อุปนิสฺสยปจฺจโย

[33] ปีติสหคโต ธมฺโม ปีติสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปีติสหคตํ สทฺธํ อุปนิสฺสาย ปีติสหคเตน จิตฺเตน ทานํ เทติ, สีลํ สมาทิยติ, อุโปสถกมฺมํ กโรติ, ปีติสหคตํ ฌานํ อุปฺปาเทติ, วิปสฺสนํ อุปฺปาเทติ, มคฺคํ อุปฺปาเทติ, สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ ปีติสหคตํ สีลํ… สุตํ… จาคํ… ปญฺญํ อุปนิสฺสาย ปีติสหคเตน จิตฺเตน ทานํ เทติ, สีลํ สมาทิยติ…เป.… มานํ ชปฺเปติ, ทิฏฺฐิํ คณฺหาติฯ ปีติสหคตํ ราคํ… โมหํ… มานํ… ทิฏฺฐิํ… ปตฺถนํ อุปนิสฺสาย ปีติสหคเตน จิตฺเตน ทานํ เทติ, สีลํ สมาทิยติ, อุโปสถกมฺมํ กโรติ, ปีติสหคตํ ฌานํ อุปฺปาเทติ…เป.… สมาปตฺติํ อุปฺปาเทติฯ ปีติสหคเตน จิตฺเตน อทินฺนํ อาทิยติ, มุสา ภณติ , ปิสุณํ ภณติ, สมฺผํ ปลปติ, สนฺธิํ ฉินฺทติ, นิลฺโลปํ หรติ, เอกาคาริกํ กโรติ, ปริปนฺเถ ติฏฺฐติ, ปรทารํ คจฺฉติ, คามฆาตํ กโรติ, นิคมฆาตํ กโรติฯ ปีติสหคตา สทฺธา… สีลํ… สุตํ… จาโค… ปญฺญา… ราโค… โมโห… มาโน… ทิฏฺฐิ… ปตฺถนา ปีติสหคตาย สทฺธาย… สีลสฺส… สุตสฺส… จาคสฺส… ปญฺญาย… ราคสฺส… โมหสฺส… มานสฺส… ทิฏฺฐิยา… ปตฺถนาย อุปนิสฺสยปจฺจเยน ปจฺจโยฯ (1)

ปีติสหคโต ธมฺโม สุขสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปีติสหคตํ สทฺธํ อุปนิสฺสาย สุขสหคเตน จิตฺเตน ทานํ เทติ…เป.… สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ ปีติสหคตํ สีลํ… สุตํ… จาคํ… ปญฺญํ… ราคํ… โมหํ… มานํ… ทิฏฺฐิํ… ปตฺถนํ อุปนิสฺสาย สุขสหคเตน จิตฺเตน ทานํ เทติ…เป.… สมาปตฺติํ อุปฺปาเทติฯ สุขสหคเตน จิตฺเตน อทินฺนํ อาทิยติ…เป.… นิคมฆาตํ กโรติฯ ปีติสหคตา สทฺธา…เป.… ปตฺถนา สุขสหคตาย สทฺธาย…เป.… ปตฺถนาย สุขสหคตสฺส กายวิญฺญาณสฺส อุปนิสฺสยปจฺจเยน ปจฺจโยฯ (2)

ปีติสหคโต ธมฺโม อุเปกฺขาสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปีติสหคตํ สทฺธํ อุปนิสฺสาย อุเปกฺขาสหคเตน จิตฺเตน ทานํ เทติ…เป.… อภิญฺญํ อุปฺปาเทติ, สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ ปีติสหคตํ สีลํ…เป.… ปตฺถนํ อุปนิสฺสาย อุเปกฺขาสหคเตน จิตฺเตน ทานํ เทติ…เป.… นิคมฆาตํ กโรติฯ ปีติสหคตา สทฺธา…เป.… ปตฺถนา อุเปกฺขาสหคตาย สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (3)

ปีติสหคโต ธมฺโม ปีติสหคตสฺส จ สุขสหคตสฺส จ ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปีติสหคตํ สทฺธํ อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ…เป.… ทิฏฺฐิํ คณฺหาติฯ ปีติสหคตํ สีลํ…เป.… ปตฺถนํ อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ…เป.… นิคมฆาตํ กโรติฯ

ปีติสหคตา สทฺธา…เป.… ปตฺถนา ปีติสหคตาย จ สุขสหคตาย จ สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (4)

[34] สุขสหคโต ธมฺโม สุขสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สุขสหคตํ สทฺธํ อุปนิสฺสาย สุขสหคเตน จิตฺเตน ทานํ เทติ…เป.… ทิฏฺฐิํ คณฺหาติฯ สุขสหคตํ สีลํ…เป.… ปตฺถนํ สุขสหคตํ กายวิญฺญาณํ อุปนิสฺสาย สุขสหคเตน จิตฺเตน ทานํ เทติ…เป.… นิคมฆาตํ กโรติฯ สุขสหคตา สทฺธา…เป.… ปตฺถนา สุขสหคตํ กายวิญฺญาณํ สุขสหคตาย สทฺธาย…เป.… ปตฺถนาย สุขสหคตสฺส กายวิญฺญาณสฺส อุปนิสฺสยปจฺจเยน ปจฺจโยฯ (1)

สุขสหคโต ธมฺโม ปีติสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สุขสหคตํ สทฺธํ อุปนิสฺสาย ปีติสหคเตน จิตฺเตน ทานํ เทติ…เป.… ทิฏฺฐิํ คณฺหาติฯ สุขสหคตํ สีลํ…เป.… ปตฺถนํ สุขสหคตํ กายวิญฺญาณํ อุปนิสฺสาย ปีติสหคเตน จิตฺเตน ทานํ เทติ…เป.… นิคมฆาตํ กโรติฯ สุขสหคตา สทฺธา…เป.… ปตฺถนา สุขสหคตํ กายวิญฺญาณํ ปีติสหคตาย สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (2)

สุขสหคโต ธมฺโม อุเปกฺขาสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – สุขสหคตํ สทฺธํ อุปนิสฺสาย อุเปกฺขาสหคเตน จิตฺเตน ทานํ เทติ…เป.… อภิญฺญํ อุปฺปาเทติ…เป.… ทิฏฺฐิํ คณฺหาติฯ สุขสหคตํ สีลํ…เป.… ปตฺถนํ สุขสหคตํ กายวิญฺญาณํ อุปนิสฺสาย อุเปกฺขาสหคเตน จิตฺเตน ทานํ เทติ…เป.… นิคมฆาตํ กโรติฯ สุขสหคตา สทฺธา…เป.… ปตฺถนา สุขสหคตํ กายวิญฺญาณํ อุเปกฺขาสหคตาย สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (3)

สุขสหคโต ธมฺโม ปีติสหคตสฺส จ สุขสหคตสฺส จ ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย …เป.…ฯ ปกตูปนิสฺสโย – สุขสหคตํ สทฺธํ อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ…เป.… ทิฏฺฐิํ คณฺหาติฯ สุขสหคตํ สีลํ…เป.… ปตฺถนํ สุขสหคตํ กายวิญฺญาณํ อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ…เป.… นิคมฆาตํ กโรติฯ สุขสหคตา สทฺธา…เป.… ปตฺถนา สุขสหคตํ กายวิญฺญาณํ ปีติสหคตาย จ สุขสหคตาย จ สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (4)

[35] อุเปกฺขาสหคโต ธมฺโม อุเปกฺขาสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อุเปกฺขาสหคตํ สทฺธํ อุปนิสฺสาย อุเปกฺขาสหคเตน จิตฺเตน ทานํ เทติ…เป.… อภิญฺญํ อุปฺปาเทติ…เป.… ทิฏฺฐิํ คณฺหาติฯ อุเปกฺขาสหคตํ สีลํ…เป.… ปตฺถนํ อุปนิสฺสาย อุเปกฺขาสหคเตน จิตฺเตน ทานํ เทติ…เป.… นิคมฆาตํ กโรติฯ อุเปกฺขาสหคตา สทฺธา…เป.… ปตฺถนา อุเปกฺขาสหคตาย สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (1)

อุเปกฺขาสหคโต ธมฺโม ปีติสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อุเปกฺขาสหคตํ สทฺธํ อุปนิสฺสาย ปีติสหคเตน จิตฺเตน ทานํ เทติ…เป.… ทิฏฺฐิํ คณฺหาติฯ อุเปกฺขาสหคตํ สีลํ…เป.… ปตฺถนํ อุปนิสฺสาย ปีติสหคเตน จิตฺเตน ทานํ เทติ…เป.… นิคมฆาตํ กโรติฯ อุเปกฺขาสหคตา สทฺธา…เป.… ปตฺถนา ปีติสหคตาย สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (2)

อุเปกฺขาสหคโต ธมฺโม สุขสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อุเปกฺขาสหคตํ สทฺธํ อุปนิสฺสาย สุขสหคเตน จิตฺเตน ทานํ เทติ…เป.… ทิฏฺฐิํ คณฺหาติฯ อุเปกฺขาสหคตํ สีลํ…เป.… ปตฺถนํ อุปนิสฺสาย สุขสหคเตน จิตฺเตน ทานํ เทติ…เป.… นิคมฆาตํ กโรติฯ อุเปกฺขาสหคตา สทฺธา…เป.… ปตฺถนา สุขสหคตาย สทฺธาย…เป.… ปตฺถนาย สุขสหคตสฺส กายวิญฺญาณสฺส อุปนิสฺสยปจฺจเยน ปจฺจโยฯ (3)

อุเปกฺขาสหคโต ธมฺโม ปีติสหคตสฺส จ สุขสหคตสฺส จ ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – อุเปกฺขาสหคตํ สทฺธํ อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ…เป.… ทิฏฺฐิํ คณฺหาติฯ อุเปกฺขาสหคตํ สีลํ…เป.… ปตฺถนํ อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ…เป.… นิคมฆาตํ กโรติฯ อุเปกฺขาสหคตา สทฺธา…เป.… ปตฺถนา ปีติสหคตาย จ สุขสหคตาย จ สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (4)

[36] ปีติสหคโต จ สุขสหคโต จ ธมฺมา ปีติสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปีติสหคตญฺจ สุขสหคตญฺจ สทฺธํ อุปนิสฺสาย ปีติสหคเตน จิตฺเตน ทานํ เทติ…เป.… ทิฏฺฐิํ คณฺหาติฯ ปีติสหคตญฺจ สุขสหคตญฺจ สีลํ…เป.… ปตฺถนํ อุปนิสฺสาย ปีติสหคเตน จิตฺเตน ทานํ เทติ…เป.… นิคมฆาตํ กโรติฯ ปีติสหคตา จ สุขสหคตา จ สทฺธา…เป.… ปตฺถนา ปีติสหคตาย สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (1)

ปีติสหคโต จ สุขสหคโต จ ธมฺมา สุขสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปีติสหคตญฺจ สุขสหคตญฺจ สทฺธํ อุปนิสฺสาย สุขสหคเตน จิตฺเตน ทานํ เทติ…เป.… ทิฏฺฐิํ คณฺหาติฯ ปีติสหคตญฺจ สุขสหคตญฺจ สีลํ…เป.… ปตฺถนํ อุปนิสฺสาย สุขสหคเตน จิตฺเตน ทานํ เทติ…เป.… นิคมฆาตํ กโรติฯ ปีติสหคตา จ สุขสหคตา จ สทฺธา…เป.… ปตฺถนา สุขสหคตาย สทฺธาย…เป.… ปตฺถนาย สุขสหคตสฺส กายวิญฺญาณสฺส อุปนิสฺสยปจฺจเยน ปจฺจโยฯ (2)

ปีติสหคโต จ สุขสหคโต จ ธมฺมา อุเปกฺขาสหคตสฺส ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ

ปกตูปนิสฺสโย – ปีติสหคตญฺจ สุขสหคตญฺจ สทฺธํ อุปนิสฺสาย อุเปกฺขาสหคเตน จิตฺเตน ทานํ เทติ …เป.… อภิญฺญํ อุปฺปาเทติ…เป.… ทิฏฺฐิํ คณฺหาติฯ ปีติสหคตญฺจ สุขสหคตญฺจ สีลํ…เป.… ปตฺถนํ อุปนิสฺสาย อุเปกฺขาสหคเตน จิตฺเตน ทานํ เทติ…เป.… นิคมฆาตํ กโรติฯ ปีติสหคตา จ สุขสหคตา จ สทฺธา…เป.… ปตฺถนา อุเปกฺขาสหคตาย สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (3)

ปีติสหคโต จ สุขสหคโต จ ธมฺมา ปีติสหคตสฺส จ สุขสหคตสฺส จ ธมฺมสฺส อุปนิสฺสยปจฺจเยน ปจฺจโย – อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย…เป.…ฯ ปกตูปนิสฺสโย – ปีติสหคตญฺจ สุขสหคตญฺจ สทฺธํ อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ, สีลํ สมาทิยติ, อุโปสถกมฺมํ กโรติฯ ปีติสหคตญฺจ สุขสหคตญฺจ ฌานํ อุปฺปาเทติ, วิปสฺสนํ อุปฺปาเทติ, มคฺคํ อุปฺปาเทติ, สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติฯ ปีติสหคตญฺจ สุขสหคตญฺจ สีลํ… สุตํ… จาคํ… ปญฺญํ… ราคํ… โมหํ… มานํ… ทิฏฺฐิํ… ปตฺถนํ อุปนิสฺสาย ปีติสหคเตน จ สุขสหคเตน จ จิตฺเตน ทานํ เทติ, สีลํ สมาทิยติ, อุโปสถกมฺมํ กโรติฯ ปีติสหคตญฺจ สุขสหคตญฺจ ฌานํ อุปฺปาเทติ…เป.… สมาปตฺติํ อุปฺปาเทติฯ ปีติสหคเตน จ สุขสหคเตน จ จิตฺเตน อทินฺนํ อาทิยติ, มุสา ภณติ, ปิสุณํ ภณติ, สมฺผํ ปลปติ, สนฺธิํ ฉินฺทติ, นิลฺโลปํ หรติ, เอกาคาริกํ กโรติ, ปริปนฺเถ ติฏฺฐติ, ปรทารํ คจฺฉติ, คามฆาตํ กโรติ, นิคมฆาตํ กโรติฯ ปีติสหคตา จ สุขสหคตา จ สทฺธา…เป.… ปตฺถนา ปีติสหคตาย จ สุขสหคตาย จ สทฺธาย…เป.… ปตฺถนาย อุปนิสฺสยปจฺจเยน ปจฺจโยฯ (4)

อาเสวนปจฺจโย

[37] ปีติสหคโต ธมฺโม ปีติสหคตสฺส ธมฺมสฺส อาเสวนปจฺจเยน ปจฺจโย – ปุริมา ปุริมา ปีติสหคตา ขนฺธา ปจฺฉิมานํ ปจฺฉิมานํ ปีติสหคตานํ ขนฺธานํ อาเสวนปจฺจเยน ปจฺจโยฯ ปีติสหคตํ อนุโลมํ ปีติสหคตสฺส โคตฺรภุสฺส… อนุโลมํ โวทานสฺส… โคตฺรภุ มคฺคสฺส… โวทานํ มคฺคสฺส อาเสวนปจฺจเยน ปจฺจโยฯ (1)