อเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นอารมฺมณปจฺจยา – อเสกฺเข ขนฺเธ ปฏิจฺจ จิตฺตสมุฏฺฐานํ รูปํฯ (1)

เนวเสกฺขนาเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นอารมฺมณปจฺจยา – เนวเสกฺขนาเสกฺเข ขนฺเธ ปฏิจฺจ จิตฺตสมุฏฺฐานํ รูปํ…เป.… ปฏิสนฺธิกฺขเณ…เป.… ขนฺเธ ปฏิจฺจ วตฺถุ…เป.… เอกํ มหาภูตํ…เป.… อสญฺญสตฺตานํ…เป.…ฯ (1)

เสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นอารมฺมณปจฺจยา – เสกฺเข ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ (1)

อเสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นอารมฺมณปจฺจยา – อเสกฺเข ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ (1)

นอธิปติปจฺจยาทิ

[9] เสกฺขํ ธมฺมํ ปฏิจฺจ เสกฺโข ธมฺโม อุปฺปชฺชติ นอธิปติปจฺจยา – เสกฺเข ขนฺเธ ปฏิจฺจ เสกฺโข อธิปติฯ (1)

อเสกฺขํ ธมฺมํ ปฏิจฺจ อเสกฺโข ธมฺโม อุปฺปชฺชติ นอธิปติปจฺจยา – อเสกฺเข ขนฺเธ ปฏิจฺจ อเสกฺโข อธิปติฯ (1)

เนวเสกฺขนาเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นอธิปติปจฺจยา… (ปริปุณฺณํ, ปฏิสนฺธิปิ มหาภูตาปิ สพฺเพ) นอนนฺตรปจฺจยา… นสมนนฺตรปจฺจยา… นอญฺญมญฺญปจฺจยา… นอุปนิสฺสยปจฺจยา… นปุเรชาตปจฺจยา… สตฺต (กุสลตฺติกสทิสา)… นปจฺฉาชาตปจฺจยา…เป.… นอาเสวนปจฺจยาฯ วิปากํ เสกฺขํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.…ฯ (1)

[10] เสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นอาเสวนปจฺจยา – เสกฺเข ขนฺเธ ปฏิจฺจ จิตฺตสมุฏฺฐานํ รูปํฯ (2)

เสกฺขํ ธมฺมํ ปฏิจฺจ เสกฺโข จ เนวเสกฺขนาเสกฺโข จ ธมฺมา อุปฺปชฺชนฺติ นอาเสวนปจฺจยา – วิปากํ เสกฺขํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.…ฯ (3)

อเสกฺขํ ธมฺมํ ปฏิจฺจ อเสกฺโข ธมฺโม… ตีณิฯ

เนวเสกฺขนาเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นอาเสวนปจฺจยา… เนวเสกฺขนาเสกฺขํ (เอกํ, ปริปุณฺณํ, เสกฺขญฺจ, เนวเสกฺขนาเสกฺขญฺจ, ฆฏนา ปริปุณฺณา, ทฺเวปิ กาตพฺพาฯ นว) นกมฺมปจฺจยา – เสกฺเข ขนฺเธ ปฏิจฺจ เสกฺขา เจตนาฯ

เนวเสกฺขนาเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นกมฺมปจฺจยา – เนวเสกฺขนาเสกฺเข ขนฺเธ ปฏิจฺจ เนวเสกฺขนาเสกฺขา เจตนา; พาหิรํ… อาหารสมุฏฺฐานํ… อุตุสมุฏฺฐานํ… เอกํ มหาภูตํ…เป.…ฯ

นวิปากปจฺจโย

[11] เสกฺขํ ธมฺมํ ปฏิจฺจ เสกฺโข ธมฺโม อุปฺปชฺชติ นวิปากปจฺจยา – เสกฺขํ เอกํ ขนฺธํ ปฏิจฺจ ตโย ขนฺธา…เป.…ฯ (1)

เสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นวิปากปจฺจยา – เสกฺเข ขนฺเธ ปฏิจฺจ จิตฺตสมุฏฺฐานํ รูปํฯ(2)

เสกฺขํ ธมฺมํ ปฏิจฺจ เสกฺโข จ เนวเสกฺขนาเสกฺโข จ ธมฺมา อุปฺปชฺชนฺติ นวิปากปจฺจยา – เสกฺขํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.…ฯ (3)

[12] เนวเสกฺขนาเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นวิปากปจฺจยา (ปริปุณฺณํ, ปฏิสนฺธิ นตฺถิ )ฯ

เสกฺขญฺจ เนวเสกฺขนาเสกฺขญฺจ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นวิปากปจฺจยา – เสกฺเข ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ (1)

นอาหารปจฺจยาทิ

[13] เนวเสกฺขนาเสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นอาหารปจฺจยา… นอินฺทฺริยปจฺจยา… นฌานปจฺจยา… นมคฺคปจฺจยา ฯ

นสมฺปยุตฺตปจฺจโย

[14] เสกฺขํ ธมฺมํ ปฏิจฺจ เนวเสกฺขนาเสกฺโข ธมฺโม อุปฺปชฺชติ นสมฺปยุตฺตปจฺจยา…เป.… (นอารมฺมณปจฺจยสทิสํ)ฯ