เมนู

อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามี จ เนวาจยคามินาปจยคามี จ ธมฺมา อุปฺปชฺชนฺติ นอาเสวนปจฺจยา – อาจยคามิํ เอกํ ขนฺธญฺจ วตฺถุญฺจ ปจฺจยา ตโย ขนฺธา…เป.… ทฺเว ขนฺเธ…เป.… อาจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (3)

อปจยคามิญฺจ เนวาจยคามินาปจยคามิญฺจ ธมฺมํ ปจฺจยา เนวาจยคามินาปจยคามี ธมฺโม อุปฺปชฺชติ นอาเสวนปจฺจยา – อปจยคามี ขนฺเธ จ มหาภูเต จ ปจฺจยา จิตฺตสมุฏฺฐานํ รูปํฯ (1)

นกมฺมปจฺจโย

[32] อาจยคามิํ ธมฺมํ ปจฺจยา อาจยคามี ธมฺโม อุปฺปชฺชติ นกมฺมปจฺจยา – อาจยคามี ขนฺเธ ปจฺจยา อาจยคามี เจตนาฯ (1)

อปจยคามิํ ธมฺมํ ปจฺจยา อปจยคามี ธมฺโม อุปฺปชฺชติ นกมฺมปจฺจยา – อปจยคามี ขนฺเธ ปจฺจยา อปจยคามี เจตนาฯ (1)

เนวาจยคามินาปจยคามิํ ธมฺมํ ปจฺจยา เนวาจยคามินาปจยคามี ธมฺโม อุปฺปชฺชติ นกมฺมปจฺจยา – เนวาจยคามินาปจยคามี ขนฺเธ ปจฺจยา เนวาจยคามินาปจยคามี เจตนา; พาหิรํ… อาหารสมุฏฺฐานํ… อุตุสมุฏฺฐานํ…เป.… วตฺถุํ ปจฺจยา เนวาจยคามินาปจยคามี เจตนาฯ (1)

เนวาจยคามินาปจยคามิํ ธมฺมํ ปจฺจยา อาจยคามี ธมฺโม อุปฺปชฺชติ นกมฺมปจฺจยา – วตฺถุํ ปจฺจยา อาจยคามี เจตนาฯ (2)

เนวาจยคามินาปจยคามิํ ธมฺมํ ปจฺจยา อปจยคามี ธมฺโม อุปฺปชฺชติ นกมฺมปจฺจยา – วตฺถุํ ปจฺจยา อปจยคามี เจตนาฯ (3)

อาจยคามิญฺจ เนวาจยคามินาปจยคามิญฺจ ธมฺมํ ปจฺจยา อาจยคามี ธมฺโม อุปฺปชฺชติ นกมฺมปจฺจยา – อาจยคามี ขนฺเธ จ วตฺถุญฺจ ปจฺจยา อาจยคามี เจตนาฯ (1)

อปจยคามิญฺจ เนวาจยคามินาปจยคามิญฺจ ธมฺมํ ปจฺจยา อปจยคามี ธมฺโม อุปฺปชฺชติ นกมฺมปจฺจยา – อปจยคามี ขนฺเธ จ วตฺถุญฺจ ปจฺจยา อปจยคามี เจตนาฯ (1)

นวิปากปจฺจยาทิ

[33] อาจยคามิํ ธมฺมํ ปจฺจยา อาจยคามี ธมฺโม อุปฺปชฺชติ นวิปากปจฺจยา (ปริปุณฺณํ กาตพฺพํ, ปฏิสนฺธิกฺขเณ นตฺถิ)ฯ

เนวาจยคามินาปจยคามิํ ธมฺมํ ปจฺจยา เนวาจยคามินาปจยคามี ธมฺโม อุปฺปชฺชติ นอาหารปจฺจยา – พาหิรํ… อุตุสมุฏฺฐานํ… อสญฺญสตฺตานํ…เป.… นอินฺทฺริยปจฺจยา – พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ…เป.… มหาภูเต ปจฺจยา รูปชีวิตินฺทฺริยํ… นฌานปจฺจยา – ปญฺจวิญฺญาณํ…เป.… พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ…เป.… จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ…เป.… นมคฺคปจฺจยา – อเหตุกา เนวาจยคามินาปจยคามี…เป.… อสญฺญสตฺตานํ เอกํ มหาภูตํ…เป.… จกฺขายตนํ ปจฺจยา จกฺขุวิญฺญาณํ…เป.… กายายตนํ ปจฺจยา กายวิญฺญาณํ, วตฺถุํ ปจฺจยา อเหตุกา เนวาจยคามินาปจยคามี…เป.… นสมฺปยุตฺตปจฺจยา… นวิปฺปยุตฺตปจฺจยา (ปฏิจฺจวารสทิสํ, ตีณิ)… โนนตฺถิปจฺจยา… โนวิคตปจฺจยาฯ

2. ปจฺจยปจฺจนียํ

2. สงฺขฺยาวาโร

สุทฺธํ

[34] นเหตุยา จตฺตาริ, นอารมฺมเณ ปญฺจ, นอธิปติยา ทฺวาทส, นอนนฺตเร ปญฺจ, นสมนนฺตเร นอญฺญมญฺเญ นอุปนิสฺสเย ปญฺจ, นปุเรชาเต สตฺต, นปจฺฉาชาเต สตฺตรส, นอาเสวเน เอกาทส, นกมฺเม สตฺต, นวิปาเก สตฺตรส, นอาหาเร นอินฺทฺริเย นฌาเน นมคฺเค เอกํ, นสมฺปยุตฺเต ปญฺจ, นวิปฺปยุตฺเต ตีณิ, โนนตฺถิยา โนวิคเต ปญฺจ (เอวํ คเณตพฺพํ)ฯ

ปจฺจนียํฯ

3. ปจฺจยานุโลมปจฺจนียํ