหภุํ เอกํ ขนฺธญฺจ จิตฺตญฺจ ปจฺจยา ทฺเว ขนฺธา จิตฺตสหภุ จิตฺตสมุฏฺฐานญฺจ รูปํ, ทฺเว ขนฺเธ จ…เป.… จิตฺตสหภุํ เอกํ ขนฺธญฺจ วตฺถุญฺจ ปจฺจยา ทฺเว ขนฺธา, ทฺเว ขนฺเธ จ…เป.… ปฏิสนฺธิกฺขเณ…เป.… (ปฏิจฺจสทิสํ, สพฺเพ มหาภูตา)ฯ (1)

จิตฺตสหภุญฺจ โนจิตฺตสหภุญฺจ ธมฺมํ ปจฺจยา โนจิตฺตสหภู ธมฺโม อุปฺปชฺชติ เหตุปจฺจยา – จิตฺตสหภู ขนฺเธ จ จิตฺตญฺจ ปจฺจยา โนจิตฺตสหภุ จิตฺตสมุฏฺฐานํ รูปํ, จิตฺตสหภู ขนฺเธ จ วตฺถุญฺจ ปจฺจยา จิตฺตํฯ จิตฺตสหภู ขนฺเธ จ มหาภูเต จ ปจฺจยา โนจิตฺตสหภุ จิตฺตสมุฏฺฐานํ รูปํ; ปฏิสนฺธิกฺขเณ…เป.… (ปฏิจฺจสทิสํ, สพฺเพ มหาภูตา)ฯ (2)

จิตฺตสหภุญฺจ โนจิตฺตสหภุญฺจ ธมฺมํ ปจฺจยา จิตฺตสหภู จ โนจิตฺตสหภู จ ธมฺมา อุปฺปชฺชนฺติ เหตุปจฺจยา – จิตฺตสหภุํ เอกํ ขนฺธญฺจ จิตฺตญฺจ ปจฺจยา ทฺเว ขนฺธา จิตฺตสหภุ จ โนจิตฺตสหภุ จ จิตฺตสมุฏฺฐานํ รูปํ, จิตฺตสหภุํ เอกํ ขนฺธญฺจ วตฺถุญฺจ ปจฺจยา ทฺเว ขนฺธา จิตฺตญฺจ, ทฺเว ขนฺเธ จ…เป.… ปฏิสนฺธิกฺขเณ…เป.… (ปฏิจฺจสทิสํ, สพฺเพ มหาภูตา)ฯ (3)

อารมฺมณปจฺจโย

[249] จิตฺตสหภุํ ธมฺมํ ปจฺจยา จิตฺตสหภู ธมฺโม อุปฺปชฺชติ อารมฺมณปจฺจยา… ตีณิ (ปฏิจฺจสทิสํ)ฯ

โนจิตฺตสหภุํ ธมฺมํ ปจฺจยา โนจิตฺตสหภู ธมฺโม อุปฺปชฺชติ อารมฺมณปจฺจยา…เป.… จกฺขายตนํ ปจฺจยา จกฺขุวิญฺญาณํ…เป.… กายายตนํ…เป.…ฯ (อิมํ จิตฺตสมุฏฺฐานทุกํ ปจฺจยวาเร อารมฺมณสทิสํฯ ฉนฺนมฺปิ อิเมสํ ปญฺจวิญฺญาณมูลา กาตพฺพาฯ สํขิตฺตํฯ)

1. ปจฺจยานุโลมํ

2. สงฺขฺยาวาโร

[250] เหตุยา นว, อารมฺมเณ นว, อธิปติยา นว (สพฺพตฺถ นว), อวิคเต นวฯ

2. ปจฺจยปจฺจนียํ

1. วิภงฺควาโร

นเหตุปจฺจโย

[251] จิตฺตสหภุํ ธมฺมํ ปจฺจยา จิตฺตสหภู ธมฺโม อุปฺปชฺชติ นเหตุปจฺจยา – อเหตุกํ จิตฺตสหภุํ เอกํ ขนฺธํ…เป.…ฯ (สํขิตฺตํฯ สพฺพํ กาตพฺพํฯ ปจฺจยวารสฺส ปญฺจวิญฺญาณํ ฉนฺนมฺปิ มูลา กาตพฺพาฯ สพฺเพ มหาภูเต ตีณิเยว โมโหฯ สํขิตฺตํฯ)

2. ปจฺจยปจฺจนียํ

2. สงฺขฺยาวาโร