เมนู

พหิทฺธา ธมฺโม พหิทฺธา ธมฺมสฺส อนนฺตรปจฺจเยน ปจฺจโย (ปุริมา ปุริมา พหิทฺธาติ นานากรณํ, ตํเยว คมนํ)ฯ (1)

สมนนฺตรปจฺจยาทิ

[33] อชฺฌตฺโต ธมฺโม อชฺฌตฺตสฺส ธมฺมสฺส สมนนฺตรปจฺจเยน ปจฺจโย…เป.… (อนนฺตรสทิสํ)… สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโยฯ

อุปนิสฺสยปจฺจโย

[34] อชฺฌตฺโต ธมฺโม อชฺฌตฺตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อชฺฌตฺตํ สทฺธํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ…เป.… ฌานํ…เป.… วิปสฺสนํ…เป.… มคฺคํ…เป.… อภิญฺญํ…เป.… สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ อชฺฌตฺตํ สีลํ…เป.… ปญฺญํ… ราคํ…เป.… ปตฺถนํ… กายิกํ สุขํ… กายิกํ ทุกฺขํ… อุตุํ… โภชนํ… เสนาสนํ อุปนิสฺสาย ทานํ เทติ…เป.… สมาปตฺติํ อุปฺปาเทติ, ปาณํ หนติ…เป.… สงฺฆํ ภินฺทติฯ อชฺฌตฺตา สทฺธา…เป.… ปญฺญา, ราโค…เป.… ปตฺถนา, กายิกํ สุขํ… กายิกํ ทุกฺขํ… เสนาสนํ อชฺฌตฺตาย สทฺธาย…เป.… ปญฺญาย, ราคสฺส…เป.… ปตฺถนาย, กายิกสฺส สุขสฺส, กายิกสฺส ทุกฺขสฺส, มคฺคสฺส ผลสมาปตฺติยา อุปนิสฺสยปจฺจเยน ปจฺจโยฯ (1)

อชฺฌตฺโต ธมฺโม พหิทฺธา ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปโร อชฺฌตฺตํ สทฺธํ อุปนิสฺสาย ทานํ เทติ…เป.… มานํ ชปฺเปติ, ทิฏฺฐิํ คณฺหาติ ฯ ปโร อชฺฌตฺตํ สีลํ…เป.… เสนาสนํ อุปนิสฺสาย ทานํ เทติ, ปาณํ หนติ…เป.… สงฺฆํ ภินฺทติฯ อชฺฌตฺตา สทฺธา…เป.… เสนาสนํ พหิทฺธา สทฺธาย…เป.… มคฺคสฺส ผลสมาปตฺติยา อุปนิสฺสยปจฺจเยน ปจฺจโยฯ (2)

[35] พหิทฺธา ธมฺโม พหิทฺธา ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…

ปกตูปนิสฺสโย – ปโร พหิทฺธา สทฺธํ…เป.… ปตฺถนํ, กายิกํ สุขํ…เป.… เสนาสนํ อุปนิสฺสาย ทานํ เทติ…เป.… สงฺฆํ ภินฺทติ พหิทฺธา สทฺธา…เป.… เสนาสนํ พหิทฺธา สทฺธาย…เป.… ผลสมาปตฺติยา อุปนิสฺสยปจฺจเยน ปจฺจโยฯ (1)

พหิทฺธา ธมฺโม อชฺฌตฺตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, ปกตูปนิสฺสโย…เป.…ฯ ปกตูปนิสฺสโย – พหิทฺธา สทฺธํ…เป.… เสนาสนํ อุปนิสฺสาย ทานํ เทติ…เป.… สงฺฆํ ภินฺทติฯ พหิทฺธา สทฺธา…เป.… เสนาสนํ อชฺฌตฺตาย สทฺธาย…เป.… ผลสมาปตฺติยา อุปนิสฺสยปจฺจเยน ปจฺจโยฯ (2)

ปุเรชาตปจฺจโย

[36] อชฺฌตฺโต ธมฺโม อชฺฌตฺตสฺส ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – อชฺฌตฺตํ จกฺขุํ…เป.… วตฺถุํ อนิจฺจโต ทุกฺขโต อนตฺตโต วิปสฺสติ…เป.… โทมนสฺสํ อุปฺปชฺชติ, ทิพฺเพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติ, รูปายตนํ จกฺขุวิญฺญาณสฺส…เป.… โผฏฺฐพฺพายตนํ กายวิญฺญาณสฺส ปุเรชาตปจฺจเยน ปจฺจโยฯ วตฺถุปุเรชาตํ – จกฺขายตนํ จกฺขุวิญฺญาณสฺส…เป.… กายายตนํ กายวิญฺญาณสฺส…เป.… วตฺถุ อชฺฌตฺตานํ ขนฺธานํ ปุเรชาตปจฺจเยน ปจฺจโยฯ (1)

อชฺฌตฺโต ธมฺโม พหิทฺธา ธมฺมสฺส ปุเรชาตปจฺจเยน ปจฺจโยฯ อารมฺมณปุเรชาตํ – ปโร อชฺฌตฺตํ จกฺขุํ…เป.… วตฺถุํ อนิจฺจโต…เป.… โทมนสฺสํ อุปฺปชฺชติ, ทิพฺเพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติฯ อชฺฌตฺตํ รูปายตนํ พหิทฺธา จกฺขุวิญฺญาณสฺส…เป.… อชฺฌตฺตํ โผฏฺฐพฺพายตนํ พหิทฺธา กายวิญฺญาณสฺส ปุเรชาตปจฺจเยน ปจฺจโยฯ (2)

[37] พหิทฺธา ธมฺโม พหิทฺธา ธมฺมสฺส ปุเรชาตปจฺจเยน ปจฺจโย – อารมฺมณปุเรชาตํ, วตฺถุปุเรชาตํฯ อารมฺมณปุเรชาตํ – ปโร พหิทฺธา จกฺขุํ…เป.… วตฺถุํ อนิจฺจโต…เป.… ทิพฺเพน จกฺขุนา รูปํ ปสฺสติ, ทิพฺพาย โสตธาตุยา สทฺทํ สุณาติฯ พหิทฺธา รูปายตนํ พหิทฺธา จกฺขุวิญฺญาณสฺส…เป.… พหิทฺธา โผฏฺฐพฺพายตนํ พหิทฺธา กายวิญฺญาณสฺส…เป.…ฯ วตฺถุปุเรชาตํ – พหิทฺธา จกฺขายตนํ…เป.… กายายตนํ…เป.… วตฺถุ พหิทฺธา ขนฺธานํ ปุเรชาตปจฺจเยน ปจฺจโยฯ (1)