สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส วิปากปจฺจเยน ปจฺจโย – วิปาโก สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ วิปากปจฺจเยน ปจฺจโย…เป.… ทฺเว ขนฺธา…เป.… ปฏิสนฺธิกฺขเณ…เป.…ฯ (1)
สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส วิปากปจฺจเยน ปจฺจโย – วิปากา สวิตกฺกสวิจารา ขนฺธา จ วิตกฺโก จ จิตฺตสมุฏฺฐานานํ รูปานํ วิปากปจฺจเยน ปจฺจโยฯ ปฏิสนฺธิกฺขเณ…เป.…ฯ (2)
สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกอวิจารสฺส จ ธมฺมสฺส วิปากปจฺจเยน ปจฺจโย – วิปาโก สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ วิปากปจฺจเยน ปจฺจโยฯ ปฏิสนฺธิกฺขเณ…เป.…ฯ (3)
อาหารปจฺจโย
[119] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อาหารปจฺจเยน ปจฺจโย – สวิตกฺกสวิจารา อาหารา สมฺปยุตฺตกานํ ขนฺธานํ อาหารปจฺจเยน ปจฺจโยฯ ปฏิสนฺธิกฺขเณ…เป.…ฯ (1)
สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อาหารปจฺจเยน ปจฺจโย – สวิตกฺกสวิจารา อาหารา วิตกฺกสฺส อาหารปจฺจเยน ปจฺจโยฯ ปฏิสนฺธิกฺขเณ…เป.…ฯ
(สวิตกฺกสวิจารมูลกา อิมินา การเณน สตฺต ปญฺหา วิภชิตพฺพาฯ)
อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส อาหารปจฺจเยน ปจฺจโย – อวิตกฺกวิจารมตฺตา อาหารา สมฺปยุตฺตกานํ ขนฺธานํ อาหารปจฺจเยน ปจฺจโยฯ ปฏิสนฺธิกฺขเณ…เป.…ฯ (1)
อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส อาหารปจฺจเยน ปจฺจโย – อวิตกฺกวิจารมตฺตา อาหารา วิจารสฺส จ จิตฺตสมุฏฺฐานานญฺจ รูปานํ อาหารปจฺจเยน ปจฺจโยฯ ปฏิสนฺธิกฺขเณ…เป.…ฯ (2)
อวิตกฺกวิจารมตฺโต ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อาหารปจฺจเยน ปจฺจโย – อวิตกฺกวิจารมตฺตา อาหารา สมฺปยุตฺตกานํ ขนฺธานํ วิจารสฺส จ จิตฺตสมุฏฺฐานานญฺจ รูปานํ อาหารปจฺจเยน ปจฺจโยฯ ปฏิสนฺธิกฺขเณ…เป.…ฯ (3)
อวิตกฺกอวิจาโร ธมฺโม อวิตกฺกอวิจารสฺส ธมฺมสฺส อาหารปจฺจเยน ปจฺจโย – อวิตกฺกอวิจารา อาหารา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อาหารปจฺจเยน ปจฺจโยฯ ปฏิสนฺธิกฺขเณ…เป.… กพฬีกาโร อาหาโร อิมสฺส กายสฺส อาหารปจฺจเยน ปจฺจโยฯ
อินฺทฺริยปจฺจโย
[120] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อินฺทฺริยปจฺจเยน ปจฺจโย – สวิตกฺกสวิจารา อินฺทฺริยา สมฺปยุตฺตกานํ ขนฺธานํ อินฺทฺริยปจฺจเยน ปจฺจโยฯ ปฏิสนฺธิกฺขเณ…เป.…ฯ (1)
สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อินฺทฺริยปจฺจเยน ปจฺจโย – สวิตกฺกสวิจารา อินฺทฺริยา วิตกฺกสฺส อินฺทฺริยปจฺจเยน ปจฺจโยฯ ปฏิสนฺธิกฺขเณ…เป.…ฯ (7)
(สวิตกฺกสวิจารมูลกา สตฺต ปญฺหา อิมินา การเณน วิภชิตพฺพาฯ)
อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส อินฺทฺริยปจฺจเยน ปจฺจโย – อวิตกฺกวิจารมตฺตา อินฺทฺริยา สมฺปยุตฺตกานํ ขนฺธานํ อินฺทฺริยปจฺจเยน ปจฺจโยฯ ปฏิสนฺธิกฺขเณ…เป.…ฯ (1)
อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส อินฺทฺริยปจฺจเยน ปจฺจโย – อวิตกฺกวิจารมตฺตา อินฺทฺริยา วิจารสฺส จ จิตฺตสมุฏฺฐานานญฺจ รูปานํ อินฺทฺริยปจฺจเยน ปจฺจโยฯ ปฏิสนฺธิกฺขเณ…เป.…ฯ (2)
อวิตกฺกวิจารมตฺโต ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อินฺทฺริยปจฺจเยน ปจฺจโย – อวิตกฺกวิจารมตฺตา อินฺทฺริยา สมฺปยุตฺตกานํ ขนฺธานํ วิจารสฺส จ จิตฺตสมุฏฺฐานานญฺจ รูปานํ อินฺทฺริยปจฺจเยน ปจฺจโยฯ ปฏิสนฺธิกฺขเณ…เป.…ฯ (3)
อวิตกฺกอวิจาโร ธมฺโม อวิตกฺกอวิจารสฺส ธมฺมสฺส อินฺทฺริยปจฺจเยน ปจฺจโย – อวิตกฺกอวิจารา อินฺทฺริยา สมฺปยุตฺตกานํ ขนฺธานํ จิตฺตสมุฏฺฐานานญฺจ รูปานํ อินฺทฺริยปจฺจเยน ปจฺจโยฯ
