ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ วิจารสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา จ วตฺถุ จ ทฺวินฺนํ ขนฺธานํ วิจารสฺส จ อญฺญมญฺญปจฺจเยน ปจฺจโยฯ (4)

[97] สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ทฺเว ขนฺธา จ วิตกฺโก จ ทฺวินฺนํ ขนฺธานํ อญฺญมญฺญปจฺจเยน ปจฺจโยฯ ปฏิสนฺธิกฺขเณ…เป.…ฯ (1)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา จ วิตกฺโก จ วตฺถุสฺส อญฺญมญฺญปจฺจเยน ปจฺจโยฯ (2)

สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา จ วิตกฺโก จ ทฺวินฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโยฯ (3)

สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วิตกฺโก จ วตฺถุ จ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ทฺเว ขนฺธา จ วิตกฺโก จ วตฺถุ จ ทฺวินฺนํ ขนฺธานํ อญฺญมญฺญปจฺจเยน ปจฺจโยฯ (1)

นิสฺสยปจฺจโย

[98] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส นิสฺสยปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ (สํขิตฺตํ) สตฺตฯ

อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส นิสฺสยปจฺจเยน ปจฺจโย (สํขิตฺตํ) ปญฺจฯ

อวิตกฺกอวิจาโร ธมฺโม อวิตกฺกอวิจารสฺส ธมฺมสฺส นิสฺสยปจฺจเยน ปจฺจโย – อวิตกฺกอวิจาโร เอโก ขนฺโธ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ นิสฺสยปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ จิตฺตสมุฏฺฐานานญฺจ รูปานํ นิสฺสยปจฺจเยน ปจฺจโยฯ วิจาโร จิตฺตสมุฏฺฐานานํ รูปานํ นิสฺสยปจฺจเยน ปจฺจโยฯ ปฏิสนฺธิกฺขเณ อวิตกฺกอวิจาโร เอโก ขนฺโธ ติณฺณนฺนํ ขนฺธานํ กฏตฺตา จ รูปานํ นิสฺสยปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ…เป.… อสญฺญสตฺตานํ เอกํ มหาภูตํ…เป.… จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส…เป.… วตฺถุ อวิตกฺกอวิจารานํ ขนฺธานํ วิจารสฺส จ นิสฺสยปจฺจเยน ปจฺจโยฯ (1)

อวิตกฺกอวิจาโร ธมฺโม สวิตกฺกสวิจารสฺส ธมฺมสฺส นิสฺสยปจฺจเยน ปจฺจโย – วตฺถุ สวิตกฺกสวิจารานํ ขนฺธานํ นิสฺสยปจฺจเยน ปจฺจโยฯ ปฏิสนฺธิกฺขเณ วตฺถุ…เป.…ฯ (2)

อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส นิสฺสยปจฺจเยน ปจฺจโย – วิจาโร อวิตกฺกวิจารมตฺตานํ ขนฺธานํ นิสฺสยปจฺจเยน ปจฺจโย, วตฺถุ อวิตกฺกวิจารมตฺตานํ ขนฺธานํ วิตกฺกสฺส จ นิสฺสยปจฺจเยน ปจฺจโยฯ ปฏิสนฺธิกฺขเณ วิจาโร…เป.…ฯ (3)

อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส นิสฺสยปจฺจเยน ปจฺจโย – วิจาโร อวิตกฺกวิจารมตฺตานํ ขนฺธานํ จิตฺตสมุฏฺฐานานญฺจ รูปานํ…เป.… วตฺถุ อวิตกฺกวิจารมตฺตานํ ขนฺธานํ วิจารสฺส จ นิสฺสยปจฺจเยน ปจฺจโยฯ ปฏิสนฺธิกฺขเณ วิจาโร…เป.…ฯ (4)

อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส นิสฺสยปจฺจเยน ปจฺจโย – วตฺถุ สวิตกฺกสวิจารานํ ขนฺธานํ วิตกฺกสฺส จ นิสฺสยปจฺจเยน ปจฺจโยฯ ปฏิสนฺธิกฺขเณ วตฺถุ…เป.…ฯ (5)

[99] สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส นิสฺสยปจฺจเยน ปจฺจโย – สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ นิสฺสยปจฺจเยน ปจฺจโย…เป.… (ปวตฺติปิ, ปฏิสนฺธิปิ ทีเปตพฺพา)ฯ (1)

สวิตกฺกสวิจาโร จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส นิสฺสยปจฺจเยน ปจฺจโย – สวิตกฺกสวิจารา ขนฺธา จ วตฺถุ จ วิตกฺกสฺส…เป.… ปฏิสนฺธิกฺขเณ…เป.…ฯ (2)

สวิตกฺกสวิจาโร จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส นิสฺสยปจฺจเยน ปจฺจโย – สวิตกฺกสวิจารา ขนฺธา จ มหาภูตา จ จิตฺตสมุฏฺฐานานํ รูปานํ นิสฺสยปจฺจเยน ปจฺจโยฯ ปฏิสนฺธิกฺขเณ…เป.…ฯ (3)

สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส นิสฺสยปจฺจเยน ปจฺจโย – สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ วิตกฺกสฺส จ นิสฺสยปจฺจเยน ปจฺจโย…เป.… ปฏิสนฺธิกฺขเณ…เป.…ฯ (4)

[100] อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส นิสฺสยปจฺจเยน ปจฺจโย – วิตกฺโก จ วตฺถุ จ สวิตกฺกสวิจารานํ ขนฺธานํ…เป.… ปฏิสนฺธิกฺขเณ…เป.…ฯ (1)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส นิสฺสยปจฺจเยน ปจฺจโย – อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ…เป.… อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ…เป.… ปฏิสนฺธิกฺขเณ…เป.…ฯ (2)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส นิสฺสยปจฺจเยน ปจฺจโย – อวิตกฺกวิจารมตฺตา ขนฺธา จ วิจาโร จ จิตฺตสมุฏฺฐานานํ รูปานํ นิสฺสยปจฺจเยน ปจฺจโยฯ อวิตกฺกวิจารมตฺตา ขนฺธา จ มหาภูตา จ จิตฺตสมุฏฺฐานานํ รูปานํ…เป.… วิตกฺโก จ มหาภูตา จ จิตฺตสมุฏฺฐานานํ รูปานํ…เป.… อวิตกฺกวิจารมตฺตา ขนฺธา จ วตฺถุ จ วิจารสฺส นิสฺสยปจฺจเยน ปจฺจโย (ปฏิสนฺธิกานิ จตฺตาริฯ สํขิตฺตํ)ฯ (3)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส นิสฺสยปจฺจเยน ปจฺจโย – อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ จิตฺตสมุฏฺฐานานญฺจ รูปานํ นิสฺสยปจฺจเยน ปจฺจโย…เป.… ทฺเว ขนฺธา จ วิจาโร จ ทฺวินฺนํ ขนฺธานํ จิตฺตสมุฏฺฐานานญฺจ รูปานํ นิสฺสยปจฺจเยน ปจฺจโยฯ อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ วิจารสฺส จ…เป.… ทฺเว ขนฺธา จ วตฺถุ จ ทฺวินฺนํ ขนฺธานํ วิจารสฺส จ นิสฺสยปจฺจเยน ปจฺจโยฯ ปฏิสนฺธิกฺขเณ…เป.…ฯ (4)

[101] สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส …เป.… อวิตกฺกอวิจารสฺส ธมฺมสฺส…เป.… สวิตกฺกสวิจารสฺส จ อวิตกฺกอวิจารสฺส จ ธมฺมสฺส…เป.… ตีณิฯ

สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส…เป.… อวิตกฺกอวิจารสฺส ธมฺมสฺส นิสฺสยปจฺจเยน ปจฺจโย (ทฺเว วารา วิตฺถาเรตพฺพา)ฯ

อุปนิสฺสยปจฺจโย

[102] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สวิตกฺกสวิจารํ สทฺธํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ กโรติ, สวิตกฺกสวิจารํ ฌานํ อุปฺปาเทติ, วิปสฺสนํ อุปฺปาเทติ, มคฺคํ…เป.… สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ สวิตกฺกสวิจารํ สีลํ… สุตํ… จาคํ… ปญฺญํ… ราคํ… โทสํ… โมหํ… มานํ… ทิฏฺฐิํ… ปตฺถนํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ กโรติ, สวิตกฺกสวิจารํ ฌานํ อุปฺปาเทติ, วิปสฺสนํ อุปฺปาเทติ, มคฺคํ…เป.… สมาปตฺติํ…เป.… ปาณํ หนติ…เป.… สงฺฆํ ภินฺทติฯ สวิตกฺกสวิจารา สทฺธา… สีลํ… สุตํ… จาโค… ปญฺญา… ราโค… โทโส… โมโห… มาโน… ทิฏฺฐิ… ปตฺถนา สวิตกฺกสวิจาราย สทฺธาย… สีลสฺส… สุตสฺส… จาคสฺส… ปญฺญาย… ราคสฺส… โทสสฺส… โมหสฺส… มานสฺส… ทิฏฺฐิยา… ปตฺถนาย… อุปนิสฺสยปจฺจเยน ปจฺจโยฯ (1)

สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ