เหตุทุกํ

[31] เหตุปจฺจยา นอารมฺมเณ ปญฺจ, นอธิปติยา สตฺต, นอนนฺตเร นสมนนฺตเร นอญฺญมญฺเญ นอุปนิสฺสเย ปญฺจ, นปุเรชาเต สตฺต, นปจฺฉาชาเต สตฺตรส, นอาเสวเน สตฺตรส, นกมฺเม จตฺตาริ, นวิปาเก นว, นสมฺปยุตฺเต ปญฺจ, นวิปฺปยุตฺเต ตีณิ, โนนตฺถิยา ปญฺจ, โนวิคเต ปญฺจ (เอวํ คเณตพฺพํ)ฯ

อนุโลมปจฺจนียํฯ

4. ปจฺจยปจฺจนียานุโลมํ

[32] นเหตุปจฺจยา อารมฺมเณ เอกํ, อนนฺตเร สมนนฺตเร สหชาเต อญฺญมญฺเญ เอกํ…เป.… อวิคเต เอกํ (เอวํ คเณตพฺพํ)ฯ

ปจฺจนียานุโลมํฯ

ปจฺจยวาโรฯ

4. นิสฺสยวาโร

(นิสฺสยวาโร ปจฺจยวารสทิโสฯ)

5. สํสฏฺฐวาโร

1. ปจฺจยานุโลมํ

1. วิภงฺควาโร

เหตุปจฺจโย

[33] เสกฺขํ ธมฺมํ สํสฏฺโฐ เสกฺโข ธมฺโม อุปฺปชฺชติ เหตุปจฺจยา – เสกฺขํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.…ฯ (1)

อเสกฺขํ ธมฺมํ สํสฏฺโฐ อเสกฺโข ธมฺโม อุปฺปชฺชติ เหตุปจฺจยา – อเสกฺขํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.…ฯ (1)

เนวเสกฺขนาเสกฺขํ ธมฺมํ สํสฏฺโฐ เนวเสกฺขนาเสกฺโข ธมฺโม อุปฺปชฺชติ เหตุปจฺจยา – เนวเสกฺขนาเสกฺขํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

อารมฺมณปจฺจยาทิ

[34] เสกฺขํ ธมฺมํ สํสฏฺโฐ เสกฺโข ธมฺโม อุปฺปชฺชติ อารมฺมณปจฺจยา… อธิปติปจฺจยา…เป.… ปุเรชาตปจฺจยา… อาเสวนปจฺจยา (ทฺเว กาตพฺพา)…เป.… อวิคตปจฺจยาฯ

1. ปจฺจยานุโลมํ

2. สงฺขฺยาวาโร

[35] เหตุยา ตีณิ, อารมฺมเณ ตีณิ, อธิปติยา ตีณิ, อนนฺตเร สมนนฺตเร สหชาเต อญฺญมญฺเญ นิสฺสเย อุปนิสฺสเย ปุเรชาเต ตีณิ, อาเสวเน ทฺเว, กมฺเม ตีณิ…เป.… อวิคเต ตีณิ (เอวํ คเณตพฺพํ)ฯ

อนุโลมํฯ

2. ปจฺจยปจฺจนียํ

1. วิภงฺควาโร

นเหตุปจฺจโย

[36] เนวเสกฺขนาเสกฺขํ ธมฺมํ สํสฏฺโฐ เนวเสกฺขนาเสกฺโข ธมฺโม อุปฺปชฺชติ นเหตุปจฺจยา – อเหตุกํ เนวเสกฺขนาเสกฺขํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… อเหตุกปฏิสนฺธิกฺขเณ…เป.… วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโหฯ (1)

นอธิปติปจฺจโย

[37] เสกฺขํ ธมฺมํ สํสฏฺโฐ เสกฺโข ธมฺโม อุปฺปชฺชติ นอธิปติปจฺจยา – เสกฺเข ขนฺเธ สํสฏฺโฐ เสกฺโข อธิปติฯ (1)

อเสกฺขํ ธมฺมํ สํสฏฺโฐ อเสกฺโข ธมฺโม อุปฺปชฺชติ นอธิปติปจฺจยา – อเสกฺเข ขนฺเธ สํสฏฺโฐ อเสกฺโข อธิปติฯ (1)

เนวเสกฺขนาเสกฺขํ ธมฺมํ สํสฏฺโฐ เนวเสกฺขนาเสกฺโข ธมฺโม อุปฺปชฺชติ นอธิปติปจฺจยา (ปริปุณฺณํ, เอกํ)ฯ