เมนู

ปุเรชาตํ – อชฺฌตฺตํ รูปายตนญฺจ พหิทฺธา จกฺขายตนญฺจ พหิทฺธา จกฺขุวิญฺญาณสฺส อตฺถิปจฺจเยน ปจฺจโย…เป.… อชฺฌตฺตํ โผฏฺฐพฺพายตนญฺจ พหิทฺธา กายายตนญฺจ พหิทฺธา กายวิญฺญาณสฺส อตฺถิปจฺจเยน ปจฺจโยฯ อชฺฌตฺตํ รูปายตนญฺจ พหิทฺธา วตฺถุ จ พหิทฺธา ขนฺธานํ อตฺถิปจฺจเยน ปจฺจโย…เป.… อชฺฌตฺตํ โผฏฺฐพฺพายตนญฺจ พหิทฺธา วตฺถุ จ พหิทฺธา ขนฺธานํ อตฺถิปจฺจเยน ปจฺจโยฯ อาหารํ – อชฺฌตฺโต กพฬีกาโร อาหาโร จ พหิทฺธา กพฬีกาโร อาหาโร จ พหิทฺธา กายสฺส อตฺถิปจฺจเยน ปจฺจโยฯ (2)

นตฺถิวิคตาวิคตปจฺจยา

[49] อชฺฌตฺโต ธมฺโม อชฺฌตฺตสฺส ธมฺมสฺส นตฺถิปจฺจเยน ปจฺจโย… วิคตปจฺจเยน ปจฺจโย… อวิคตปจฺจเยน ปจฺจโยฯ

1. ปจฺจยานุโลมํ

2. สงฺขฺยาวาโร

สุทฺธํ

[50] เหตุยา ทฺเว, อารมฺมเณ จตฺตาริ, อธิปติยา จตฺตาริ, อนนฺตเร ทฺเว, สมนนฺตเร ทฺเว, สหชาเต อญฺญมญฺเญ นิสฺสเย ทฺเว, อุปนิสฺสเย จตฺตาริ, ปุเรชาเต ฉ, ปจฺฉาชาเต อาเสวเน กมฺเม วิปาเก ทฺเว, อาหาเร ฉ, อินฺทฺริเย ทฺเว, ฌาเน มคฺเค สมฺปยุตฺเต วิปฺปยุตฺเต ทฺเว, อตฺถิยา ฉ, นตฺถิยา ทฺเว, วิคเต ทฺเว, อวิคเต ฉ (เอวํ คเณตพฺพํ)ฯ

อนุโลมํฯ

ปจฺจนียุทฺธาโร

[51] อชฺฌตฺโต ธมฺโม อชฺฌตฺตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโยฯ (1)

อชฺฌตฺโต ธมฺโม พหิทฺธา ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… อาหารปจฺจเยน ปจฺจโยฯ (2)

[52] พหิทฺธา ธมฺโม พหิทฺธา ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… ปจฺฉาชาตปจฺจเยน ปจฺจโย… กมฺมปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโยฯ (1)

พหิทฺธา ธมฺโม อชฺฌตฺตสฺส ธมฺมสฺส อารมฺมณปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… อาหารปจฺจเยน ปจฺจโยฯ (2)

[53] อชฺฌตฺโต ธมฺโม จ พหิทฺธา ธมฺโม จ อชฺฌตฺตสฺส ธมฺมสฺส ปุเรชาตํ, อาหารํฯ (1)

อชฺฌตฺโต ธมฺโม จ พหิทฺธา ธมฺโม จ พหิทฺธา ธมฺมสฺส ปุเรชาตํ, อาหารํฯ (2)

2. ปจฺจยปจฺจนียํ

2. สงฺขฺยาวาโร

[54] นเหตุยา ฉ, นอารมฺมเณ ฉ, นอธิปติยา ฉ (สํขิตฺตํ, สพฺพตฺถ ฉ กาตพฺพา), นวิปฺปยุตฺเต ฉ, โนอตฺถิยา จตฺตาริ, โนนตฺถิยา ฉ, โนวิคเต ฉ, โนอวิคเต จตฺตาริ (เอวํ คเณตพฺพํ)

ปจฺจนียํฯ

3. ปจฺจยานุโลมปจฺจนียํ

เหตุทุกํ

[55] เหตุปจฺจยา นอารมฺมเณ ทฺเว, นอธิปติยา นอนนฺตเร นสมนนฺตเร นอญฺญมญฺเญ นอุปนิสฺสเย ทฺเว (สํขิตฺตํ, สพฺพตฺถ ทฺเว), นสมฺปยุตฺเต นวิปฺปยุตฺเต โนนตฺถิยา โนวิคเต ทฺเว (เอวํ คเณตพฺพํ)ฯ

อนุโลมปจฺจนียํฯ

4. ปจฺจยปจฺจนียานุโลมํ