สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส สหชาตปจฺจเยน ปจฺจโย – สวิตกฺกสวิจารา ขนฺธา จ วิตกฺโก จ มหาภูตา จ จิตฺตสมุฏฺฐานานํ รูปานํ สหชาตปจฺจเยน ปจฺจโยฯ ปฏิสนฺธิกฺขเณ สวิตกฺกสวิจารา ขนฺธา จ วิตกฺโก จ มหาภูตา จ กฏตฺตารูปานํ สหชาตปจฺจเยน ปจฺจโยฯ (2)

อญฺญมญฺญปจฺจโย

[92] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ปฏิสนฺธิกฺขเณ สวิตกฺกสวิจาโร เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ อญฺญมญฺญปจฺจเยน ปจฺจโยฯ (1)

สวิตกฺกสวิจาโร ธมฺโม อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – สวิตกฺกสวิจารา ขนฺธา วิตกฺกสฺส อญฺญมญฺญปจฺจเยน ปจฺจโยฯ ปฏิสนฺธิกฺขเณ…เป.…ฯ (2)

สวิตกฺกสวิจาโร ธมฺโม อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา วตฺถุสฺส อญฺญมญฺญปจฺจเยน ปจฺจโยฯ (3)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโยฯ (4)

สวิตกฺกสวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา วิตกฺกสฺส จ วตฺถุสฺส จ อญฺญมญฺญปจฺจเยน ปจฺจโยฯ (5)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อญฺญมญฺญปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ วิตกฺกสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ วิตกฺกสฺส จ อญฺญมญฺญปจฺจเยน ปจฺจโยฯ ปฏิสนฺธิกฺขเณ…เป.…ฯ (6)

สวิตกฺกสวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ ติณฺณนฺนํ ขนฺธานํ วิตกฺกสฺส จ วตฺถุสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ วิตกฺกสฺส จ วตฺถุสฺส จ อญฺญมญฺญปจฺจเยน ปจฺจโยฯ (7)

[93] อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ อญฺญมญฺญปจฺจเยน ปจฺจโยฯ ปฏิสนฺธิกฺขเณ…เป.…ฯ (1)

อวิตกฺกวิจารมตฺโต ธมฺโม สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – วิตกฺโก สวิตกฺกสวิจารานํ ขนฺธานํ อญฺญมญฺญปจฺจเยน ปจฺจโยฯ ปฏิสนฺธิกฺขเณ…เป.…ฯ (2)

อวิตกฺกวิจารมตฺโต ธมฺโม อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – อวิตกฺกวิจารมตฺตา ขนฺธา วิจารสฺส อญฺญมญฺญปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺตา ขนฺธา วิจารสฺส จ วตฺถุสฺส จ อญฺญมญฺญปจฺจเยน ปจฺจโยฯ ปฏิสนฺธิกฺขเณ วิตกฺโก วตฺถุสฺส อญฺญมญฺญปจฺจเยน ปจฺจโยฯ (3)

อวิตกฺกวิจารมตฺโต ธมฺโม สวิตกฺกสวิจารสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วิตกฺโก สวิตกฺกสวิจารานํ ขนฺธานํ วตฺถุสฺส จ อญฺญมญฺญปจฺจเยน ปจฺจโยฯ (4)

อวิตกฺกวิจารมตฺโต ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ วิจารสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ วิจารสฺส จ อญฺญมญฺญปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺโต เอโก ขนฺโธ ติณฺณนฺนํ ขนฺธานํ วิจารสฺส จ วตฺถุสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ วิจารสฺส จ วตฺถุสฺส จ อญฺญมญฺญปจฺจเยน ปจฺจโยฯ (5)

[94] อวิตกฺกอวิจาโร ธมฺโม อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – อวิตกฺกอวิจาโร เอโก ขนฺโธ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ อญฺญมญฺญปจฺจเยน ปจฺจโยฯ

ปฏิสนฺธิกฺขเณ อวิตกฺกอวิจาโร เอโก ขนฺโธ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา ทฺวินฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโยฯ ขนฺธา วตฺถุสฺส…เป.… วตฺถุ ขนฺธานํ…เป.… วิจาโร วตฺถุสฺส…เป.… วตฺถุ วิจารสฺส…เป.… เอกํ มหาภูตํ ติณฺณนฺนํ มหาภูตานํ…เป.… พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ เอกํ มหาภูตํ…เป.…ฯ (1)

อวิตกฺกอวิจาโร ธมฺโม สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วตฺถุ สวิตกฺกสวิจารานํ ขนฺธานํ อญฺญมญฺญปจฺจเยน ปจฺจโยฯ (2)

อวิตกฺกอวิจาโร ธมฺโม อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – วิจาโร อวิตกฺกวิจารมตฺตานํ ขนฺธานํ อญฺญมญฺญปจฺจเยน ปจฺจโยฯ ปฏิสนฺธิกฺขเณ วิจาโร อวิตกฺกวิจารมตฺตานํ ขนฺธานํ อญฺญมญฺญปจฺจเยน ปจฺจโยฯ ปฏิสนฺธิกฺขเณ วตฺถุ อวิตกฺกวิจารมตฺตานํ ขนฺธานํ อญฺญมญฺญปจฺจเยน ปจฺจโยฯ ปฏิสนฺธิกฺขเณ วตฺถุ วิตกฺกสฺส อญฺญมญฺญปจฺจเยน ปจฺจโยฯ (3)

อวิตกฺกอวิจาโร ธมฺโม อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วิจาโร อวิตกฺกวิจารมตฺตานํ ขนฺธานํ วตฺถุสฺส จ อญฺญมญฺญปจฺจเยน ปจฺจโยฯ ปฏิสนฺธิกฺขเณ วตฺถุ อวิตกฺกวิจารมตฺตานํ ขนฺธานํ วิจารสฺส จ อญฺญมญฺญปจฺจเยน ปจฺจโยฯ (4)

อวิตกฺกอวิจาโร ธมฺโม สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วตฺถุ สวิตกฺกสวิจารานํ ขนฺธานํ วิตกฺกสฺส จ อญฺญมญฺญปจฺจเยน ปจฺจโยฯ (5)

[95] สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ…เป.… ทฺเว ขนฺธา จ วตฺถุ จ ทฺวินฺนํ ขนฺธานํ อญฺญมญฺญปจฺจเยน ปจฺจโยฯ (1)

สวิตกฺกสวิจาโร จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา จ วตฺถุ จ วิตกฺกสฺส อญฺญมญฺญปจฺจเยน ปจฺจโยฯ (2)

สวิตกฺกสวิจาโร จ อวิตกฺกอวิจาโร จ ธมฺมา สวิตกฺกสวิจารสฺส จ อวิตกฺกวิจารมตฺตสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วตฺถุ จ ติณฺณนฺนํ ขนฺธานํ วิตกฺกสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา จ วตฺถุ จ ทฺวินฺนํ ขนฺธานํ วิตกฺกสฺส จ อญฺญมญฺญปจฺจเยน ปจฺจโยฯ (3)

[96] อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ วิตกฺโก จ วตฺถุ จ สวิตกฺกสวิจารานํ ขนฺธานํ อญฺญมญฺญปจฺจเยน ปจฺจโยฯ (1)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส ธมฺมสฺส อญฺญมญฺญปจฺจเยน ปจฺจโย – อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ทฺเว ขนฺธา จ วิจาโร จ ทฺวินฺนํ ขนฺธานํ อญฺญมญฺญปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วิจาโร จ วตฺถุ จ ติณฺณนฺนํ ขนฺธานํ…เป.… ทฺเว ขนฺธา จ วิจาโร จ วตฺถุ จ ทฺวินฺนํ ขนฺธานํ อญฺญมญฺญปจฺจเยน ปจฺจโยฯ (2)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ อวิตกฺกวิจารมตฺตา ขนฺธา จ วิจาโร จ วตฺถุสฺส อญฺญมญฺญปจฺจเยน ปจฺจโยฯ ปฏิสนฺธิกฺขเณ อวิตกฺกวิจารมตฺตา ขนฺธา จ วตฺถุ จ วิจารสฺส อญฺญมญฺญปจฺจเยน ปจฺจโยฯ (3)

อวิตกฺกวิจารมตฺโต จ อวิตกฺกอวิจาโร จ ธมฺมา อวิตกฺกวิจารมตฺตสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วิจาโร จ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา จ วิจาโร จ ทฺวินฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโยฯ

ปฏิสนฺธิกฺขเณ อวิตกฺกวิจารมตฺโต เอโก ขนฺโธ จ วตฺถุ จ ติณฺณนฺนํ ขนฺธานํ วิจารสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา จ วตฺถุ จ ทฺวินฺนํ ขนฺธานํ วิจารสฺส จ อญฺญมญฺญปจฺจเยน ปจฺจโยฯ (4)

[97] สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ทฺเว ขนฺธา จ วิตกฺโก จ ทฺวินฺนํ ขนฺธานํ อญฺญมญฺญปจฺจเยน ปจฺจโยฯ ปฏิสนฺธิกฺขเณ…เป.…ฯ (1)

สวิตกฺกสวิจาโร จ อวิตกฺกวิจารมตฺโต จ ธมฺมา อวิตกฺกอวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจารา ขนฺธา จ วิตกฺโก จ วตฺถุสฺส อญฺญมญฺญปจฺจเยน ปจฺจโยฯ (2)

สวิตกฺกสวิจาโร จ อวิตกฺกวิจารมตฺโต จ ธมฺมา สวิตกฺกสวิจารสฺส จ อวิตกฺกอวิจารสฺส จ ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วิตกฺโก จ ติณฺณนฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโย…เป.… ทฺเว ขนฺธา จ วิตกฺโก จ ทฺวินฺนํ ขนฺธานํ วตฺถุสฺส จ อญฺญมญฺญปจฺจเยน ปจฺจโยฯ (3)

สวิตกฺกสวิจาโร จ อวิตกฺกวิจารมตฺโต จ อวิตกฺกอวิจาโร จ ธมฺมา สวิตกฺกสวิจารสฺส ธมฺมสฺส อญฺญมญฺญปจฺจเยน ปจฺจโย – ปฏิสนฺธิกฺขเณ สวิตกฺกสวิจาโร เอโก ขนฺโธ จ วิตกฺโก จ วตฺถุ จ ติณฺณนฺนํ ขนฺธานํ อญฺญมญฺญปจฺจเยน ปจฺจโย…เป.… ทฺเว ขนฺธา จ วิตกฺโก จ วตฺถุ จ ทฺวินฺนํ ขนฺธานํ อญฺญมญฺญปจฺจเยน ปจฺจโยฯ (1)

นิสฺสยปจฺจโย

[98] สวิตกฺกสวิจาโร ธมฺโม สวิตกฺกสวิจารสฺส ธมฺมสฺส นิสฺสยปจฺจเยน ปจฺจโย – สวิตกฺกสวิจาโร เอโก ขนฺโธ ติณฺณนฺนํ ขนฺธานํ (สํขิตฺตํ) สตฺตฯ

อวิตกฺกวิจารมตฺโต ธมฺโม อวิตกฺกวิจารมตฺตสฺส ธมฺมสฺส นิสฺสยปจฺจเยน ปจฺจโย (สํขิตฺตํ) ปญฺจฯ