ตติยวคฺโค

ราชา อาห ภนฺเต นาคเสน อตีตสฺส ปน อทฺธานสฺส กึ มูลํ อนาคตสฺส
ปน อทฺธานสฺส กึ มูลํ ปจฺจุปนฺนสฺส ปน อทฺธานสฺส กึ มูลนฺติ ฯ เถโร อาห
อตีตสฺส มหาราช อทฺธานสฺส อนาคตสฺส จ อทฺธานสฺส ปจฺจุปฺปนฺนสฺส จ อทฺธานสฺส
อวิชฺชา มูลํ อวิชฺชาปจฺจยา สงฺขารา สงฺขารปจฺจยา วิญฺญาณํ วิญฺญาณปจฺจยา นามรูปํ
นามรูปปจฺจยา สฬายตนํ สฬายตนปจฺจยา ผสฺโส ผสฺสปจฺจยา เวทนา เวทนาปจฺจยา
ตณฺหา ตณฺหาปจฺจยา อุปาทานํ อุปาทานปจฺจยา ภโว ภวปจฺจยา ชาติ ชาติปจฺจยา
ชรามรณํ โสกปริเทวทุกฺขโทมนสฺสอุปายาสา สมฺภวนฺติ เอวเมตสฺส เกวลสฺส
ทุกฺขกฺขนฺธสฺส สมุทโย โหติ อทฺธานสฺส ปุริมโกฏิ น ปญฺญายตีติ ฯ กลฺโลสิ
ภนฺเต นาคเสนาติ ฯ

อทฺธานปญฺโห ปฐโม ฯ

ราชา อาห ภนฺเต นาคเสน ยํ ปเนตฺ พฺรูสิ ปุริมโกฏิ น ปญฺญายตีติ
กตโม จ โส ปุริมโกฏิ โย โส อตีโต อทฺธาติ ฯ โส มหาราช ปุริมโกฏิ โย โส
อตีโต อทฺธาติ ฯ ภนฺเต นาคเสน เกน การเณน ปุริมโกฏิ น ปญฺญายตีติ ฯ
กาจิ ปญฺญายติ กาจิ น ปญฺญายตีติ ฯ กตมา ภนฺเต ปญฺญายติ กตมา น
ปญฺญายตีติ ฯ เถโร อาห อิโต ปุพฺเพ สพฺเพน สพฺพํ สพฺพถา สพฺพํ น อโหสิ
เอสา ปุริมโกฏิ น ปญฺญายติ อหุตฺวา สมฺโภนฺติ หุตฺวา ปฏิวิคจฺฉนฺติ เอสา ปุริมโกฏิ
ปญฺญายตีติ ฯ ภนฺเต นาคเสน ยํ ปเนตํ พฺรูสิ ปุริมโกฏิ น ปญฺญายตีติ ตสฺส อุปมํ
กโรหีติ ฯ ยถา มหาราช ปริตฺตานิ วีชานิ ปฐวินิสฺสิตานิ อนุปุพฺเพนน ปตฺตญฺจ ปุปฺผญฺจ
ผลญฺจ ทเทยฺยุํ วุฑฺฒึ วิรุฬฺหึ เวปุลฺลํ อาปชฺเชยฺยุํ ตโต ผลานิ นิพฺพตฺเตยฺยุํ ตโตปิ
รุกฺขา อนุปุพฺเพน ปตฺตญฺจ ปุปฺผญฺข ผลญฺจ ทเทยฺยุํ วุฑฺฒึ วิรุฬฺหึ เวปุลฺลํ อาปชฺเชยฺยุํ
กินฺนุ โข เอติสฺสา สนฺตติยา อตฺถิ อนฺโตติ ฯ นตฺถิ ภนฺเตติ ฯ เอวเมว โข มหาราช
อทฺธานิสฺส ปุริมโกฏิ น ปญฺญายตีติ ฯ ภิยฺโย ภนฺเต อุปมํ กโรหีติ ฯ ยถา มหาราช
กุกฺกฏิยา อณฺฑํ อณฺฑโต กุกฺกุฏี กุกฺกฏิโต ปุน อณฺฑํ เอติสฺสา สนฺตติยา อตฺถิ

อนฺโตติ ฯ นตฺถิ ภนฺเตติ ฯ เอวเมว โข มหาราช อทฺธานสฺส ปุริมโกฏิ น
ปญฺญายตีติ ฯ ภิยฺโย ภนฺเต อุปมํ กโรหีติ ฯ เถโร มฐวิยํ จกฺกํ ลิขิตฺวา มิลินฺทํ
ราชานํ เอตทโวจ อตฺถิ อิมสฺส จกฺกสฺส อนฺโตติ ฯ นตฺถิ ภนฺเตติ ฯ เอวเมว โข
มหาราช อิมานิปิ จกฺกานิ วุตฺตานิ ภควตา จกฺขุ โสตํ ฆานํ ชิวฺหา กาโย มโนติ
จกฺขุํ จ มหาราช ปฏิจฺจ รูเป จ อุปฺปชฺชติ จกฺขุวิญฺญาณํ ติณฺณํ สงฺคติยา ผสฺโส
ผสฺสปจฺจยา เวทนา เวทนาปจฺจยา ตณฺหา ตณฺหาปจฺจยา อุปาทานํ อุปาทานปจฺจยา
กมฺมํ กมฺมโต ปุน จกฺขุ ชายติ เอติสฺสา สนฺตติยา อตฺถิ อนฺโตติ ฯ นตฺถิ
ภนฺเตติ ฯ โสตญฺจ มหาราช ปฏิจฺจ สทฺเท จ อุปฺปชฺชติ โสตวิญฺญาณํ ฯ เป ฯ มนญฺจ
ปฏิจฺจ ธมฺเม จ อุปฺปชฺชติ มโนวิญฺญาณํ ติณฺณํ สงฺคติยา ผสฺโส ผสฺสปจฺจยา เวทนา
เวทนาปจฺจยา ตณฺหา ตณฺหาปจฺจยา อุปาทานํ อุปาทานปจฺจยา กมฺมํ กมฺมโต ปุน
มโน ชายติ เอติสฺสา สนฺตติยา อตฺถิ อนฺโตติ ฯ นตฺถิ ภนฺเตติ ฯ เอวเมว โข
มหาราช อทฺธานสฺส ปุริมโกฏิ น ปญฺญายตีติ ฯ กลฺโลสิ ภนฺเต นาคเสนาติ ฯ

ปุริมโกฏิปญฺโห ทุติโย ฯ

ราชา อาห ภนฺเต นาคเสน ยํ ปเนตํ พฺรูสิ กาจิ ปญฺญายติ กาจิ น ปญฺญายตีติ
กสฺมา สา ปญฺญายติ น ปญฺญายตีติ ฯ อิโต ปุพฺเพ มหาราช สพฺเพนน สพฺพํ สพฺพถา
สพฺพํ น อโหสีติ เอสา ปุริมโกฏิ น ปญฺญายติ ยํ อหุตฺวา สมฺโภติ หุตฺวา ปฏิวิคจฺฉติ
เอสา ปุริมโกฏิ ปญฺญายตีติ ฯ ราชา อาห ยํ อหุตฺวา สมฺโภติ หุตฺวา ปฏิวิคจฺฉติ
นนุ อุภยโต ฉินฺนา อตฺถํ คจฺฉนฺตีติ ฯ เถโร อาห อาม มหาราช ยทิ อุภยโต
ฉินฺนา อตฺถํ คจฺฉนฺตีติ ฯ อุภยโต สกฺกา เวเทตุนฺติ ฯ อาม สกฺกา เวเทตุนฺติ ฯ
ราชา อาห นาหํ เอตํ ปุจฺฉามิ โกฏิโต สกฺกา เวเทตุนฺติ ฯ เถโร อาห อาม
สกฺกาติ ฯ อุปมํ ภนฺเต กโรหีติ ฯ เถโร ตสฺส รุกฺขูปมํ อกาสิ ฯ อญฺโญ จ ขนฺธ
เกวลสฺส วํชานีติ ฯ เป ฯ กลฺโลสิ ภนฺเต นาคเสนาติ ฯ

โกฏิยา ปุริมปญฺโห ตติโย ฯ

ราชา อาห ภนฺเต นาคเสน อตฺถิ เกจิ สงฺขารา ชายนฺตีติ ฯ เถโร อาห
อตฺถิ สงฺขารา ชายนฺตีติ ฯ กตเม ภนฺเตติ ฯ จกฺขุสฺมึ มหาราช สติ รูเป สติ
จกฺขุวิญฺญาณํ โหติ จกฺขุวิญฺญาเณ สติ จกฺขุสมฺผสฺโส โหติ จกฺขสมฺผสฺเส สติ เวทนา