เมนู

ภาวนาย ปหาตพฺพํ…เป.… นวิปฺปยุตฺตปจฺจยา – อรูเป ภาวนาย ปหาตพฺพํ เอกํ ขนฺธํ…เป.…ฯ (1)

เนวทสฺสเนน นภาวนาย ปหาตพฺพํ…เป.… นวิปฺปยุตฺตปจฺจยา – อรูเป เนวทสฺสเนน นภาวนาย ปหาตพฺพํ เอกํ ขนฺธํ ปฏิจฺจ…เป.… พาหิรํ… อาหารสมุฏฺฐานํ… อุตุสมุฏฺฐานํ… อสญฺญสตฺตานํ…เป.…ฯ (1)

โนนตฺถิ-โนวิคตปจฺจยา

[31] ทสฺสเนน ปหาตพฺพํ ธมฺมํ ปฏิจฺจ เนวทสฺสเนน นภาวนาย…เป.… โนนตฺถิปจฺจยา… โนวิคตปจฺจยา (นอารมฺมณสทิสํ)ฯ

2. ปจฺจยปจฺจนียํ

2. สงฺขฺยาวาโร

[32] นเหตุยา ตีณิ, นอารมฺมเณ ปญฺจ, นอธิปติยา นว, นอนนฺตเร ปญฺจ, นสมนนฺตเร ปญฺจ, นอญฺญมญฺเญ ปญฺจ, นอุปนิสฺสเย ปญฺจ, นปุเรชาเต สตฺต, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นอาหาเร เอกํ, นอินฺทฺริเย เอกํ, นฌาเน เอกํ, นมคฺเค เอกํ, นสมฺปยุตฺเต ปญฺจ, นวิปฺปยุตฺเต ตีณิ, โนนตฺถิยา ปญฺจ, โนวิคเต ปญฺจฯ

(ญตฺวา คเณตพฺพํฯ)

ปจฺจนียํฯ

3. ปจฺจยานุโลมปจฺจนียํ

เหตุทุกํ

[33] เหตุปจฺจยา นอารมฺมเณ ปญฺจ, นอธิปติยา นว, นอนนฺตเร ปญฺจ, นสมนนฺตเร ปญฺจ, นอญฺญมญฺเญ ปญฺจ, นอุปนิสฺสเย ปญฺจ, นปุเรชาเต สตฺต, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นสมฺปยุตฺเต ปญฺจ, นวิปฺปยุตฺเต ตีณิ, โนนตฺถิยา ปญฺจ, โนวิคเต ปญฺจฯ

(เอวํ อนุมชฺชนฺเตน คเณตพฺพํฯ)

อนุโลมปจฺจนียํฯ

4. ปจฺจยปจฺจนียานุโลมํ