เมนู

นเหตุทุกํ

[34] นเหตุปจฺจยา อารมฺมเณ ตีณิ, อนนฺตเร ตีณิ, สมนนฺตเร ตีณิ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย ตีณิ, ปุเรชาเต ตีณิ, อาเสวเน ตีณิ, กมฺเม ตีณิ, วิปาเก เอกํ, อาหาเร ตีณิ, อินฺทฺริเย ตีณิ, ฌาเน ตีณิ, มคฺเค ทฺเว, สมฺปยุตฺเต ตีณิ, วิปฺปยุตฺเต ตีณิ, อตฺถิยา ตีณิ, นตฺถิยา ตีณิ, วิคเต ตีณิ, อวิคเต ตีณิฯ

(เอวํ อนุมชฺชนฺเตน คเณตพฺพํฯ)

ปจฺจนียานุโลมํฯ

ปฏิจฺจวาโรฯ

2. สหชาตวาโร

1-4. ปจฺจยานุโลมาทิ

[35] ทสฺสเนน ปหาตพฺพํ ธมฺมํ สหชาโต ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา – ทสฺสเนน ปหาตพฺพํ เอกํ ขนฺธํ สหชาตา ตโย ขนฺธา…เป.… ทฺเว ขนฺเธ สหชาตา…เป.…ฯ

(สหชาตวาโร ปฏิจฺจวารสทิโสฯ)

3. ปจฺจยวาโร

1. ปจฺจยานุโลมํ

1. วิภงฺควาโร

เหตุปจฺจโย

[36] ทสฺสเนน ปหาตพฺพํ ธมฺมํ ปจฺจยา ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ตีณิฯ

ภาวนาย ปหาตพฺพํ ธมฺมํ ปจฺจยา ภาวนาย… ตีณิฯ