เมนู

สตฺตมวคฺโค


ราชา อาห ภนฺเต นาคเสน กตีหิ อากาเรหิ สติ อุปฺปชฺชตีติ ฯ เถโร
อาห สตฺตรสหิ อากาเรหิ มหาราช สติ อุปฺปชฺชติ อภิชานโตปิ มหาราช สติ อุปฺปชฺชติ
กุฏุมฺพิกายปิ สติ อุปฺปชฺชติ โอฬาริกวิญฺญาณโตปิ สติ อุปฺปชฺชติ หิตวิญฺญาณโตปิ สติ
อุปฺปชฺชติ อหิตวิญฺญาณโตปิ สติ อุปฺปชฺชติ สภาคนิมิตฺตโตปิ สติ อุปฺปชฺชติ วิสภาค-
นิมิตฺตโตปิ สติ อุปฺปชฺชติ กถาภิญฺญาณโตปิ สติ อุปฺปชฺชติ ลกฺขณโตปิ สติ อปฺปชฺชติ
สรณโตปิ สติ อุปฺปชฺชติ มุทฺธโตปิ สติ อุปฺปชฺชติ คณนาโตปิ สติ อุปฺปชฺชติ ธารณโตปิ
สติ อุปฺปชฺชติ ภาวนาโตปิ สติ อุปฺปชฺชติ โปฏฺฐกนิพนฺธนโตปิ สติ อุปฺปชฺชติ
อุปนิกฺเขปนโตปิ สติ อุปฺปชฺชติ อนุภูตโตปิ สติ อุปฺปชฺชตีติ ฯ กถํ ภนฺเต อภิชานโต
สติ อุปฺปชฺชตีติ ฯ ยถา มหาราช อายสิมา อานนฺโท ขุชฺชุตฺตรา จ อุปาสิกา ชาตึ
อนุสฺสรนฺติ เย วา ปนญฺเญ เกจิ ชาติสรณกา ชาตึ สรนฺติ เอวํ อภิชานโต สติ
อุปฺปชฺชตีติ ฯ กถํ ภนฺเต กุฏุมฺพิกาย สติ อุปฺปชฺชตีติ ฯ ปกติยา มหาราช มุฏฺฐสติโก
โหติ ปเร จ ชนา ภนฺฑํ พนฺธนฺติ เตน เตน สรติ เอวํ กุฏุมฺพิกาย สติ
อุปฺปชฺชตีติ ฯ กถํ โอฬาริกวิญฺญาณโต สติ อุปฺปชฺชตีติ ฯ ยถา มหาราช รชฺเช อภิสิญฺจิโต
วา โหติ โสตาปตฺติผลปฺปตฺโต วา เอวํ โอฬาริกวิญฺญาณโต สติ อุปฺปชฺชตีติ ฯ กถํ
หิตวิญฺญาณโต สติ อุปฺปชฺชตีติ ฯ ยมฺหิ สุขาปิโต โหติ อสุกสฺมึ สุขาปิโต สรติ เอวํ
หิตวิญฺญาณโต สติ อุปฺปชฺชตีติ ฯ กถํ อหิตวิญฺญาณโต สติ อุปฺปชฺชตีติ ฯ ยมฺหิ
ทุกฺขาปิโต โหติ อสุกสฺมึ ทุกฺขาปิโต สรติ เอวํ อหิตวิญฺญาณโต สติ อุปฺปชฺชตีติ ฯ
ทุกฺขาปิโต โหติ อสุกสฺมึ ทุกฺขาปิโต สรติ เอวํ อหิตวิญฺญาณโต สติ อุปฺปชฺชตีติ ฯ
กถํ สภาคนิมิตฺตโต สติ อุปฺปชฺชตีติ ฯ สทิสกํ ปุคฺคลํ ทิสฺวา มาตุ วา ปิตุ วา
ภาตุ วา ภคินิยา วา สรติ โอฏฺฐํ วา โคณํ วา คทฺรภํ วา ทิสฺวา สรติ เอวํ
สภาคนิมิตฺตโต สติ อุปฺปชฺชตีติ ฯ กถํ วิสภาคนิมิตฺตโต สติ อุปฺปชฺชตีติ ฯ นามํ
อสุกสฺส เอทิโส วณฺโณปิ คนฺโธปิ รโสปิ โผฏฺฐพฺโพปิ สรติ เอวํ วิสภาคนิมิตฺตโต สติ
อุปฺปชฺชตีติ ฯ กถํ กถาภิญฺญาณโต สติ อุปฺปชฺชตีติ ฯ ปกติยา มุฏฺฐสติโก โหติ ปเรปิ
สราเปนฺติ เต สรติ เอกํ กถาภิญฺญาณโต สติ อุปฺปชฺชตีติ ฯ กถํ ลกฺขณโต สติ

อุปฺปชฺชตีติ ฯ พลิพทฺทานํ องฺคโต ชานาติ โส ลกฺขณโต ชานาติ เอวํ ลกฺขณโต สติ
อุปฺปชฺชตีติ ฯ กถํ สรณโต สติ อุปฺปชฺชตีติ ฯ โย ชโน มุฏฺฐสติโก โหติ เอวํ
เอโส ตํ วเทติ สราหิ โภ สราหิ โภติ ปุนปฺปุนํ สราเปติ เอวํ สรณโต สติ
อุปฺปชฺชตีติ ฯ กถํ มุทฺธโต สติ อุปฺปชฺชตีติ ฯ เลขาย ลิขิตตฺตา ชานาติ อิมสฺส
อกฺขรสฺส อนฺตรํ อิทํ อกฺขร กาตพฺพนฺติ อกฺขรสฺส อนนฺตรํ กาตพฺพนฺติ เอวํ มุทฺธโต
สติ อุปฺปชฺชตีติ ฯ กถํ คณนาโต สติ อุปฺปชฺชตีติ ฯ คณนาย ลิขิตตฺตา คณนโก
พหู สรติ เอวํ คณนาโต สติ อุปฺปชฺชตีติ ฯ กถํ ธารณโต สติ อุปฺปชฺชตีติ ฯ ธารณาย
ลิขิตตฺตา ธารณกา พหู ธาเรนฺติ เอวํ ธารณโต สติ อุปฺปชฺชตีติ ฯ กถํ ภาวนาโต
สติ อุปฺปชฺชตีติ ฯ อิธ ภิกฺขุ อเนกวิหิตํ ปุพฺเพนิวาสํ อนุสฺสรติ เสยฺยถีทํ เอกํปิ ชาตึ
เทฺวปิ ชาติโย ฯ เป ฯ อิติ สาการํ สอุทฺเทสํ ปุพฺเพนิวาสํ อนุสฺสรติ เอวํ ภาวนาโต
สติ อุปฺปชฺชตีติ ฯ กถํ โปฏฺฐกนิพนฺธนโต สติ อุปฺปชฺชตีติ ฯ ราชาโน อนุสาสนิยา
อนุสฺสรนฺตา เอตํ โปฏฺฐกํ อาหรถาติ เตน สรนฺติ เอวํ โปฏฺฐกนิพนฺธนโต สติ อุปฺปชฺชตีติ
ฯ กถํ อุปนิกฺเขปนโต สติ อุปฺปชฺชตีติ ฯ อุปนิกฺขิตฺตํ ภณฺฑํ ทิสฺวา สรติ เอวํ
อุปนิกฺเขปนโต สติ อุปฺปชฺชตีติ ฯ กถํ อนภูตโต สติ อุปฺปชฺชตีติ ฯ ทิฏฺฐติตา รูปํ
สรติ สุตติตา สทฺทํ สรติ ฆานยิตติตา คนฺธํ สรติ สายิตตฺตา รสํ สรติ ผุฏฺฐตฺตา
โผฏฺฐพฺพํ สรติ วิญฺญาตตฺตา ธมฺมํ สรติ เอวํ อนุภูตโต สติ อุปฺปชฺชติ อิเม โข มหาราช
สตฺตรสหิ อากาเรหิ สติ อุปฺปชฺชตีติ ฯ กลฺโลสิ ภนฺเต นาคเสนาติ ฯ

สติอาการปญฺโห ปฐโม ฯ


ราชา อาห ภนฺเต นาคเสน ตุมฺเห เอวํ ภณถ โย จ วสฺสสตํ อปุญฺญํ
กเรยฺย มรณกาเล จ เอกํ พุทฺธสรณคตํ สตึ ลเภยฺย โส เทเวสุ อุปฺปชฺเชยฺยาติ เอตํ
วจนํ น สทฺทหามิ ปุน เอวญฺเจตํ วเทถ เอเกนาปิ ปาณาติปาเตน นิรเยสุ อุปฺปชฺเชยฺยาติ
เอตํปิ น สทฺทหามีติ ฯ เถโร อาห ตํ กึ มญฺญสิ มหาราช ขุทฺทโกปิ ปาสาโณ
วินา นาวาย อุทเก อุปฺปิลเวยฺยาติ ฯ น หิ ภนฺเตติ ฯ กินฺนุ วาหสตํปิ ปาสาณํ
มหาราช นาวา เอวํ กุสลานิ กมฺมานิ ทฏฺฐพฺพานีติ ฯ
ภตฺติกานํ ยถา นาวา อปฺปมาณครุภารา
อติภารํ สมาธาย อณฺณเว อวสีทติ