นเหตุทุกํ

[8] นเหตุปจฺจยา อารมฺมเณ จตฺตาริ (สพฺพตฺถ จตฺตาริ) วิปาเก เอกํ, อาหาเร จตฺตาริ…เป.… มคฺเค ตีณิ, สมฺปยุตฺเต จตฺตาริ…เป.… อวิคเต จตฺตาริฯ

ปจฺจนียานุโลมํฯ

2. สหชาตวาโร

[9] สญฺโญชนํ ธมฺมํ สหชาโต สญฺโญชโน ธมฺโม อุปฺปชฺชติ เหตุปจฺจยา (ปฏิจฺจวารสทิสํ)ฯ

3. ปจฺจยวาโร

1-4. ปจฺจยานุโลมาทิ

เหตุปจฺจโย

[10] สญฺโญชนํ ธมฺมํ ปจฺจยา สญฺโญชโน ธมฺโม อุปฺปชฺชติ เหตุปจฺจยา… ตีณิ (ปฏิจฺจสทิสํ)ฯ

โนสญฺโญชนํ ธมฺมํ ปจฺจยา โนสญฺโญชโน ธมฺโม อุปฺปชฺชติ เหตุปจฺจยา – โนสญฺโญชนํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปฏิสนฺธิกฺขเณ…เป.… ขนฺเธ ปจฺจยา วตฺถุ, วตฺถุํ ปจฺจยา ขนฺธา, เอกํ มหาภูตํ…เป.… มหาภูเต ปจฺจยา จิตฺตสมุฏฺฐานํ รูปํ, กฏตฺตารูปํ, อุปาทารูปํ, วตฺถุํ ปจฺจยา โนสญฺโญชนา ขนฺธาฯ (1)

โนสญฺโญชนํ ธมฺมํ ปจฺจยา สญฺโญชโน ธมฺโม อุปฺปชฺชติ เหตุปจฺจยา – โนสญฺโญชเน ขนฺเธ ปจฺจยา สญฺโญชนา, วตฺถุํ ปจฺจยา สญฺโญชนาฯ (2)

โนสญฺโญชนํ ธมฺมํ ปจฺจยา สญฺโญชโน จ โนสญฺโญชโน จ ธมฺมา อุปฺปชฺชนฺติ เหตุปจฺจยา – โนสญฺโญชนํ เอกํ ขนฺธํ ปจฺจยา ตโย ขนฺธา สญฺโญชนญฺจ จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… วตฺถุํ ปจฺจยา สญฺโญชนา, มหาภูเต ปจฺจยา จิตฺตสมุฏฺฐานํ รูปํ, วตฺถุํ ปจฺจยา สญฺโญชนา สมฺปยุตฺตกา จ ขนฺธาฯ (3)

[11] สญฺโญชนญฺจ โนสญฺโญชนญฺจ ธมฺมํ ปจฺจยา สญฺโญชโน ธมฺโม อุปฺปชฺชติ เหตุปจฺจยา – กามราคสญฺโญชนญฺจ สมฺปยุตฺตเก จ ขนฺเธ ปจฺจยา ทิฏฺฐิสญฺโญชนํ อวิชฺชาสญฺโญชนํ, กามราคสญฺโญชนญฺจ วตฺถุญฺจ ปจฺจยา ทิฏฺฐิสญฺโญชนํ อวิชฺชาสญฺโญชนํ (จกฺกํ) (1)

สญฺโญชนญฺจ โนสญฺโญชนญฺจ ธมฺมํ ปจฺจยา โนสญฺโญชโน ธมฺโม อุปฺปชฺชติ เหตุปจฺจยา – โนสญฺโญชนํ เอกํ ขนฺธญฺจ สญฺโญชเน จ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… (จกฺกํ)ฯ สญฺโญชเน จ วตฺถุญฺจ ปจฺจยา โนสญฺโญชนา ขนฺธาฯ (2)

สญฺโญชนญฺจ โนสญฺโญชนญฺจ ธมฺมํ ปจฺจยา สญฺโญชโน จ โนสญฺโญชโน จ ธมฺมา อุปฺปชฺชนฺติ เหตุปจฺจยา – โนสญฺโญชนํ เอกํ ขนฺธญฺจ กามราคสญฺโญชนญฺจ ปจฺจยา ตโย ขนฺธา ทิฏฺฐิสญฺโญชนํ อวิชฺชาสญฺโญชนํ จิตฺตสมุฏฺฐานญฺจ รูปํ, ทฺเว ขนฺเธ…เป.… (จกฺกํ)ฯ กามราคสญฺโญชนญฺจ วตฺถุญฺจ ปจฺจยา ทิฏฺฐิสญฺโญชนํ อวิชฺชาสญฺโญชนํ สมฺปยุตฺตกา จ ขนฺธา (จกฺกํฯ สํขิตฺตํ)ฯ (3)

[12] เหตุยา นว, อารมฺมเณ นว (สพฺพตฺถ นว), วิปาเก เอกํ…เป.… อวิคเต นวฯ

[13] นเหตุยา จตฺตาริ (ยตฺถ ยตฺถ วตฺถุ ลพฺภติ, ตตฺถ ตตฺถ นินฺเนตพฺพํ), นอารมฺมเณ ตีณิ…เป.… โนวิคเต ตีณิฯ

4. นิสฺสยวาโร

(เอวํ อิตเรปิ ทฺเว คณนา จ นิสฺสยวาโร จ กาตพฺโพฯ)

5. สํสฏฺฐวาโร

1. ปจฺจยานุโลมํ

เหตุปจฺจโย

[14] สญฺโญชนํ ธมฺมํ สํสฏฺโฐ สญฺโญชโน ธมฺโม อุปฺปชฺชติ เหตุปจฺจยา – กามราคสญฺโญชนํ สํสฏฺฐํ ทิฏฺฐิสญฺโญชนํ อวิชฺชาสญฺโญชนํ (เอวํ นว ปญฺหาฯ อรูปาเยว กาตพฺพา)ฯ

6. สมฺปยุตฺตวาโร

(สํสฏฺฐวาโรปิ สมฺปยุตฺตวาโรปิ เอวํ กาตพฺพาฯ)

7. ปญฺหาวาโร

1. ปจฺจยานุโลมํ

1. วิภงฺควาโร