เมนู

นวมวคฺโค


ภนฺเต นาคเสน เย เต มรนฺติ สพฺเพ เต กาลํเยว มรนฺติ อุทาหุ อกาลํ
มรนฺตีติ ฯ อตฺถิ มหาราช กาลมรณํ อตฺถิ อกาลมรณนฺติ ฯ เก เต ภนฺเต กาลมรณํ
เก เต อกาลมรณนฺติ ฯ ทิฏฺฐปุพฺพา ปน ตยา มหาราช อมฺพรุกฺขา วา อญฺเญ
เกจิ รุกฺขา วา ผลิโน ปุปฺผวินฺทกาเลเยว เต ปตนฺตา สวณฺฑกาเลเยว ปตนฺตา
โทวิลา เต ปตนฺตา อามวณฺณา เต ปตนฺตา อปกฺกสมฺปตฺตา เต ปตนฺตาติ ฯ อาม
ภนฺเตติ ฯ เย เต มหาราช ปริปกฺกา ผลา ปตนฺติ เต สพฺเพ กาเล ปตนฺติ เย
ปน เต อวเสสา ผลา เตสุ เกจิ กิมิวิทฺธา ปตนฺติ เกจิ สกุณปหตา ปตนฺติ เกจิ
วาตปหตา ปตนฺติ เกจิ อนฺโตปูติกา หุตฺวา ปตนฺติ เต สพฺเพ อกาเล ปตนฺติ เอวเมว
โข มหาราช เย ชราย คหิตา มรนฺติ เต กาเลเยว มรนฺติ อเวสสา เกจิ กมฺมปฏิพาฬฺหา
มรนฺติ เกจิ คติปฏิพาฬฺหา มรนฺติ เกจิ กิริยปฏิพาฬิหา มรนฺติ เต สพฺเพ อกาเลเยว
มรนฺตีติ ฯ ภนฺเต นาคเสน เย เต กมฺมปฏิพาฬฺหา มรนฺติ เยปิ เต คติปฏิพาฬฺหา
มรนฺติ เยปิ เต กิริยปฏิพาฬฺหา มรนฺติ เยปิ เต ชราย คหิตา มรนฺติ สพฺเพ เต
กาเล มรนฺติ ฯ โย มาตุกุจฺฉิคโต มรติ โส ตสฺส กาเล กาเลเยว โส มรติ โย
ปสูติฆเร มรติ โส ตสฺส กาโล กาเลเยว โส มรติ โยปิ ฉปฺปญฺจมาสิโก มรติ โยปิ
ทสพารสมาสิโก มรติ โยปิ สตวสฺสิโก มรติ กาเลเยว โส มรติ ฯ เตนหิ ภนฺเต
นาคเสน อกาลมรณํ นาม น โหติ เย เกจิ มรนฺติ เต สพฺเพ กาเลเยว
มรนฺตีติ ฯ
สตฺติเม มหาราช วิชฺชมาเนปิ อุตฺตรึ อายุสมฺมึ อกาเล มรนฺติ ฯ กตเม
สตฺต ฯ ชิฆจฺฉิโก มหาราช โภชนํ อลภมาโน อุปหตพฺภนฺตโร วิชฺชมาเนปิ อุตฺตรึ อายุสฺมึ
อกาเล มรติ ฯ ปิปาสิโต มหาราช ปานียํ อลภมาโน ปริสุกฺกหทโย วิชฺชมาเนปิ อุตฺตรึ
อายุสฺมึ อกาเล มรติ ฯ อหินา ทฏฺโฐ มหาราช วิสมานุคโต ติกิจฺฉกํ อลภมาโน
วิชฺชมาเนปิ อุตฺตรึ อายุสฺมึ อกาเล มรติ ฯ วิสมาสิโต มหาราช ฑยฺหนฺเตสุ องฺคมงฺเคสุ
อคทํ อลภมาโน วิชฺมาเนปิ อุตฺตรึ อายุสฺมึ อกาเล มรติ ฯ อคฺคิคโต มหาราช

นิพฺพาปนํ อลภมาโน วิชฺชมาเนปิ อุตฺตรึ อายุสฺมึ อกาเล มรติ ฯ อุทกคโต มหาราช
อติฏฺฐํ อลภมาโน วิชฺชมาเนปิ อุตฺตรึ อายุสฺมึ อกาเล มรติ ฯ สตฺติยา ปหโต มหาราช
อาพาธิโก ภึสกํ อลภมาโน วิชฺชมาเนปิ อุตฺตรึ อายุสฺมึ อกาเล มรติ ฯ อิเม โข
มหาราช สตฺต วิชฺชมาเนปิ อุตฺตรึ อายุสฺมึ อกาเล มรนฺติ ฯ ตตฺถ ปาหํ
มหาราช เอกํเสน วทามิ ฯ อฏฺฐวิเธน มหาราช สตฺตานํ กาลกิริยา โหติ ฯ กตเม
อฏฺฐ ฯ วาตสมุฏฺฐาเนน ปิตฺตสมุฏฺฐาเนน เสมฺหสมุฏฺฐาเนน สนฺนิปาเตน อุตุปริณาเมน
วิสมปริหาเรน โอปกฺกมิเกน กมฺมวิปาเกน สตฺตานํ กาลกิริยา โหติ ฯ นนุ ตตฺถ มหาราช
อทิทํ กมฺมวิปาเกน สตฺตานํ กาลกิริยา สาเยว ตตฺถ สามายิกา กาลกิริยา อวเสสา
อสามายิกา กาลกิริยา ภวนฺติ ฯ
ชิฆจฺฉาย ปิปาสาย อหินา ทฏฺโฐ วิเสน จ
อคฺคิอุทกสตฺตีหิ อกาเล ตตฺถ มียติ
วาตปิตฺเตน เสมฺเหน สนฺนิปาเตนุตูหิ จ
วิสโมปกฺกมกมฺเมหิ อกาเล ตตฺถ มียติ ฯ
เกจิ มหาราช ปุพฺเพ กเตน กมฺเมน มรณํ คจฺฉนฺติ ฯ โย ปุพฺเพ ปเร
อนาสิเกน มาเรติ โส พหูนิ วสฺสสหสฺสานิ อนาสิโกว หุตฺวา ชิฆจฺฉาย ปริปีฬิโต ฉาโต
ปริกิลนฺโต สุกฺกมิลาตหทโย ทุกฺขิโต วิสุกฺขิโต ฌายนฺโต อตฺตานํ ปริกฑฺฒยนฺโต อนาสิเกเนว
มรติ ทหรโกปิ มชฺฌิมโกปิ มหลฺลโกปิ อิทํปิ ตสฺส สามายิกํ มรณํ ฯ โย ปุพฺเพ
ปเร ปิปาสาย มาเรติ โส พหูนิ วสฺสสหสฺสานิ ปิปาสิโต หุตฺวา นิชฺฌามตณฺหิโก สมาโน
นิรเยน นิริยํ ปริปติตฺวา ลูโข กีโส ปริสุกฺกหทโย ปิปาสาเยว มรติ ทหรโกปิ มชฺฌิมโกปิ
มหลฺลโกปิ อิทํปิ ตสฺส สามายิกํ มรณํ ฯ โย ปุพฺเพ ปเร อหินา ฑํสาเปตฺวา มาเรติ
ภูตานํ วา ฑํเสติ โสส พหูนิ วสฺสสหสฺสานิ อชครมุเขเนว อชครมุขํ กณฺหสปฺปมุเขเนว
กณฺหสปฺปมุขํ ปวิสิตฺวา เกนจิ ขายิตขายิโต อหินา อฏฺโฐเยว มรติ ทรหโกปิ
มชฺฌิมโกปิ มหลฺลโกปิ อิทํปิ ตสฺส สามายิกํ มรณํ ฯ โย ปุพฺเพ ปเรสํ วิสํ ทตฺวา
มาเรติ โส พหูนิ วสฺสสหสฺสานิ ฑยฺหนฺเตหิ องฺคมงฺเคหิ ภิชฺชมาเนน สรีเรน กุณปคนฺเธน
วายนฺเตน วิเสเนว มรติ ทหรโกปิ มชฺฌิมโกปิ มหลฺลกปิ อิทํปิ ตสฺส สามายิกํ
มรณํ ฯฯ โย ปุพฺเพ ปเร อคฺคินา มาเรติ โส พหูนิ วสฺสสตสหสฺสานิ องฺคารปพฺพเตเนว
องฺคารปพฺพตํ ยมวิสเยเนว ยมวิสยํ ปวิสิตฺวา ทฑฺฒวิทฑฺฒคตฺโต อคฺคินาเยว มรติ ทหรโกปิ

มชฺฌิมโกปิ มหลฺลโกปิ อิทํปิ ตสฺส สามายิกํ มรณํ ฯ โย ปุพฺเพ ปเร อุทเกน มาเรติ
โส พหูนิ วสฺสสตสหสฺสานิ หตวิลุตฺตคตฺโต ภคฺโค อติทุพฺพลคโต นาวาคโต อุทเกเยว
มติ ทหรโกปิ มชฺฌิมโกปิ มหลฺลโกปิ อิทํปิ ตสฺส สามายิกํ มรณํ ฯ โย ปุพฺเพ
ปเร สตฺติยา มาเรติ โส พหูนิ วสฺสสตสหสฺสานิ ฉินฺนภินฺนโกฏิตวิโกฏิโต สตฺติมุขสมาหโต
สตฺติยาเยว มรติ ทหรโกปิ มชฺฌิมโกปิ มหลฺลโกปิ อิทํปิ ตสฺส สามายิกํ
มรณนฺติ ฯ
ภนฺเต นาคเสน อกาลมรณํ อตฺถีติ ยํ วทสิ อิงฺฆ เม ตตฺถ อกาลมรณํ
อปทิสาติ ฯ ยถา มหาราช มหติอคฺคิกฺขนฺโธ อาทินฺนติณกฏฺฐสาขปลาโส ปริยาทินฺนภกฺโข
อุปาทานสํขยา นิพฺพายติ โส อคฺคิกฺขนฺโธ อนีติโก อนุปทฺทโว สามายิกํ นิพฺพุโต
นามาติ ฯ เอวํ ภนฺเตติ ฯ เอวเมว โข มหาราช โย โกจิ พหูนิ ทิวสสหสฺสานิ
ชีวิตฺวา อนีติโก อนุปทฺทโว มรติ อยํ วุจฺจติ สมายิกํ มรณมุปคโตติ ฯ ยถา วา
ปน มหาราช มหติอคฺคิกฺขนฺธสฺส อาทินฺนติณกฏฺฐสาขปลาสสฺส อปริกฺขีเณเยว ติ
ณสาขปลาเส มหาเมโฆ อภิวสฺสิตฺวา นิพฺพาเปยฺย อปิ นุ โข มหาราช มหติอคฺคิกฺขนฺโธ
สามายิกํ นิพฺพุโต โหตีติ ฯ น หิ ภนฺเตติ ฯ กิสฺส ปน โส มหาราช ปจฺฉิโม
อคฺคิกฺขนฺโธ ปุริมสฺส อคฺคิกฺขนฺธสฺส สมสมคติโก น โหตีติ ฯ อาคนฺตุเกน ภนฺเต
อุทกขนฺเธน ปริปีฬิโต โส อคฺคิกฺขนฺโธ อสามายิกํ ปตฺโต นิพฺพุตฺโตติ ฯ เอวเมว โข
มหาราช โย โกจิ อกาเล มรติ โส อาคนฺตุเกน โรเคน ปริปีฬิโต วาตสมุฏฺฐาเนน
วา ปิตฺตสมุฏฺฐาเนน วา เสมฺหสมุฏฺฐาเนน วา สนฺนิปาติเกน วา อุตุปริณามเชน วา
วิสมปริหารเชน วา โอปกฺกมิเกน วา ชิฆจฺฉาย วา ปิปาสาย วา สปฺปทฏฺเฐน วา
วิสมาสิเตน วา อคฺคินา วา อุทเกน วา สตฺติยา วา ปริปีฬิโตว อกาเล มรติ อิทเมตฺถ
มหาราช การณํ เยน การเณน อกาลมรณํ อตฺถิ ฯ
ยถา วา ปน มหาราช คคเณ พลาหโก อุปฺปชฺชิตฺวา นินฺนญฺจ ถลญฺจ
ปริปูรยนฺโต วสฺสติ โส เมโฆ อนีติโก อนุปทฺทโว วสฺสตีติ ฯ เอวํ ภนฺเตติ ฯ เอวเมว
โข มหาราช โย โกจิ จิรํ ชีวิตฺวา ชราชิณฺโณ อายุกฺขยา อนีติโก อนุปทฺทโว มรติ
โส ปวุจฺจติ สามายิกํ มรณมุปคโตติ ฯ ยถา วา ป มหาราช คคเณ พลาหโก
อุฏฺฐหิตฺวา อนฺตเรเยว วาเตน อพฺภตฺถํ คจฺเฉยฺย อปิ นุ โข โส มหาราช พลาหโก
สมเย วิคโต ภวิสฺสตีติ ฯ น หิ ภนฺเตติ ฯ กิสฺส ปน มหาราช ปจฺฉิโม พลาหโก

ปุริมสฺส พลาหกสฺส สมสมคติโก น โหตีติ ฯ อาคนฺตุเกน ภนฺเต วาเตน ปริปีฬิโต
โสส พลาหโก อสมยปฺปตฺโตเยว วิคโตติ ฯ เอวเมว โข มหาราช โย โกจิ อกาเล
มรติ โส อาคนฺตุเกน โรเคน ปริปีฬิโต วาตสมุฏฺฐาเนน วา ฯ เป ฯ สตฺติเวคปฏิปีฬิโต
วา อกาเล มรติ ฯ อิทเมตฺถ มหาราช การณํ เยน การเณน อกาลมรณํ
อตฺถิ ฯ
ยถา วา ปน มหาราช พลวา อาสีวิโส กุปฺปิโต กญฺจิเทว ปุริสํ ฑํเสยฺย
ตสฺส ตํ วิสํ อนีติกมนุปทฺทวํ มรณํ ปาเปยฺย ตํ วิสํ วุจฺจติ อนีติกมนุปทฺทวํ โกฏิคตนฺติ
เอวเมว โข มหาราช โย โกจิ จิรํ ชีวิตฺวา ชราชิณฺโณ อายุกฺขยา อนีติโก อนุปทฺทโว
มรติ โส วุจฺจติ อนีติโก อนุปทฺทโว ชีวิตโกฏิคโต สามายิกํ มรณํ อุปคโตติ ฯ ยถา
วา ปน มหาราช พลวตา อาสีวิเสน กสฺสจิ มนุสฺสสฺส ทฏฺฐสฺส อนฺตราเยว วิสํ ฆาตโก
อคทํ ทตฺวา อวิสํ กเรยฺย อปิ นุ โข มหาราช ตํ วิสํ สมเย วิคตํ โหตีติ ฯ
น หิ ภนฺเตติ ฯ กิสฺส ปน ตํ มหาราช ปจฺฉิมํ วิสํ ปุริมสฺส วิสสฺส สมสมคติกํ
น โหตีติ ฯ อาคนฺตุเกน ภนฺเต อคเทน ปฏิปีฬิตํ วิสํ อโกฏิกํเยว วิคตนฺติ ฯ เอวเมว
โข มหาราช โย โกจ อกาเล มรติ โส อาคนฺตุเกน โรเคน ปฏิปีฬิโต วาตสมุฏฺฐาเนน
วา ฯ เป ฯ สตฺติเวคปฏิปีฬิโต วา อกาเล มรติ ฯ อิทเมตฺถ มหาราช การณํ เยน
การเณน อกาลมรณํ อตฺถิ ฯ
ยถา วา ปน มหาราช อิสฺสตฺโถ สรํ ปาเตยฺย สเจ โส สโร ยถา
คติคมนปถมตฺถกํ คจฺฉติ โส สโร วุจฺจติ อนีติโก อนุปทฺทโว ยถาคติคมนปถมตฺถกํ คโต
นามาติ เอวเมว โข มหาราช โย โกจิ จิรํ ชีวิตฺวา ชราชิณฺโณ อายุกฺขยา อนีติโก
อนุปทฺทโว มรติ โส วุจฺจติ อนีติโก อนุปทฺทโว สามายิกํ มรณํ อุปคโตติ ฯ ยถา
วา ปน มหาราช อิสฺสตฺโถ สรํ ปาเตยฺย ตสฺส ตํ สรํ ตสฺมึเยว ขเณ โกจิ คณฺเหยฺย
อปิ นุ โข โส มหาราช สโก ยถาคติคมนปถมตฺถกํ คโต นาม โหตีติ ฯ น หิ
ภนฺเตติ ฯ กิสฺส ป น โส มหาราช ปจฺฉิโม สโร ปุริมสฺส สรสฺส สมสมคติโก น
โหตีติ ฯ อาคนฺตุเกน ภนฺเต หตฺถคหเณน ตสฺส สรสฺส คมนํ อุปจฺฉินฺนนฺติ ฯ เอวเมว
โข มหาราช โย โกจิ อกาเล มรติ โส อาคนฺตุเกน โรคคหเณน ชีวิตคมนํ อุปจฺฉินฺทติ
อกาเล มรติ ฯ อิทเมตฺถ มหาราช การณํ เยน การเณน อกาลมรณํ อตฺถิ ฯ
ยถา วา ปน มหาราช โย โกจิ โลหมยํ ภาชนํ อาโกเฏยฺย ตสฺส

อาโกฏนวิสาเรน สทฺโท นิพฺพตฺติตฺวา ยถาคติคมนปถมตฺถกํ คจฺเฉยฺย โส สทฺโท วุจฺจติ
อนีติโก อนุปทฺทโว ยถาคติคมนปถมตฺถกํ คโต นามาติ เอวเมว โข มหาราช โว โกจิ
พหูนิ ทิวสสหสฺสานิ ชีวิตฺวา ชราชิณฺโณ อายุกฺขยา อนีติโก อนุปทฺทโว มรติ โส วิจฺจติ
สามายิกํ มรณมุปคโตติ ฯ ยถา วา ปน มหาราช โย โกจิ โลหมยํ ภาชนํ อาโกเฏยฺย
ตสฺส อาโกฏเนน สทฺโท นิพฺพตฺเตยฺย ตสฺมึ นิพฺพตฺตสทฺเท อทุรํ คเต สนฺเต โกจิ
ตํ อามเสยฺย สห อามสเนน โส สทฺโท นิรุชฺเฌยฺย อปิ นุ โข โส มหาราช สทฺโท
ยถาคติคมนปถมตฺถกํ คโต นาม โหตีติ ฯ น หิ ภนฺเตติ ฯ กิสฺส ปน มหาราช
โส ปจฺฉิโม สทฺโท ปุริมสฺส สทฺทสฺส สมสมคติโก นาม น โหตีติ ฯ อาคนฺตุเกน
ภนฺเต อามสเนน โส สทฺโท อุปรมํ คโตติ ฯ เอวเมว โข มหาราช โย โกจิ อกาเล
มรติ โส อาคนฺตุเกน โรเคน ปริปีฬิโต วาตสมุฏฺฐาเนน วา ฯ เป ฯ สตฺติเวคปฏิปีฬิโต
วา อกาเล มรติ ฯ อิทเมตฺถ มหาราช การณํ เยน การเณน อกาลมรณํ
อตฺถิ ฯ
ยถา ปน มหาราช เขตฺเต สุวิรูฬฺหํ ธญฺญวีชํ สมฺมา ปวตฺตมาเนน วสฺเสเนว
อุฏฺฐิตอากิณฺณพหุผลํ ภวิตฺวา สสฺสุฏฺฐานสมยํ ปาปุณาติ ตํ ธญฺญํ วุจฺจติ อนีติกํ อนุปทฺทวํ
สสฺสุฏฺฐานสมยํ ปตฺตํ นาม โหตีติ เอวเมว โข มหาราช โย โกจิ พหูนิ ทิวสสหสฺสานิ
ชีวิตฺวา ชราชิณฺโณ อายุกฺขยา อนีตโก อนุปทฺทโว มรติ โส วุจฺจติ สามายิกํ มรณมุปคโต
โหตีติ ฯ ยถา วา ปน มหาราช เขตฺเต สุวิรูฬฺหํ ธญฺญวีชํ อุทเกน วินา มเรยฺย
อปิ นุ โข ตํ มหาราช ธญฺญํ สสฺสุฏฺฐานสมยํ ปตฺตํ นาม โหตีติ ฯ น หิ
ภนฺเตติ ฯ กิสฺส ปน ตํ มหาราช ปจฺฉิมํ ธญฺญํ ปุริมกานํ ธญฺญานํ สมสมคติกํ
น โหตีติ ฯ อาคนฺตุเกน ภนฺเต อุณฺเหน ปริปีฬิตํ ตํ ธญฺญํ มตนฺติ ฯ เอวเมว
โข มหาราช โย โกจิ อกาเล มรติ โส อาคนฺตุเกน โรเคน ปริปีฬิโต วาตสมุฏิฐาเนน
วา ฯ เป ฯ สตฺติเวคปฏิปีฬิโต วา อกาเล มรติ ฯ อิทเมตฺถ มหาราช การณํ
เยน การเณน อกาลมรณํ อตฺถิ ฯ
สุตปุพฺพํ ปน ตยา มหาราช สมฺปตฺเต ตรุเณ สสฺเส กิมิโย อุกฺฐหิตฺวา
สมูลํ นาสยนฺตีติ ฯ สุตปุพฺพํ ภนฺเต อมฺเหหิ ทิฏฺฐปุพฺพญฺจาติ ฯ อปิ นุ โข ตํ
มหาราช สสฺสํ กาเล นฏฺฐํ อุทาหุ อกาเล นฏฺฐนฺติ ฯ อกาเล ภนฺเต ยทิ โข ตํ
สสฺสํ กิมิโย น ขาเทยฺยุํ ตโต ตํ สสฺสุฏฺฐานสมยํ ปาปุเณยฺยาติ ฯ กึ ปน มหาราช

อาคนฺตุเกน อุปฆาเตน สสฺสํ วินสฺสติ นิรูปฆาตํ สสฺสํ สสฺสุทฺธรณสมยํ ปาปุณาตีติ ฯ
อาม ภนฺเตติ ฯ เอวเมว โข มหาราช โย โกจิ อกาเล มรติ โส อาคนฺตุเกน โรเคน
ปฏิปีฬิโต วาตสมุฏฺฐาเนน วา ฯ เป ฯ สตฺติเวคปฏิปีฬิโต วา มรติ ฯ อิทเมตฺถ
มหาราช การณํ เยน การเณน อกาลมรณํ อตฺถิ ฯ
สุตปุพฺพํ ปน ตยา มหาราช สมฺปนฺเน สสฺเส ผลธเร มญฺชริกํ ปตฺเต กรกวสฺสํ
นาม วสฺสชาตํ นิปติตฺวา ลิกฺขติ วินาเสติ อผลํ กโรตีติ ฯ สุตปุพฺพํ ภนฺเต อมฺเหหิ
เอตํ ทิฏฺฐปุพฺพญฺจาติ ฯ อปิ นุ โข ตํ มหาราช สสฺสํ กาเล นฏฺฐํ อุทาหุ อกาเล
นฏฺฐนฺติ ฯ อกาเล ภนฺเต ยทิ ตํ ภนฺเต สสฺสํ กรกวสฺสํ น ปวสฺเสยฺย ตโต ตํ
สสฺสํ สสฺสุฏฺฐานสมยํ ปาปุเณยฺยาติ ฯ กึ ปน มหาราช อาคนฺตุเกน อุปฆาเตน สสฺสํ
วินสฺสติ นิรูปฆาตํ สสฺสํ สสฺสุทฺธรณสมยํ ปาปุณาตีติ ฯ อาม ภนฺเตติ ฯ เอวเมว
โข มหาราช โย โกจิ อกาเล มรติ โส อาคนฺตุเกน โรเคน ปริปีฬิโต วาตสมุฏฺฐาเนน
วา ปิตฺตสมุฏฺฐาเนน เสมฺหสมุฏฺฐาเนน วา สนฺนิปาติเกน วา อุตุปริณามเชน วา
วิสมปริหารเชน วา โอปกฺกมิเกน วา ชิฆจฺฉาย วา ปิปาสาย วา สปฺปทฏฺเฐน วา
วิสมาสิเตน วา อคฺคินา วา อุทเกน วา สตฺติเวคปฏิปีฬิโต วา อกาเล มรติ ฯ
ยทิ ปน อาคนฺตุเกน โรเคน ปฏิปีฬิโต น ภเวยฺย สามเยน มรณํ ปาปุเณยฺย ฯ
อิทเมตฺถ มหาราช การณํ เยน การเณน อกาเล มรณํ อตฺถีติ
อจฺฉริยํ ภนฺเต นาคเสน อพฺภูตํ ภนฺเต นาคเสน สุทสฺสิตํ การณํ
สุทสฺสิตํ โอปมฺมํ อกาเล มรณสฺส ปริทีปนาย อตฺถิ อกาเล มรณนฺติ อุตฺตานีกตํ ปากฏํ
กตํ วิภูตกตํ ฯ อจิตฺตวิกฺขิตฺตโกปิ ภนฺเต นาคเสน มนุโข เอกเมเกน ว โอปมฺเมน
นิฏฺฐํ คจฺเฉยฺย อตฺถิ อกาเล มรณนฺติ กิมฺปน มนุโช สเจตโน ฯ ปฐมอุปเมนวาหํ
ภนฺเต สญฺญตฺโต อตฺถิ อกาเล มรณนฺติ อปิ จาหํ ภนฺเต อปราปรํ นิพฺพาหนํ โสตุกาโม
น สมฺปฏิจฺฉินฺติ ฯ

กาลากาลมรณปญฺโห ปฐโม ฯ


ภนฺเต นาคเสน สพฺเพสํ อรหนฺตานํ ปรินิพฺพุตานํ เจติเย จ จิตฺตกายํ ปาฏิเหรํ
โหติ อุทาหุ เอกจฺจานํ โหติ เอกจฺจานํ น โหตีติ ฯ เอกจฺจานํ มหาราช โหติ เอกจฺจานํ
น โหตีติ ฯ กตเมสํ ภนฺเต โหติ กตเมสํ น โหตีติ ฯ ติณฺณํ ปุคฺคลานํ มหาราช