ฉฏฺฐวคฺโค

ภนฺเต นาคเสน ยทา โพธิสตฺโต ทุกฺกรการิกํ อกาสิ น ตาทิโส อญฺญตฺร
อารมฺโภ อโหสิ นิกฺขโม กิเลสยุทฺธํ มจฺจุเสนาวิธํสนํ อาหารปริคฺคโห ทุกฺกรการิกา ฯ
เอวรูเป มหาปรกฺกเม กิญฺจิ อสฺสาทํ อลภิตฺวา ตเมว จิตฺตํ ปริวตฺตาเปตฺวา เอวํ อวจ
น โข ปนาหํ อิมาย กฏุกาย ทุกฺกรการิกาย อธิคจฺฉามิ อุตฺตริมนุสฺสธมฺมา อลมริย-
ญาณทสฺสนวิเสสํ ฯ สิยา นุ โข อญฺโญ มคฺโค โพธายาติ ฯ ตโต นิพินฺทิตฺวา อญฺเญน
มคฺเคน สพฺพญฺญุตํ ปตฺโต ปุน จ ตาย ปฏิปทาย สาวเก อนุสาสติ สมาทเปติ
อารพฺภถ นิกฺขมถ ยุญฺชถ พุทฺธสาสเน
ธุนาถ มจฺจุโน เสนํ นฬาคารํ ว กุญฺชโรติ ฯ
เกน โข ภนฺเต นาคเสน การเณน ตถาคโต ยาย ปฏิปทาย อตฺตนา
นิพฺพินฺนรูโป วิรตฺตรูโป ปฏิมานรูโป ตตฺถ สาวเก อนุสาสติ สมาปเปตีติ ฯ
ตทาปิ มหาราช เอตรหิปิ สาเยว ปฏิปทา ตํเยว ปฏิปทํ ปฏิปชฺชิตฺวา โพธิสตฺโต
สพฺพญฺญุตํ ปตฺโต ฯ อปิจ มหาราช โพธิสตฺโต อติวิริยํ กโรนิโต นิรวเสสโต อาหารํ
อุปจฺฉินฺทิ ตสฺส อาหารอุปจฺเฉเทน จิตฺตทุพฺพลตฺตํ อุปฺปชฺชิ โส เตน จิตฺตทุพฺพลตฺเตน
นาสกฺขิ สพฺพญฺญุตํ ปาปุณิตุํ โส มตฺตมตฺตํ กวลึการาหารํ เสวนฺโต ตาย ปฏิปทาย
น จิรสฺเสว สพฺพญฺญุตํ ปาปุณิ ฯ สาเยว มหาราช ปฏิปทา สพฺเพสํ ตถาคตานํ
สพฺพญฺญุตญาณํ ปฏิลภาย ฯ ยถา มหาราช สพฺเพสํ สตฺตานํ อาหาโร อุปตฺถมฺโภ
อาหารํ อุปนิสฺสิตา สพฺเพ สตฺตา สุขํ อนุภวนฺติ เอวเมว โข มหาราช สาเยว ปฏิปทา
สพฺเพสํ ตถาคตานํ สพฺพญฺญุตญาณํ ปฏิลาภาย ฯ เนโส มหาราช โทโส อารมฺภสฺส
น นิกฺขมสฺส น กิเลสยุทฺธสฺส เยน ตถาคโต ตสฺมึ ขเณ น ปาปุณิ สพฺพญฺญุตญาณํ
อถ โข อาหารุปจฺเฉทสฺเสว โทโส สทา ปฏิยตฺตา สา ปฏิปทา ฯ ยถา มหาราช
ปุริโส อติเวเคน อทฺธานํ คจฺเฉยฺย เตน โส ปกฺขหโต วา ภเวยฺย ปีฐสปฺปิ วา อสญฺจโร
ปฐวีตเล อปิ นุ โข มหาราช ปฐวิยา โทโส อตฺถิ เยน น สญฺจรตีติ ฯ น หิ

ภนฺเต สตตํ ปฏิยตฺตา ภนฺเต มหาปฐวี กุโต ตสฺส โทโส วายามสฺสเสเวโส โทโส
เยน โส ปุริโส ปกฺขหโต อโหสีติ ฯ เอวเมว โข มหาราช เนโส โทโส อารมฺภสฺส
น นิกฺขมสฺส น กิเลสยุทฺธสฺส เยน ภควา ตสฺมึ ขเณ น ปาปุณิ สพฺพญฺญุต-
ญาณํ น อถ โข อาหารุปจฺเฉทสฺเสว โทโส สทา ปฏิยตฺตา สา ปฏิปทา ฯ ยถา
วา ปน มหาราช ปุริโส กิลิฏฺฐสาฏกํ นิวาเสยฺย ฯ น โส ตํ อุทเก โธเวยฺย เนโส
มหาราช โทโส อุทกสฺส สทา ปฏิยตฺตํ อุทกํ ปุริสฺสเสเวโส โทโส เอวเมว โข มหาราช
เนโส โทโส อารมฺภสฺส น นิกฺขมสฺส น กิเลสยุทฺธสฺส เยน ตถาคโต ตสฺมึ สมเย
น ปาปุณิ สพฺพญฺญุตญาณํ อถ โข อาหารุปจฺเฉทสฺเสว โทโส สทา ปฏิยตฺตา สา
ปฏิปทา ฯ ตสฺมา ตถาคโต ตสเยว ปฏิปทาย สาวเก อนุสาสติ สมาทเปติ ฯ เอวํ
โข มหาราช ปฏิยตฺตา อนวชฺชา สา ปฏิปทาติ ฯ สาธุ ภนฺเต นาคเสน เอวเมตํ
ตถา สมฺปฏิจฺฉามีติ ฯ

ปฏิปทาโทสปญฺโห ปฐโม ฯ

ภนฺเต นาคเสน ภาสิตํปิ เหตํ ภควตา นิปฺปปญฺจารามา ภิกฺขเว วิหรถ
นิปฺปปญฺจารติโนติ ฯ กตมนฺตํ นิปฺปปญฺจนฺติ ฯ โสตาปตฺติผลํ มหาราช นิปฺปปญฺจํ
สกทาคามิผลํ อนาคามิผลํ อรหตฺตผลํ นิปฺปปญฺจนฺติ ฯ ยทิ ภนฺเต นาคเสน โสตาปตฺติผลํ
นิปฺปปญฺจํ ฯ ป ฯ อรหตฺตผลํ นิปฺปปญฺจํ กิสฺส ปน อิเม ภิกฺขุ อุทฺทิสนฺติ ปริปุจฉนฺติ
สุตฺตํ เคยฺยํ เวยฺยากรณํ คาถํ อุทานํ อิติวุตฺตกํ ชาตกํ อพฺภูตธมฺมํ เวทลฺลํ นวกมฺเมน
ปลิพุชฺฌนฺติ ทาเนน จ ปูชาย นนุ เต ชินปฏิกฺขิตฺตํ กมฺมํ กโรนฺตีติ ฯ เย เต
มหาราช ภิกฺขู อุทฺทิสนฺติ ปริปุจฺฉนฺติ สุตฺตํ เคยฺยํ ฯ เป ฯ เวทลฺลํ นวกมฺเมน ปลิพุชฺฌนฺติ
ทาเนน จ ปูชาย สพฺเพ เต นิปฺปปญฺจสฺส ปตฺติยา กโรนฺติ ฯ เย เต มหาราช
สภาวปริสุทฺธา ปุพฺเพ วาสิตวาสนา เต เอกจิตฺตกฺขเณน นิปฺปปญฺจา โหนฺติ ฯ เย
ปน เต มหาราช ภิกฺขู เสกฺขา เต อิเมหิ ปโยเคหิ นิปฺปปญฺจา โหนฺติ ฯ อุปมายปิ
โส อตฺโถ ปจฺเจตพฺโพ ฯ ยถา มหาราช เอโก กสโก ปุริโส เขนฺเต วีชํ โรเปตฺวา
อตฺตโน พเลน วิริเยน วินา ปาการวติยา ธญฺญผลํ อุทฺธเรยฺย ฯ เอโกปิ ปุริโส เขตฺเต
วีชํ โรเปตฺวา ปวนํ ปวิสิตฺวา รุกฺขสาขญฺจ ปตฺตญฺจ กณฺฑกญฺจ ฉินฺทิตฺวา วติปาการํ
กตฺวา ธญฺญวีชผลํ อุทฺธเรยฺย ยา ตตฺถ ตสฺส วติปาการปริเยสนา สา ธญฺญตฺถาย
เอวเมว โข มหาราช เย เต สภาวปริสุทฺธา ปุพฺเพ วาสิตวาสนา เต เอกจิตฺตกฺขเณน