เมนู

อารมฺมณปจฺจยาทิ

[17] มิจฺฉตฺตนิยตํ ธมฺมํ ปจฺจยา มิจฺฉตฺตนิยโต ธมฺโม อุปฺปชฺชติ อารมฺมณปจฺจยา… (สํขิตฺตํ, กุสลตฺติเก ปจฺจยวารสทิสํ วิภชิตพฺพํ)… อวิคตปจฺจยาฯ

1. ปจฺจยานุโลมํ

2. สงฺขฺยาวาโร

[18] เหตุยา สตฺตรส, อารมฺมเณ สตฺต, อธิปติยา สตฺตรส, อนนฺตเร สตฺต, สมนนฺตเร สตฺต, สหชาเต สตฺตรส, อญฺญมญฺเญ สตฺต, นิสฺสเย สตฺตรส, อุปนิสฺสเย สตฺต, ปุเรชาเต สตฺต, อาเสวเน สตฺต, กมฺเม สตฺตรส, วิปาเก เอกํ, อาหาเร สตฺตรส, อินฺทฺริเย สตฺตรส, ฌาเน สตฺตรส, มคฺเค สตฺตรส, สมฺปยุตฺเต สตฺต, วิปฺปยุตฺเต สตฺตรส, อตฺถิยา สตฺตรส, นตฺถิยา สตฺต, วิคเต สตฺต, อวิคเต สตฺตรส (เอวํ คเณตพฺพํ)ฯ

อนุโลมํฯ

2. ปจฺจยปจฺจนียํ

1. วิภงฺควาโร

นเหตุปจฺจโย

[19] อนิยตํ ธมฺมํ ปจฺจยา อนิยโต ธมฺโม อุปฺปชฺชติ นเหตุปจฺจยา – อเหตุกํ อนิยตํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… อเหตุกปฏิสนฺธิกฺขเณ…เป.… ขนฺเธ ปจฺจยา วตฺถุ, วตฺถุํ ปจฺจยา ขนฺธาฯ เอกํ มหาภูตํ…เป.… อสญฺญสตฺตานํ…เป.… จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํฯ วตฺถุํ ปจฺจยา อเหตุกา อนิยตา ขนฺธาฯ วิจิกิจฺฉาสหคเต อุทฺธจฺจสหคเต ขนฺเธ จ วตฺถุญฺจ ปจฺจยา วิจิกิจฺฉาสหคโต อุทฺธจฺจสหคโต โมโหฯ (1)

นอารมฺมณปจฺจโย

[20] มิจฺฉตฺตนิยตํ ธมฺมํ ปจฺจยา อนิยโต ธมฺโม อุปฺปชฺชติ นอารมฺมณปจฺจยา – มิจฺฉตฺตนิยเต ขนฺเธ ปจฺจยา จิตฺตสมุฏฺฐานํ รูปํ (กุสลตฺติกสทิสํ, ปญฺจ กาตพฺพา)ฯ

นอธิปติปจฺจโย

[21] มิจฺฉตฺตนิยตํ ธมฺมํ ปจฺจยา มิจฺฉตฺตนิยโต ธมฺโม อุปฺปชฺชติ นอธิปติปจฺจยา – มิจฺฉตฺตนิยเต ขนฺเธ ปจฺจยา มิจฺฉตฺตนิยตาธิปติฯ (1)

สมฺมตฺตนิยตํ ธมฺมํ ปจฺจยา สมฺมตฺตนิยโต ธมฺโม อุปฺปชฺชติ นอธิปติปจฺจยา – สมฺมตฺตนิยเต ขนฺเธ ปจฺจยา สมฺมตฺตนิยตาธิปติฯ (1)

อนิยตํ ธมฺมํ ปจฺจยา อนิยโต ธมฺโม อุปฺปชฺชติ นอธิปติปจฺจยา – อนิยตํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปฏิสนฺธิกฺขเณ …เป.… อสญฺญสตฺตานํ…เป.… จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํฯ วตฺถุํ ปจฺจยา อนิยตา ขนฺธาฯ (1)

อนิยตํ ธมฺมํ ปจฺจยา มิจฺฉตฺตนิยโต ธมฺโม อุปฺปชฺชติ นอธิปติปจฺจยา – วตฺถุํ ปจฺจยา มิจฺฉตฺตนิยตาธิปติฯ (2)

อนิยตํ ธมฺมํ ปจฺจยา สมฺมตฺตนิยโต ธมฺโม อุปฺปชฺชติ นอธิปติปจฺจยา – วตฺถุํ ปจฺจยา สมฺมตฺตนิยตาธิปติฯ (3)

มิจฺฉตฺตนิยตญฺจ อนิยตญฺจ ธมฺมํ ปจฺจยา มิจฺฉตฺตนิยโต ธมฺโม อุปฺปชฺชติ นอธิปติปจฺจยา – มิจฺฉตฺตนิยเต ขนฺเธ จ วตฺถุญฺจ ปจฺจยา มิจฺฉตฺตนิยตาธิปติฯ (1)

สมฺมตฺตนิยตญฺจ อนิยตญฺจ ธมฺมํ ปจฺจยา สมฺมตฺตนิยโต ธมฺโม อุปฺปชฺชติ นอธิปติปจฺจยา – สมฺมตฺตนิยเต ขนฺเธ จ วตฺถุญฺจ ปจฺจยา สมฺมตฺตนิยตาธิปติฯ (1)

นอนนฺตรปจฺจยาทิ

[22] มิจฺฉตฺตนิยตํ ธมฺมํ ปจฺจยา อนิยโต ธมฺโม อุปฺปชฺชติ นอนนฺตรปจฺจยา…เป.… โนนตฺถิปจฺจยา… โนวิคตปจฺจยาฯ

2. ปจฺจยปจฺจนียํ

2. สงฺขฺยาวาโร