(ข) ยสฺส วา ปน ยตฺถ มนินฺทฺริยํ น อุปฺปชฺชิสฺสติ ตสฺส ตตฺถ ปญฺญินฺทฺริยํ น อุปฺปชฺชิตฺถาติ?
ปจฺฉิมจิตฺตสมงฺคีนํ เตสํ ตตฺถ มนินฺทฺริยํ น อุปฺปชฺชิสฺสติ, โน จ เตสํ ตตฺถ ปญฺญินฺทฺริยํ น อุปฺปชฺชิตฺถฯ อสญฺญสตฺตานํ เตสํ ตตฺถ มนินฺทฺริยญฺจ น อุปฺปชฺชิสฺสติ ปญฺญินฺทฺริยญฺจ น อุปฺปชฺชิตฺถฯ (ปญฺญินฺทฺริยมูลกํ)…เป.…ฯ
ปวตฺติวาโร นิฏฺฐิโตฯ
3. ปริญฺญาวาโร
1. ปจฺจุปฺปนฺนวาโร
(ก) อนุโลมํ
[435] (ก) โย จกฺขุนฺทฺริยํ ปริชานาติ โส โสตินฺทฺริยํ ปริชานาตีติ? อามนฺตาฯ
(ข) โย วา ปน โสตินฺทฺริยํ ปริชานาติ โส จกฺขุนฺทฺริยํ ปริชานาตีติ? อามนฺตาฯ
(ก) โย จกฺขุนฺทฺริยํ ปริชานาติ โส โทมนสฺสินฺทฺริยํ ปชหตีติ? โนฯ
(ข) โย วา ปน โทมนสฺสินฺทฺริยํ ปชหติ โส จกฺขุนฺทฺริยํ ปริชานาตีติ? โนฯ
(ก) โย จกฺขุนฺทฺริยํ ปริชานาติ โส อนญฺญาตญฺญสฺสามีตินฺทฺริยํ ภาเวตีติ? โนฯ
(ข) โย วา ปน อนญฺญาตญฺญสฺสามีตินฺทฺริยํ ภาเวติ โส จกฺขุนฺทฺริยํ ปริชานาตีติ? โนฯ
(ก) โย จกฺขุนฺทฺริยํ ปริชานาติ โส อญฺญินฺทฺริยํ ภาเวตีติ? อามนฺตาฯ
(ข) โย วา ปน อญฺญินฺทฺริยํ ภาเวติ โส จกฺขุนฺทฺริยํ ปริชานาตีติ?
ทฺเว ปุคฺคลา อญฺญินฺทฺริยํ ภาเวนฺติ, โน จ จกฺขุนฺทฺริยํ ปริชานนฺติฯ อคฺคมคฺคสมงฺคี อญฺญินฺทฺริยญฺจ ภาเวติ จกฺขุนฺทฺริยญฺจ ปริชานาติฯ
(ก) โย จกฺขุนฺทฺริยํ ปริชานาติ โส อญฺญาตาวินฺทฺริยํ สจฺฉิกโรตีติ? โนฯ
(ข) โย วา ปน อญฺญาตาวินฺทฺริยํ สจฺฉิกโรติ โส จกฺขุนฺทฺริยํ ปริชานาตีติ? โนฯ (จกฺขุนฺทฺริยมูลกํ)
[436] (ก) โย โทมนสฺสินฺทฺริยํ ปชหติ โส อนญฺญาตญฺญสฺสามีตินฺทฺริยํ ภาเวตีติ? โนฯ
(ข) โย วา ปน อนญฺญาตญฺญสฺสามีตินฺทฺริยํ ภาเวติ โส โทมนสฺสินฺทฺริยํ ปชหตีติ? โนฯ
(ก) โย โทมนสฺสินฺทฺริยํ ปชหติ โส อญฺญินฺทฺริยํ ภาเวตีติ? อามนฺตา ฯ
(ข) โย วา ปน อญฺญินฺทฺริยํ ภาเวติ โส โทมนสฺสินฺทฺริยํ ปชหตีติ?
ทฺเว ปุคฺคลา อญฺญินฺทฺริยํ ภาเวนฺติ, โน จ โทมนสฺสินฺทฺริยํ ปชหนฺติฯ อนาคามิมคฺคสมงฺคี อญฺญินฺทฺริยญฺจ ภาเวติ โทมนสฺสินฺทฺริยญฺจ ปชหติฯ
(ก) โย โทมนสฺสินฺทฺริยํ ปชหติ โส อญฺญาตาวินฺทฺริยํ สจฺฉิกโรตีติ? โนฯ
(ข) โย วา ปน อญฺญาตาวินฺทฺริยํ สจฺฉิกโรติ โส โทมนสฺสินฺทฺริยํ ปชหตีติ? โนฯ (โทมนสฺสินฺทฺริยมูลกํ)
[437] (ก) โย อนญฺญาตญฺญสฺสามีตินฺทฺริยํ ภาเวติ โส อญฺญินฺทฺริยํ ภาเวตีติ? โนฯ
(ข) โย วา ปน อญฺญินฺทฺริยํ ภาเวติ โส อนญฺญาตญฺญสฺสามีตินฺทฺริยํ ภาเวตีติ? โนฯ
(ก) โย อนญฺญาตญฺญสฺสามีตินฺทฺริยํ ภาเวติ โส อญฺญาตาวินฺทฺริยํ สจฺฉิกโรตีติ? โนฯ
(ข) โย วา ปน อญฺญาตาวินฺทฺริยํ สจฺฉิกโรติ โส อนญฺญาตญฺญสฺสามีตินฺทฺริยํ ภาเวตีติ? โนฯ (อนญฺญาตญฺญสฺสามีตินฺทฺริยมูลกํ)
[438] (ก) โย อญฺญินฺทฺริยํ ภาเวติ โส อญฺญาตาวินฺทฺริยํ สจฺฉิกโรตีติ? โนฯ
(ข) โย วา ปน อญฺญาตาวินฺทฺริยํ สจฺฉิกโรติ โส อญฺญินฺทฺริยํ ภาเวตีติ? โนฯ (อญฺญินฺทฺริยมูลกํ)
(ข) ปจฺจนีกํ
[439] (ก) โย จกฺขุนฺทฺริยํ น ปริชานาติ โส โทมนสฺสินฺทฺริยํ นปฺปชหตีติ?
อนาคามิมคฺคสมงฺคี จกฺขุนฺทฺริยํ น ปริชานาติ, โน จ โทมนสฺสินฺทฺริยํ นปฺปชหติฯ ทฺเว มคฺคสมงฺคิโน ฐเปตฺวา อวเสสา ปุคฺคลา จกฺขุนฺทฺริยญฺจ น ปริชานนฺติ โทมนสฺสินฺทฺริยญฺจ นปฺปชหนฺติฯ
(ข) โย วา ปน โทมนสฺสินฺทฺริยํ นปฺปชหติ โส จกฺขุนฺทฺริยํ น ปริชานาตีติ?
อคฺคมคฺคสมงฺคี โทมนสฺสินฺทฺริยํ นปฺปชหติ, โน จ จกฺขุนฺทฺริยํ น ปริชานาติฯ ทฺเว มคฺคสมงฺคิโน ฐเปตฺวา อวเสสา ปุคฺคลา โทมนสฺสินฺทฺริยญฺจ นปฺปชหนฺติ จกฺขุนฺทฺริยญฺจ น ปริชานนฺติฯ
