เหตุปจฺจโย

[100] นีวรโณ เจว นีวรณสมฺปยุตฺโต จ ธมฺโม นีวรณสฺส เจว นีวรณสมฺปยุตฺตสฺส จ ธมฺมสฺส เหตุปจฺจเยน ปจฺจโย – นีวรณา เจว นีวรณสมฺปยุตฺตา จ เหตู สมฺปยุตฺตกานํ นีวรณานํ เหตุปจฺจเยน ปจฺจโยฯ (1)

นีวรโณ เจว นีวรณสมฺปยุตฺโต จ ธมฺโม นีวรณสมฺปยุตฺตสฺส เจว โน จ นีวรณสฺส ธมฺมสฺส เหตุปจฺจเยน ปจฺจโย – นีวรณา เจว นีวรณสมฺปยุตฺตา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (2)

นีวรโณ เจว นีวรณสมฺปยุตฺโต จ ธมฺโม นีวรณสฺส เจว นีวรณสมฺปยุตฺตสฺส จ นีวรณสมฺปยุตฺตสฺส เจว โน จ นีวรณสฺส จ ธมฺมสฺส เหตุปจฺจเยน ปจฺจโย – นีวรณา เจว นีวรณสมฺปยุตฺตา จ เหตู สมฺปยุตฺตกานํ ขนฺธานํ นีวรณานญฺจ เหตุปจฺจเยน ปจฺจโยฯ (3)

อารมฺมณปจฺจโย

[101] นีวรโณ เจว นีวรณสมฺปยุตฺโต จ ธมฺโม นีวรณสฺส เจว นีวรณสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – นีวรเณ อารพฺภ นีวรณา อุปฺปชฺชนฺติฯ (มูลํ กาตพฺพํ) นีวรเณ อารพฺภ นีวรณสมฺปยุตฺตา เจว โน จ นีวรณา ขนฺธา อุปฺปชฺชนฺติฯ (มูลํ กาตพฺพํ) นีวรเณ อารพฺภ นีวรณา จ สมฺปยุตฺตกา จ ขนฺธา อุปฺปชฺชนฺติฯ (3)

นีวรณสมฺปยุตฺโต เจว โน จ นีวรโณ ธมฺโม นีวรณสมฺปยุตฺตสฺส เจว โน จ นีวรณสฺส ธมฺมสฺส อารมฺมณปจฺจเยน ปจฺจโย – นีวรณสมฺปยุตฺเต เจว โน จ นีวรเณ ขนฺเธ อารพฺภ นีวรณสมฺปยุตฺตา เจว โน จ นีวรณา ขนฺธา อุปฺปชฺชนฺติฯ (มูลํ ปุจฺฉิตพฺพํ) นีวรณสมฺปยุตฺเต เจว โน จ นีวรเณ ขนฺเธ อารพฺภ นีวรณา อุปฺปชฺชนฺติฯ (มูลํ ปุจฺฉิตพฺพํ) นีวรณสมฺปยุตฺเต เจว โน จ นีวรเณ ขนฺเธ อารพฺภ นีวรณา จ สมฺปยุตฺตกา จ ขนฺธา อุปฺปชฺชนฺติฯ (3)

นีวรโณ เจว นีวรณสมฺปยุตฺโต จ นีวรณสมฺปยุตฺโต เจว โน จ นีวรโณ จ ธมฺมา นีวรณสฺส เจว นีวรณสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย… ตีณิฯ (3)

อธิปติปจฺจยาทิ

[102] นีวรโณ เจว นีวรณสมฺปยุตฺโต จ ธมฺโม นีวรณสฺส เจว นีวรณสมฺปยุตฺตสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิ (ครุการมฺมณาเยว)ฯ

นีวรณสมฺปยุตฺโต เจว โน จ นีวรโณ ธมฺโม นีวรณสมฺปยุตฺตสฺส เจว โน จ นีวรณสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติฯ อารมฺมณาธิปติ นีวรณสมฺปยุตฺเต เจว โน จ นีวรเณ ขนฺเธ ครุํ กตฺวา นีวรณสมฺปยุตฺตา เจว โน จ นีวรณา ขนฺธา อุปฺปชฺชนฺติฯ สหชาตาธิปติ – นีวรณสมฺปยุตฺตา เจว โน จ นีวรณาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโยฯ (มูลํ กาตพฺพํ) อารมฺมณาธิปติ – นีวรณสมฺปยุตฺเต เจว โน จ นีวรเณ ขนฺเธ ครุํ กตฺวา นีวรณา อุปฺปชฺชนฺติฯ สหชาตาธิปติ – นีวรณสมฺปยุตฺตา เจว โน จ นีวรณาธิปติ สมฺปยุตฺตกานํ นีวรณานํ อธิปติปจฺจเยน ปจฺจโยฯ (มูลํ กาตพฺพํ) อารมฺมณาธิปติ – นีวรณสมฺปยุตฺเต เจว โน จ นีวรเณ ขนฺเธ ครุํ กตฺวา นีวรณา จ สมฺปยุตฺตกา จ ขนฺธา อุปฺปชฺชนฺติฯ สหชาตาธิปติ – นีวรณสมฺปยุตฺตา เจว โน จ นีวรณาธิปติ สมฺปยุตฺตกานํ ขนฺธานํ นีวรณานญฺจ อธิปติปจฺจเยน ปจฺจโยฯ (3)

[103] นีวรโณ เจว นีวรณสมฺปยุตฺโต จ นีวรณสมฺปยุตฺโต เจว โน จ นีวรโณ จ ธมฺมา นีวรณสฺส เจว นีวรณสมฺปยุตฺตสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิฯ (3)

อนนฺตรปจฺจเยน ปจฺจโย (อาวชฺชนาปิ วุฏฺฐานมฺปิ นตฺถิ, สพฺพตฺถ ปุริมา ปุริมา กาตพฺพา)… สมนนฺตรปจฺจเยน ปจฺจโย… นว… สหชาตปจฺจเยน ปจฺจโย… นว… อญฺญมญฺญปจฺจเยน ปจฺจโย… นว… นิสฺสยปจฺจเยน ปจฺจโย… นว… อุปนิสฺสยปจฺจเยน ปจฺจโย… นว (อารมฺมณสทิสํ, วิปาโก นตฺถิ)… อาเสวนปจฺจเยน ปจฺจโย… ปญฺจฯ