เมนู

(ก) น ปญฺญา น อินฺทฺริยนฺติ?

ปญฺญํ ฐเปตฺวา อวเสสา อินฺทฺริยา น ปญฺญา, อินฺทฺริยาฯ ปญฺญญฺจ อินฺทฺริเย จ ฐเปตฺวา อวเสสา น เจว ปญฺญา น จ อินฺทฺริยาฯ

(ข) น อินฺทฺริยา น ปญฺญินฺทฺริยนฺติ? อามนฺตาฯ

(ก) น อนญฺญาตญฺญสฺสามีติ น อินฺทฺริยนฺติ?

อนญฺญาตญฺญสฺสามีติํ ฐเปตฺวา อวเสสา อินฺทฺริยา น อนญฺญาตญฺญสฺสามีติ, อินฺทฺริยาฯ อนญฺญาตญฺญสฺสามีติญฺจ อินฺทฺริเย จ ฐเปตฺวา อวเสสา น เจว อนญฺญาตญฺญสฺสามีติ น จ อินฺทฺริยาฯ

(ข) น อินฺทฺริยา น อนญฺญาตญฺญสฺสามีตินฺทฺริยนฺติ? อามนฺตาฯ

(ก) น อญฺญํ น อินฺทฺริยนฺติ?

อญฺญํ ฐเปตฺวา อวเสสา อินฺทฺริยา น อญฺญํ, อินฺทฺริยาฯ อญฺญญฺจ อินฺทฺริเย จ ฐเปตฺวา อวเสสา น เจว อญฺญํ น จ อินฺทฺริยาฯ

(ข) น อินฺทฺริยา น อญฺญินฺทฺริยนฺติ? อามนฺตาฯ

(ก) น อญฺญาตาวี น อินฺทฺริยนฺติ?

อญฺญาตาวิํ ฐเปตฺวา อวเสสา อินฺทฺริยา น อญฺญาตาวี, อินฺทฺริยาฯ อญฺญาตาวิญฺจ อินฺทฺริเย จ ฐเปตฺวา อวเสสา น เจว อญฺญาตาวี น จ อินฺทฺริยาฯ

(ข) น อินฺทฺริยา น อญฺญาตาวินฺทฺริยนฺติ? อามนฺตาฯ

4. สุทฺธินฺทฺริยมูลจกฺกวาโร

(ก) อนุโลมํ

[142] (ก) จกฺขุ อินฺทฺริยนฺติ? อามนฺตาฯ

(ข) อินฺทฺริยา โสตินฺทฺริยนฺติ?

โสตินฺทฺริยํ อินฺทฺริยญฺเจว โสตินฺทฺริยญฺจฯ อวเสสา อินฺทฺริยา น โสตินฺทฺริยํฯ

(ก) จกฺขุ อินฺทฺริยนฺติ? อามนฺตาฯ

(ข) อินฺทฺริยา ฆานินฺทฺริยนฺติ?

ฆานินฺทฺริยํ อินฺทฺริยญฺเจว ฆานินฺทฺริยญฺจฯ อวเสสา อินฺทฺริยา น ฆานินฺทฺริยํฯ

(ก) จกฺขุ อินฺทฺริยนฺติ? อามนฺตาฯ

(ข) อินฺทฺริยา ชิวฺหินฺทฺริยนฺติ?

ชิวฺหินฺทฺริยํ อินฺทฺริยญฺเจว ชิวฺหินฺทฺริยญฺจฯ อวเสสา อินฺทฺริยา น ชิวฺหินฺทฺริยํฯ

(ก) จกฺขุ อินฺทฺริยนฺติ? อามนฺตาฯ

(ข) อินฺทฺริยา กายินฺทฺริยนฺติ?

กายินฺทฺริยํ อินฺทฺริยญฺเจว กายินฺทฺริยญฺจฯ อวเสสา อินฺทฺริยา น กายินฺทฺริยํฯ

(ก) จกฺขุ อินฺทฺริยนฺติ? อามนฺตาฯ

(ข) อินฺทฺริยา มนินฺทฺริยนฺติ?

มนินฺทฺริยํ อินฺทฺริยญฺเจว มนินฺทฺริยญฺจฯ อวเสสา อินฺทฺริยา น มนินฺทฺริยํฯ

(ก) จกฺขุ อินฺทฺริยนฺติ? อามนฺตาฯ

(ข) อินฺทฺริยา อิตฺถินฺทฺริยนฺติ?

อิตฺถินฺทฺริยํ อินฺทฺริยญฺเจว อิตฺถินฺทฺริยญฺจฯ อวเสสา อินฺทฺริยา น อิตฺถินฺทฺริยํฯ