เมนู

สหชาตปจฺจยาทิ

[24] ปริตฺตารมฺมโณ ธมฺโม ปริตฺตารมฺมณสฺส ธมฺมสฺส สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… ตีณิ (ปฏิจฺจวารสทิสา กาตพฺพา)ฯ

อุปนิสฺสยปจฺจโย

[25] ปริตฺตารมฺมโณ ธมฺโม ปริตฺตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปริตฺตารมฺมณํ สทฺธํ อุปนิสฺสาย ทานํ เทติ, สีลํ…เป.… อุโปสถกมฺมํ…เป.… ปริตฺตารมฺมณํ ฌานํ อุปฺปาเทติ, วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ ปริตฺตารมฺมณํ สีลํ…เป.… ปญฺญํ… ราคํ โทสํ… โมหํ… มานํ… ทิฏฺฐิํ… ปตฺถนํ… กายิกํ สุขํ… กายิกํ ทุกฺขํ อุปนิสฺสาย ทานํ เทติ, สีลํ…เป.… อุโปสถกมฺมํ…เป.… ปริตฺตารมฺมณํ ฌานํ อุปฺปาเทติ, วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ, ปาณํ หนติ…เป.… สงฺฆํ ภินฺทติฯ ปริตฺตารมฺมณา สทฺธา…เป.… ปญฺญา, ราโค…เป.… ปตฺถนา, กายิกํ สุขํ… กายิกํ ทุกฺขํ… ปริตฺตารมฺมณาย สทฺธาย…เป.… ปญฺญาย ราคสฺส…เป.… ปตฺถนาย, กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโยฯ (1)

ปริตฺตารมฺมโณ ธมฺโม มหคฺคตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปริตฺตารมฺมณํ สทฺธํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ , มานํ ชปฺเปติ, ทิฏฺฐิํ คณฺหาติฯ ปริตฺตารมฺมณํ สีลํ…เป.… ปญฺญํ… ราคํ…เป.… ปตฺถนํ… กายิกํ สุขํ, กายิกํ ทุกฺขํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ…เป.… อภิญฺญํ…เป.… สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ ปริตฺตารมฺมณา สทฺธา…เป.… กายิกํ สุขํ, กายิกํ ทุกฺขํ, มหคฺคตารมฺมณาย สทฺธาย…เป.… ปญฺญาย ราคสฺส…เป.… ปตฺถนาย อุปนิสฺสยปจฺจเยน ปจฺจโยฯ (2)

ปริตฺตารมฺมโณ ธมฺโม อปฺปมาณารมฺมณสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…

ปกตูปนิสฺสโย – ปริตฺตารมฺมณํ สทฺธํ อุปนิสฺสาย อปฺปมาณารมฺมณํ ฌานํ อุปฺปาเทติ , มคฺคํ…เป.… อภิญฺญํ…เป.… สมาปตฺติํ อุปฺปาเทติฯ ปริตฺตารมฺมณํ สีลํ…เป.… ปญฺญํ, ราคํ…เป.… กายิกํ สุขํ, กายิกํ ทุกฺขํ อุปนิสฺสาย อปฺปมาณารมฺมณํ ฌานํ อุปฺปาเทติ, มคฺคํ… อภิญฺญํ… สมาปตฺติํ อุปฺปาเทติฯ ปริตฺตารมฺมณา สทฺธา…เป.… กายิกํ สุขํ, กายิกํ ทุกฺขํ อปฺปมาณารมฺมณาย สทฺธาย…เป.… ปญฺญาย อุปนิสฺสยปจฺจเยน ปจฺจโยฯ (3)

[26] มหคฺคตารมฺมโณ ธมฺโม มหคฺคตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – มหคฺคตารมฺมณํ สทฺธํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ มหคฺคตารมฺมณํ สีลํ…เป.… ปญฺญํ, ราคํ…เป.… ปตฺถนํ อุปนิสฺสาย มหคฺคตารมฺมณํ ฌานํ อุปฺปาเทติ…เป.… ทิฏฺฐิํ คณฺหาติ ฯ มหคฺคตารมฺมณา สทฺธา…เป.… ปญฺญา, ราโค…เป.… ปตฺถนา มหคฺคตารมฺมณาย สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (1)

มหคฺคตารมฺมโณ ธมฺโม ปริตฺตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – มหคฺคตารมฺมณํ สทฺธํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ กโรติ, ปริตฺตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ มหคฺคตารมฺมณํ สีลํ…เป.… ปตฺถนํ อุปนิสฺสาย ทานํ เทติ…เป.… ทิฏฺฐิํ คณฺหาติฯ มหคฺคตารมฺมณา สทฺธา…เป.… ปตฺถนา ปริตฺตารมฺมณาย สทฺธาย…เป.… ปตฺถนาย กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโยฯ (2)

มหคฺคตารมฺมโณ ธมฺโม อปฺปมาณารมฺมณสฺส ธมฺมสฺส อุปนิสฺสยปจฺจเยน ปจฺจโย – อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – มหคฺคตารมฺมณํ สทฺธํ อุปนิสฺสาย อปฺปมาณารมฺมณํ ฌานํ อุปฺปาเทติ, มคฺคํ… อภิญฺญํ… สมาปตฺติํ อุปฺปาเทติฯ มหคฺคตารมฺมณํ สีลํ…เป.… ปตฺถนํ อุปนิสฺสาย อปฺปมาณารมฺมณํ ฌานํ อุปฺปาเทติ…เป.… สมาปตฺติํ อุปฺปาเทติฯ มหคฺคตารมฺมณา สทฺธา…เป.… ปตฺถนา อปฺปมาณารมฺมณาย สทฺธาย…เป.… ปญฺญาย อุปนิสฺสยปจฺจเยน ปจฺจโย (3)

[27] อปฺปมาณารมฺมโณ ธมฺโม อปฺปมาณารมฺมณสฺส ธมฺมสฺส อุปนิสฺสยปจฺจเยน ปจฺจโย อารมฺมณูปนิสฺสโย, อนนฺตรูปนิสฺสโย , ปกตูปนิสฺสโย…เป.…ฯ ปกตูปนิสฺสโย – อปฺปมาณารมฺมณํ สทฺธํ อุปนิสฺสาย อปฺปมาณารมฺมณํ ฌานํ อุปฺปาเทติ, มคฺคํ… อภิญฺญํ… สมาปตฺติํ อุปฺปาเทติฯ อปฺปมาณารมฺมณํ สีลํ…เป.… ปญฺญํ อุปนิสฺสาย อปฺปมาณารมฺมณํ ฌานํ อุปฺปาเทติฯ มคฺคํ…เป.… อภิญฺญํ…เป.… สมาปตฺติํ อุปฺปาเทติ อปฺปมาณารมฺมณา สทฺธา…เป.… ปญฺญา อปฺปมาณารมฺมณาย สทฺธาย…เป.… ปญฺญาย มคฺคสฺส ผลสมาปตฺติยา อุปนิสฺสยปจฺจเยน ปจฺจโยฯ (1)

อปฺปมาณารมฺมโณ ธมฺโม ปริตฺตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อปฺปมาณารมฺมณํ สทฺธํ อุปนิสฺสาย ทานํ เทติ, สีลํ สมาทิยติ, อุโปสถกมฺมํ กโรติ, ปริตฺตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติฯ อปฺปมาณารมฺมณํ สีลํ…เป.… ปญฺญํ อุปนิสฺสาย ทานํ เทติ…เป.… สมาปตฺติํ อุปฺปาเทติฯ อปฺปมาณารมฺมณา สทฺธา…เป.… ปญฺญา ปริตฺตารมฺมณาย สทฺธาย…เป.… ปญฺญาย กายิกสฺส สุขสฺส, กายิกสฺส ทุกฺขสฺส อุปนิสฺสยปจฺจเยน ปจฺจโยฯ (2)

อปฺปมาณารมฺมโณ ธมฺโม มหคฺคตารมฺมณสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อปฺปมาณารมฺมณํ สทฺธํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติฯ อปฺปมาณารมฺมณํ สีลํ…เป.… ปญฺญํ อุปนิสฺสาย มหคฺคตารมฺมณํ ฌานํ อุปฺปาเทติ, วิปสฺสนํ… อภิญฺญํ… สมาปตฺติํ อุปฺปาเทติฯ อปฺปมาณารมฺมณา สทฺธา…เป.… ปญฺญา มหคฺคตารมฺมณาย สทฺธาย…เป.… ปญฺญาย อุปนิสฺสยปจฺจเยน ปจฺจโยฯ (3)

อาเสวนปจฺจโย

[28] ปริตฺตารมฺมโณ ธมฺโม ปริตฺตารมฺมณสฺส ธมฺมสฺส อาเสวนปจฺจเยน ปจฺจโย – ปุริมา ปุริมา ปริตฺตารมฺมณา ขนฺธา ปจฺฉิมานํ ปจฺฉิมานํ ปริตฺตารมฺมณานํ ขนฺธานํ อาเสวนปจฺจเยน ปจฺจโยฯ (1)