อุปมาปญฺโห

ภนฺเต นาคเสน กตีหงฺเคหิ สมนฺนาคโต ภิกฺขุ อรหตฺตํ สจฺฉิกโรตีติ ฯ อิธ
มหาราช อรหตฺตํ สจฺฉิกตฺตุกาเมน ภิกฺขุนา โรสรสฺส คทฺรภสฺส เอกงฺคํ
คเหตพฺพํ ฯ กุกฺกุฏสฺส ปญฺจงฺคานิ คเหตพฺพานิ ฯ กลนฺทกสฺส เอกงฺคํ คเหตพฺพํ ฯ
ทีปินิยา เอกงฺคํ คเหตุพฺพํ ทีปิกสฺส เทฺว องฺคานิ คเหตพฺพานิ ฯ กุมฺมสฺส ปญฺจงฺคานิ
คเหตพฺพานิ ฯ วํสสฺส เอกงฺคํ คเหตพฺพํ ฯ จาปสฺส เอกงฺคํ คเหตพฺพํ ฯ วายสสฺส
เทฺว องฺคานิ คเหตพฺพานิ ฯ มกฺกฏสฺส เทฺว องฺคานิ คเหตพฺพานิ ฯ

ปฐมวคฺโค ฯ

ลาวุลตาย เอกงฺคํ คเหตพฺพํ ฯ ปทุมสฺส ตีณงฺคานิ คเหตพฺพานิ ฯ วีชสฺส
เทฺว องฺคานิ คเหตพฺพานิ ฯ สาลกลฺยาณิกาย เอกงฺคํ คเหตพฺพํ ฯ นาวาย
ตีณงฺคานิ คเหตพฺพานิ ฯ นาวาลคฺคนกสฺส เทฺว องฺคานิ คเหตพฺพานิ ฯ กุปกสฺส
เอกงฺคํ คเหตพฺพํ ฯ นิยามกสฺส ตีณิ องฺคานิ คเหตพฺพานิ ฯ กมฺมกรสฺส เอกงฺคํ
คเหตพฺพํ ฯ สมุทฺทสฺส ปญฺจงคานิ คเหตพฺพานิ ฯ

ทุติโย วคฺโค ฯ

ปฐวิยา ปญฺจงฺคานิ คเหตพฺพานิ ฯ อาปสฺส ปญฺจงฺคานิ คเหตพฺพานิ ฯ
เตชสฺส ปญฺจงฺคานิ คเหตพฺพานิ ฯ วายุสฺส ปญฺจงฺคานิ คเหตพฺพานิ ฯ ปพฺพตสฺส
ปญฺจงฺคานิ คเหตพฺพานิ ฯ อากาสสฺส ปญฺจงฺคานิ คเหตพฺพานิ ฯ จนฺทสฺส
ปญฺจงฺคานิ คเหตพฺพานิ ฯ สุริยสฺส สตฺตงฺคานิ คเหตพฺพานิ ฯ สกฺกสส ตีณงฺคานิ
คเหตพฺพานิ ฯ จกฺจวตฺติสฺส จตฺตาริ องฺคานิ คเหตพฺพานิ ฯ

ตติโย วคฺโค ฯ

อุปจิกาย เอกงฺคํ คเหตพฺพํ ฯ วิฬารสฺส เทฺว องฺคานิ คเหตพฺพานิ ฯ
อุนฺทูรสฺส เอกงฺคํ คเหตพฺพํ ฯ วิจฺฉิกสฺส เอกงฺคํ คเหตพฺพํ ฯ นกุลสฺส เอกงฺคํ