เหตุปจฺจโย

[106] สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส เหตุปจฺจเยน ปจฺจโย – กามราคสญฺโญชโน ทิฏฺฐิสญฺโญชนสฺส อวิชฺชาสญฺโญชนสฺส เหตุปจฺจเยน ปจฺจโย (จกฺกํ)ฯ (1)

สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสมฺปยุตฺตสฺส เจว โน จ สญฺโญชนสฺส ธมฺมสฺส เหตุปจฺจเยน ปจฺจโย – สญฺโญชนา เจว สญฺโญชนสมฺปยุตฺตา จ เหตู สมฺปยุตฺตกานํ ขนฺธานํ เหตุปจฺจเยน ปจฺจโยฯ (2)

สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ สญฺโญชนสมฺปยุตฺตสฺส เจว โน จ สญฺโญชนสฺส จ ธมฺมสฺส เหตุปจฺจเยน ปจฺจโย – กามราคสญฺโญชโน ทิฏฺฐิสญฺโญชนสฺส อวิชฺชาสญฺโญชนสฺส สมฺปยุตฺตกานญฺจ ขนฺธานํ เหตุปจฺจเยน ปจฺจโย (จกฺกํ)ฯ (3)

อารมฺมณปจฺจโย

[107] สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – สญฺโญชเน อารพฺภ สญฺโญชนา อุปฺปชฺชนฺติฯ (มูลํ กาตพฺพํ) สญฺโญชเน อารพฺภ สญฺโญชนสมฺปยุตฺตา เจว โน จ สญฺโญชนา ขนฺธา อุปฺปชฺชนฺติฯ (มูลํ กาตพฺพํ) สญฺโญชเน อารพฺภ สญฺโญชนา จ สญฺโญชนสมฺปยุตฺตกา จ ขนฺธา อุปฺปชฺชนฺติฯ (1)

สญฺโญชนสมฺปยุตฺโต เจว โน จ สญฺโญชโน ธมฺโม สญฺโญชนสมฺปยุตฺตสฺส เจว โน จ สญฺโญชนสฺส ธมฺมสฺส อารมฺมณปจฺจเยน ปจฺจโย – สญฺโญชนสมฺปยุตฺเต เจว โน จ สญฺโญชเน ขนฺเธ อารพฺภ สญฺโญชนสมฺปยุตฺตา เจว โน จ สญฺโญชนา ขนฺธา อุปฺปชฺชนฺติฯ (1)

สญฺโญชนสมฺปยุตฺโต เจว โน จ สญฺโญชโน ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย – สญฺโญชนสมฺปยุตฺเต เจว โน จ สญฺโญชเน ขนฺเธ อารพฺภ สญฺโญชนา อุปฺปชฺชนฺติฯ (2)

สญฺโญชนสมฺปยุตฺโต เจว โน จ สญฺโญชโน ธมฺโม สญฺโญชนสฺส เจว สญฺโญชนสมฺปยุตฺตสฺส จ สญฺโญชนสมฺปยุตฺตสฺส เจว โน จ สญฺโญชนสฺส จ ธมฺมสฺส อารมฺมณปจฺจเยน ปจฺจโย – สญฺโญชนสมฺปยุตฺเต เจว โน จ สญฺโญชเน ขนฺเธ อารพฺภ สญฺโญชนา จ สญฺโญชนสมฺปยุตฺตกา จ ขนฺธา อุปฺปชฺชนฺติฯ (3)

สญฺโญชโน เจว สญฺโญชนสมฺปยุตฺโต จ สญฺโญชนสมฺปยุตฺโต เจว โน จ สญฺโญชโน จ ธมฺมา สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย… ตีณิฯ

อธิปติปจฺจโย

[108] สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิฯ

สญฺโญชนสมฺปยุตฺโต เจว โน จ สญฺโญชโน ธมฺโม สญฺโญชนสมฺปยุตฺตสฺส เจว โน จ สญฺโญชนสฺส ธมฺมสฺส อธิปติปจฺจเยน ปจฺจโย – อารมฺมณาธิปติ, สหชาตาธิปติ… ตีณิ (อิมาสุ ตีสุปิ ปญฺหาสุ อารมฺมณาธิปติปิ สหชาตาธิปติปิ กาตพฺพา)ฯ

สญฺโญชโน เจว สญฺโญชนสมฺปยุตฺโต จ สญฺโญชนสมฺปยุตฺโต เจว โน จ สญฺโญชโน จ ธมฺมา สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อธิปติปจฺจเยน ปจฺจโย – อารมฺมณาธิปติ… ตีณิฯ

อนนฺตรปจฺจยาทิ

[109] สญฺโญชโน เจว สญฺโญชนสมฺปยุตฺโต จ ธมฺโม สญฺโญชนสฺส เจว สญฺโญชนสมฺปยุตฺตสฺส จ ธมฺมสฺส อนนฺตรปจฺจเยน ปจฺจโย… นว (นินฺนานากรณํ, วิภชนา นตฺถิฯ อารมฺมณสทิสา)… สมนนฺตรปจฺจเยน ปจฺจโย… นว… สหชาตปจฺจเยน ปจฺจโย… นว… อญฺญมญฺญปจฺจเยน ปจฺจโย… นว… นิสฺสยปจฺจเยน ปจฺจโย… นว… อุปนิสฺสยปจฺจเยน ปจฺจโย… นว (อารมฺมณนเยน กาตพฺพา)… อาเสวนปจฺจเยน ปจฺจโย… นวฯ