(เหตุปจฺจยํ อนุมชฺชนฺเตน ปจฺจยวาโร วิตฺถาเรตพฺโพฯ ยถา ปฏิจฺจคณนา เอวํ คเณตพฺพาฯ อธิปติยา สตฺตติํส, ปุเรชาเต จ อาเสวเน จ เอกวีส, อยํ เอตฺถ วิเสโสฯ)

2. ปจฺจยปจฺจนียํ

[49] ปจฺจนีเย – นเหตุยา เตตฺติํส ปญฺหา, สตฺตสุ ฐาเนสุ สตฺต โมหา อุทฺธริตพฺพา มูลปเทสุเยวฯ นอารมฺมเณ สตฺต จิตฺตสมุฏฺฐานา อุทฺธริตพฺพาฯ

นอธิปติปจฺจโย

[50] สวิตกฺกสวิจารมูลกา สตฺต ปญฺหา นอธิปติยา กาตพฺพาฯ

อวิตกฺกวิจารมตฺตํ ธมฺมํ ปจฺจยา อวิตกฺกวิจารมตฺโต ธมฺโม อุปฺปชฺชติ นอธิปติปจฺจยา – อวิตกฺกวิจารมตฺเต ขนฺเธ ปจฺจยา อวิตกฺกวิจารมตฺตา อธิปติ, วิปากํ อวิตกฺกวิจารมตฺตํ เอกํ ขนฺธํ ปจฺจยา ตโย ขนฺธา…เป.… ปฏิสนฺธิกฺขเณ…เป.…ฯ (1)

อวิตกฺกวิจารมตฺตํ ธมฺมํ ปจฺจยา (ยถา ปฏิจฺจนเย ตถา ปญฺจ ปญฺหา กาตพฺพา)ฯ

[51] อวิตกฺกอวิจารํ ธมฺมํ ปจฺจยา อวิตกฺกอวิจาโร ธมฺโม อุปฺปชฺชติ…เป.… อวิตกฺกอวิจาเร ขนฺเธ ปจฺจยา อวิตกฺกอวิจารา อธิปติ, วิปากํ อวิตกฺกอวิจารํ เอกํ ขนฺธํ ปจฺจยา ตโย ขนฺธา จิตฺตสมุฏฺฐานญฺจ รูปํ…เป.… วิปากํ วิจารํ ปจฺจยา จิตฺตสมุฏฺฐานํ รูปํฯ ปฏิสนฺธิกฺขเณ…เป.… วตฺถุํ ปจฺจยา อวิตกฺกอวิจารา อธิปติ, วตฺถุํ ปจฺจยา วิปากา อวิตกฺกอวิจารา ขนฺธา จ วิจาโร จ…เป.…ฯ (1)

อวิตกฺกอวิจารํ ธมฺมํ ปจฺจยา สวิตกฺกสวิจาโร ธมฺโม…เป.… วตฺถุํ ปจฺจยา สวิตกฺกสวิจารา ขนฺธาฯ ปฏิสนฺธิกฺขเณ…เป.…ฯ (2)

อวิตกฺกอวิจารํ ธมฺมํ ปจฺจยา อวิตกฺกวิจารมตฺโต ธมฺโม…เป.… วิจารํ ปจฺจยา อวิตกฺกวิจารมตฺตา อธิปติ, วตฺถุํ ปจฺจยา อวิตกฺกวิจารมตฺตา อธิปติ, วิปากํ วิจารํ ปจฺจยา อวิตกฺกวิจารมตฺตา ขนฺธา, วตฺถุํ ปจฺจยา วิปากา อวิตกฺกวิจารมตฺตา ขนฺธาฯ ปฏิสนฺธิกฺขเณ…เป.…ฯ (3)

อวิตกฺกอวิจารํ ธมฺมํ ปจฺจยา สวิตกฺกสวิจาโร จ อวิตกฺกอวิจาโร จ ธมฺมา…เป.… วตฺถุํ ปจฺจยา สวิตกฺกสวิจารา ขนฺธา, มหาภูเต ปจฺจยา จิตฺตสมุฏฺฐานํ รูปํฯ ปฏิสนฺธิกฺขเณ…เป.…ฯ (4)

อวิตกฺกอวิจารํ ธมฺมํ ปจฺจยา อวิตกฺกวิจารมตฺโต จ อวิตกฺกอวิจาโร จ ธมฺมา…เป.… วิปากํ วิจารํ ปจฺจยา อวิตกฺกวิจารมตฺตา ขนฺธา จิตฺตสมุฏฺฐานญฺจ รูปํ, วตฺถุํ ปจฺจยา วิปากา อวิตกฺกวิจารมตฺตา ขนฺธา, มหาภูเต ปจฺจยา จิตฺตสมุฏฺฐานํ รูปํ, วตฺถุํ ปจฺจยา วิตกฺโก, มหาภูเต ปจฺจยา จิตฺตสมุฏฺฐานํ รูปํ, วตฺถุํ ปจฺจยา วิปากา อวิตกฺกวิจารมตฺตา ขนฺธา จ วิจาโร จฯ ปฏิสนฺธิกฺขเณ…เป.…ฯ (5)

อวิตกฺกอวิจารํ ธมฺมํ ปจฺจยา สวิตกฺกสวิจาโร จ อวิตกฺกวิจารมตฺโต จ ธมฺมา…เป.… วตฺถุํ ปจฺจยา สวิตกฺกสวิจารา ขนฺธา จ วิตกฺโก จฯ ปฏิสนฺธิกฺขเณ…เป.…ฯ (6)

(ปฐมฆฏนายํ สมฺปุณฺณา สตฺต ปญฺหา กาตพฺพาฯ)

[52] อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา สวิตกฺกสวิจาโร ธมฺโม อุปฺปชฺชติ…เป.… วิตกฺกญฺจ วตฺถุญฺจ ปจฺจยา สวิตกฺกสวิจารา ขนฺธาฯ ปฏิสนฺธิกฺขเณ…เป.…ฯ

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา อวิตกฺกวิจารมตฺโต ธมฺโม อุปฺปชฺชติ…เป.… อวิตกฺกวิจารมตฺเต ขนฺเธ จ วิจารญฺจ ปจฺจยา อวิตกฺกวิจารมตฺตา อธิปติ, อวิตกฺกวิจารมตฺเต ขนฺเธ จ วตฺถุญฺจ ปจฺจยา อวิตกฺกวิจารมตฺตา อธิปติ, วิปากํ อวิตกฺกวิจารมตฺตํ เอกํ ขนฺธญฺจ วิจารญฺจ ปจฺจยา…เป.… วิปากํ อวิตกฺกวิจารมตฺตํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.…ฯ

(ปฏิสนฺธิกฺขเณ ปญฺจ ปญฺหา กาตพฺพาฯ ยตฺถ อวิตกฺกวิจารมตฺตํ อาคจฺฉติ ตตฺถ วิปากํ กาตพฺพํฯ นอธิปติมูลเก สตฺตติํส ปญฺหา กาตพฺพาฯ)

นอนนฺตรปจฺจยาทิ

[53] นอนนฺตรมฺปิ [นอนนฺตเรปิ (ก.)] นสมนนฺตรมฺปิ นอญฺญมญฺญมฺปิ นอุปนิสฺสยมฺปิ สตฺต ปญฺหา รูปํเยวฯ นปุเรชาเต สตฺตติํส ปฏิจฺจวารปจฺจนียสทิสํฯ นปจฺฉาชาเต สตฺตติํส , นอาเสวเนปิ สทิสํฯ ยตฺถ อวิตกฺกวิจารมตฺโตปิ อาคจฺฉติ, ตตฺถ วิปากา กาตพฺพาฯ

นกมฺมปจฺจโย

[54] สวิตกฺกสวิจารํ ธมฺมํ ปจฺจยา สวิตกฺกสวิจาโร ธมฺโม อุปฺปชฺชติ นกมฺมปจฺจยา – สวิตกฺกสวิจาเร ขนฺเธ ปจฺจยา สวิตกฺกสวิจารา เจตนาฯ (1)

อวิตกฺกวิจารมตฺตํ ธมฺมํ ปจฺจยา อวิตกฺกวิจารมตฺโต ธมฺโม…เป.… อวิตกฺกวิจารมตฺเต ขนฺเธ ปจฺจยา อวิตกฺกวิจารมตฺตา เจตนาฯ สวิตกฺกสวิจาโร ธมฺโม…เป.… วิตกฺกํ ปจฺจยา สวิตกฺกสวิจารา เจตนาฯ (2)

อวิตกฺกอวิจารํ ธมฺมํ ปจฺจยา อวิตกฺกอวิจาโร ธมฺโม…เป.… อวิตกฺกอวิจารา เจตนา…เป.… (ปริปุณฺณํ กาตพฺพํ) สวิตกฺกสวิจาโร…เป.… วตฺถุํ ปจฺจยา สวิตกฺกสวิจารา เจตนาฯ อวิตกฺกวิจารมตฺโต…เป.… วิจารํ ปจฺจยา อวิตกฺกวิจารมตฺตา เจตนาฯ วตฺถุํ ปจฺจยา อวิตกฺกวิจารมตฺตา เจตนาฯ (3)

[55] สวิตกฺกสวิจารญฺจ อวิตกฺกอวิจารญฺจ ธมฺมํ ปจฺจยา สวิตกฺกสวิจาโร ธมฺโม…เป.… สวิตกฺกสวิจาเร ขนฺเธ จ วตฺถุญฺจ ปจฺจยา สวิตกฺกสวิจารา เจตนาฯ (1)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา สวิตกฺกสวิจาโร ธมฺโม…เป.… วิตกฺกญฺจ วตฺถุญฺจ ปจฺจยา สวิตกฺกสวิจารา เจตนาฯ (1)

อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปจฺจยา อวิตกฺกวิจารมตฺโต ธมฺโม…เป.… อวิตกฺกวิจารมตฺเต ขนฺเธ จ วิจารญฺจ ปจฺจยา อวิตกฺกวิจารมตฺตา เจตนาฯ อวิตกฺกวิจารมตฺเต ขนฺเธ จ วตฺถุญฺจ ปจฺจยา อวิตกฺกวิจารมตฺตา เจตนาฯ (2)

สวิตกฺกสวิจารญฺจ อวิตกฺกวิจารมตฺตญฺจ ธมฺมํ ปจฺจยา สวิตกฺกสวิจาโร ธมฺโม…เป.… สวิตกฺกสวิจาเร ขนฺเธ จ วิตกฺกญฺจ ปจฺจยา สวิตกฺกสวิจารา เจตนาฯ (1)