เมนู

เนวาจยคามินาปจยคามิํ ธมฺมํ สํสฏฺโฐ เนวาจยคามินาปจยคามี ธมฺโม อุปฺปชฺชติ เหตุปจฺจยา – เนวาจยคามินาปจยคามิํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… ปฏิสนฺธิกฺขเณ…เป.…ฯ (1)

อารมฺมณปจฺจยาทิ

[38] อาจยคามิํ ธมฺมํ สํสฏฺโฐ อาจยคามี ธมฺโม อุปฺปชฺชติ อารมฺมณปจฺจยา… อธิปติปจฺจยา… อนนฺตรปจฺจยา… สมนนฺตรปจฺจยา… สหชาตปจฺจยา… อญฺญมญฺญปจฺจยา… นิสฺสยปจฺจยา… อุปนิสฺสยปจฺจยา… ปุเรชาตปจฺจยา… อาเสวนปจฺจยา… กมฺมปจฺจยา… วิปากปจฺจยา… อาหารปจฺจยา… อินฺทฺริยปจฺจยา… ฌานปจฺจยา… มคฺคปจฺจยา… สมฺปยุตฺตปจฺจยา… วิปฺปยุตฺตปจฺจยา… อตฺถิปจฺจยา… นตฺถิปจฺจยา… วิคตปจฺจยา… อวิคตปจฺจยาฯ

1. ปจฺจยานุโลมํ

2. สงฺขฺยาวาโร

สุทฺธํ

[39] เหตุยา ตีณิ, อารมฺมเณ อธิปติยา อนนฺตเร สมนนฺตเร สหชาเต อญฺญมญฺเญ นิสฺสเย อุปนิสฺสเย ปุเรชาเต อาเสวเน กมฺเม สพฺพตฺถ ตีณิ, วิปาเก เอกํ, อาหาเร ตีณิ, อินฺทฺริเย ฌาเน มคฺเค สมฺปยุตฺเต วิปฺปยุตฺเต อตฺถิยา นตฺถิยา วิคเต อวิคเต ตีณิ (เอวํ คเณตพฺพํ)ฯ

อนุโลมํฯ

2. ปจฺจยปจฺจนียํ

1. วิภงฺควาโร

นเหตุปจฺจโย

[40] อาจยคามิํ ธมฺมํ สํสฏฺโฐ อาจยคามี ธมฺโม อุปฺปชฺชติ นเหตุปจฺจยา – วิจิกิจฺฉาสหคเต อุทฺธจฺจสหคเต ขนฺเธ สํสฏฺโฐ วิจิกิจฺฉาสหคโต อุทฺธจฺจสหคโต โมโหฯ (1)

เนวาจยคามินาปจยคามิํ ธมฺมํ สํสฏฺโฐ เนวาจยคามินาปจยคามี ธมฺโม อุปฺปชฺชติ นเหตุปจฺจยา – อเหตุกํ เนวาจยคามินาปจยคามิํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.… อเหตุกปฏิสนฺธิกฺขเณ…เป.…ฯ (1)

นอธิปติปจฺจยาทิ

[41] อาจยคามิํ ธมฺมํ สํสฏฺโฐ อาจยคามี ธมฺโม อุปฺปชฺชติ นอธิปติปจฺจยา… นปุเรชาตปจฺจยา… นปจฺฉาชาตปจฺจยา… นอาเสวนปจฺจยา… อาจยคามิํ เอกํ ขนฺธํ สํสฏฺฐา ตโย ขนฺธา…เป.… ทฺเว ขนฺเธ…เป.…ฯ

เนวาจยคามินาปจยคามิํ ธมฺมํ สํสฏฺโฐ เนวาจยคามินาปจยคามี ธมฺโม อุปฺปชฺชติ นอาเสวนปจฺจยา – เนวาจยคามินาปจยคามิํ เอกํ ขนฺธํ สํสฏฺฐา…เป.… ปฏิสนฺธิกฺขเณ…เป.… นกมฺมปจฺจยา… นวิปากปจฺจยา… นฌานปจฺจยา… นมคฺคปจฺจยา… นวิปฺปยุตฺตปจฺจยาฯ

2. ปจฺจยปจฺจนียํ

2. สงฺขฺยาวาโร

สุทฺธํ

[42] นเหตุยา ทฺเว, นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ทฺเว, นกมฺเม ตีณิ, นวิปาเก ตีณิ, นฌาเน เอกํ, นมคฺเค เอกํ, นวิปฺปยุตฺเต ตีณิ (เอวํ คเณตพฺพํ)ฯ

ปจฺจนียํฯ

3. ปจฺจยานุโลมปจฺจนียํ

[43] เหตุปจฺจยา นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ทฺเว, นกมฺเม ตีณิ, นวิปาเก ตีณิ, นวิปฺปยุตฺเต ตีณิ (เอวํ คเณตพฺพํ)ฯ

อนุโลมปจฺจนียํฯ