เมนู

8. สํสฏฺฐวาโร

[351] สมฺมุขาวินโยติ วา สติวินโยติ วา – อิเม ธมฺมา สํสฏฺฐา อุทาหุ วิสํสฏฺฐา? ลพฺภา จ ปนิเมสํ ธมฺมานํ วินิพฺภุชิตฺวา วินิพฺภุชิตฺวา นานากรณํ ปญฺญาเปตุํ? สมฺมุขาวินโยติ วา อมูฬฺหวินโยติ วา…เป.… สมฺมุขาวินโยติ วา ปฏิญฺญาตกรณนฺติ วา… สมฺมุขาวินโยติ วา เยภุยฺยสิกาติ วา… สมฺมุขาวินโยติ วา ตสฺสปาปิยสิกาติ วา… สมฺมุขาวินโยติ วา ติณวตฺถารโกติ – อิเม ธมฺมา สํสฏฺฐา อุทาหุ วิสํสฏฺฐา ? ลพฺภา จ ปนิเมสํ ธมฺมานํ วินิพฺภุชิตฺวา วินิพฺภุชิตฺวา นานากรณํ ปญฺญาเปตุํ?

สมฺมุขาวินโยติ วา สติวินโยติ วา – อิเม ธมฺมา สํสฏฺฐา, โน วิสํสฏฺฐา; น จ ลพฺภา อิเมสํ ธมฺมานํ วินิพฺภุชิตฺวา วินิพฺภุชิตฺวา นานากรณํ ปญฺญาเปตุํฯ สมฺมุขาวินโยติ วา อมูฬฺหวินโยติ วา…เป.… สมฺมุขาวินโยติ วา ปฏิญฺญาตกรณนฺติ วา… สมฺมุขาวินโยติ วา เยภุยฺยสิกาติ วา… สมฺมุขาวินโยติ วา ตสฺสปาปิยสิกาติ วา… สมฺมุขาวินโยติ วา ติณวตฺถารโกติ วา – อิเม ธมฺมา สํสฏฺฐา, โน วิสํสฏฺฐา; น จ ลพฺภา อิเมสํ ธมฺมานํ วินิพฺภุชิตฺวา วินิพฺภุชิตฺวา นานากรณํ ปญฺญาเปตุํฯ

9. สตฺตสมถนิทานํ

[352] สมฺมุขาวินโย กิํนิทาโน, กิํสมุทโย, กิํชาติโก, กิํปภโว, กิํสมฺภาโร กิํสมุฏฺฐาโน? สติวินโย กิํนิทาโน, กิํสมุทโย, กิํชาติโก, กิํปภโว, กิํสมฺภาโร, กิํสมุฏฺฐาโน? อมูฬฺหวินโย กิํนิทาโน, กิํสมุทโย, กิํชาติโก, กิํปภโว, กิํสมฺภาโร, กิํสมุฏฺฐาโน? ปฏิญฺญาตกรณํ กิํนิทานํ, กิํสมุทยํ, กิํชาติกํ, กิํปภวํ, กิํสมฺภารํ, กิํสมุฏฺฐานํ? เยภุยฺยสิกา กิํนิทานา, กิํสมุทยา, กิํชาติกา, กิํปภวา, กิํสมฺภารา, กิํสมุฏฺฐานา? ตสฺสปาปิยสิกา กิํนิทานา, กิํสมุทยา, กิํชาติกา, กิํปภวา, กิํสมฺภารา, กิํสมุฏฺฐานา ติณวตฺถารโก กิํนิทาโน, กิํสมุทโย, กิํชาติโก, กิํปภโว, กิํสมฺภาโร, กิํสมุฏฺฐาโน?

สมฺมุขาวินโย นิทานนิทาโน, นิทานสมุทโย, นิทานชาติโก, นิทานปภโว, นิทานสมฺภาโร, นิทานสมุฏฺฐาโนฯ สติวินโย…เป.… อมูฬฺหวินโย…เป.… ปฏิญฺญาตกรณํ นิทานนิทานํ, นิทานสมุทยํ, นิทานชาติกํ, นิทานปภวํ, นิทานสมฺภารํ, นิทานสมุฏฺฐานํฯ

เยภุยฺยสิกา…เป.… ตสฺสปาปิยสิกา นิทานนิทานา, นิทานสมุทยา, นิทานชาติกา, นิทานปภวา, นิทานสมฺภารา , นิทานสมุฏฺฐานาฯ ติณวตฺถารโก นิทานนิทาโน, นิทานสมุทโย, นิทานชาติโก, นิทานปภโว, นิทานสมฺภาโร, นิทานสมุฏฺฐาโนฯ

สมฺมุขาวินโย กิํนิทาโน, กิํสมุทโย, กิํชาติโก, กิํปภโว, กิํสมฺภาโร, กิํสมุฏฺฐาโน ? สติวินโย…เป.… อมูฬฺหวินโย…เป.… ปฏิญฺญาตกรณํ…เป.… เยภุยฺยสิกา…เป.… ตสฺสปาปิยสิกา…เป.… ติณวตฺถารโก กิํนิทาโน, กิํสมุทโย, กิํชาติโก, กิํปภโว, กิํสมฺภาโร, กิํสมุฏฺฐาโน?

สมฺมุขาวินโย เหตุนิทาโน, เหตุสมุทโย, เหตุชาติโก, เหตุปภโว, เหตุสมฺภาโร, เหตุสมุฏฺฐาโน ฯ สติวินโย…เป.… อมูฬฺหวินโย…เป.… ปฏิญฺญาตกรณํ เหตุนิทานํ, เหตุสมุทยํ, เหตุชาติกํ, เหตุปภวํ, เหตุสมฺภารํ, เหตุสมุฏฺฐานํฯ เยภุยฺยสิกา…เป.… ตสฺสปาปิยสิกา เหตุนิทานา, เหตุสมุทยา, เหตุชาติกา, เหตุปภวา, เหตุสมฺภารา, เหตุสมุฏฺฐานาฯ ติณวตฺถารโก เหตุนิทาโน, เหตุสมุทโย, เหตุชาติโก, เหตุปภโว, เหตุสมฺภาโร, เหตุสมุฏฺฐาโนฯ

สมฺมุขาวินโย กิํนิทาโน, กิํสมุทโย, กิํชาติโก, กิํปภโว, กิํสมฺภาโร, กิํสมุฏฺฐาโน? สติวินโย…เป.… อมูฬฺหวินโย…เป.… ปฏิญฺญาตกรณํ…เป.… เยภุยฺยสิกา…เป.… ตสฺสปาปิยสิกา…เป.… ติณวตฺถารโก กิํนิทาโน, กิํสมุทโย, กิํชาติโก, กิํปภโว, กิํสมฺภาโร, กิํสมุฏฺฐาโน? สมฺมุขาวินโย ปจฺจยนิทาโน, ปจฺจยสมุทโย, ปจฺจยชาติโก, ปจฺจยปภโว, ปจฺจยสมฺภาโร, ปจฺจยสมุฏฺฐาโนฯ สติวินโย…เป.… อมูฬฺหวินโย…เป.… ปฏิญฺญาตกรณํ ปจฺจยนิทานํ, ปจฺจยสมุทยํ, ปจฺจยชาติกํ, ปจฺจยปภวํ, ปจฺจยสมฺภารํ, ปจฺจยสมุฏฺฐานํฯ เยภุยฺยสิกา…เป.… ตสฺสปาปิยสิกา ปจฺจยนิทานา, ปจฺจยสมุทยา, ปจฺจยชาติกา, ปจฺจยปภวา, ปจฺจยสมฺภารา, ปจฺจยสมุฏฺฐานาฯ ติณวตฺถารโก ปจฺจยนิทาโน, ปจฺจยสมุทโย, ปจฺจยชาติโก, ปจฺจยปภโว, ปจฺจยสมฺภาโร, ปจฺจยสมุฏฺฐาโนฯ

[353] สตฺตนฺนํ สมถานํ กติ มูลานิ, กติ สมุฏฺฐานา? สตฺตนฺนํ สมถานํ ฉพฺพีส มูลานิ, ฉตฺติํส สมุฏฺฐานาฯ

สตฺตนฺนํ สมถานํ กตมานิ ฉพฺพี มูลานิ? สมฺมุขาวินยสฺส จตฺตาริ มูลานิฯ สงฺฆสมฺมุขตา, ธมฺมสมฺมุขตา, วินยสมฺมุขตา, ปุคฺคลสมฺมุขตา; สติวินยสฺส จตฺตาริ มูลานิ; อมูฬฺหวินยสฺส จตฺตาริ มูลานิ; ปฏิญฺญาตกรณสฺส ทฺเว มูลานิ – โย จ เทเสติ ยสฺส จ เทเสติ; เยภุยฺยสิกาย จตฺตาริ มูลานิ; ตสฺสปาปิยสิกาย จตฺตาริ มูลานิ; ติณวตฺถารกสฺส จตฺตาริ มูลานิ – สงฺฆสมฺมุขตา, ธมฺมสมฺมุขตา, วินยสมฺมุขตา, ปุคฺคลสมฺมุขตา – สตฺตนฺนํ สมถานํ อิมานิ ฉพฺพีส มูลานิฯ

สตฺตนฺนํ สมถานํ กตเม ฉตฺติํส สมุฏฺฐานา? สติวินยสฺส กมฺมสฺส กิริยา, กรณํ, อุปคมนํ, อชฺฌุปคมนํ, อธิวาสนา, อปฺปฏิกฺโกสนาฯ อมูฬฺหวินยสฺส กมฺมสฺส…เป.… ปฏิญฺญาตกรณสฺส กมฺมสฺส… เยภุยฺยสิกาย กมฺมสฺส… ตสฺสปาปิยสิกาย กมฺมสฺส… ติณวตฺถารกสฺส กมฺมสฺส กิริยา, กรณํ, อุปคมนํ, อชฺฌุปคมนํ, อธิวาสนา, อปฺปฏิกฺโกสนา – สตฺตนฺนํ สมถานํ อิเม ฉตฺติํส สมุฏฺฐานาฯ

10. สตฺตสมถนานตฺถาทิ

[354] สมฺมุขาวินโยติ วา สติวินโยติ วา – อิเม ธมฺมา นานตฺถา นานาพฺยญฺชนา อุทาหุ เอกตฺถา พฺยญฺชนเมว นานํ? สมฺมุขาวินโยติ วา อมูฬฺหวินโยติ วา…เป.… สมฺมุขาวินโยติ วา ปฏิญฺญาตกรณนฺติ วา… สมฺมุขาวินโยติ วา เยภุยฺยสิกาติ วา… สมฺมุขาวินโยติ วา ตสฺสปาปิยสิกาติ วา… สมฺมุขาวินโยติ วา ติณวตฺถารโกติ วา – อิเม ธมฺมา นานตฺถา นานาพฺยญฺชนา อุทาหุ เอกตฺถา พฺยญฺชนเมว นานํ? สมฺมุขาวินโยติ วา สติวินโยติ วา – อิเม ธมฺมา นานตฺถา เจว นานาพฺยญฺชนา จฯ สมฺมุขาวินโยติ วา อมูฬฺหวินโยติ วา…เป.… สมฺมุขาวินโยติ วา ปฏิญฺญาตกรณนฺติ วา… สมฺมุขาวินโยติ วา เยภุยฺยสิกาติ วา… สมฺมุขาวินโยติ วา ตสฺสปาปิยสิกาติ วา… สมฺมุขาวินโยติ วา ติณวตฺถารโกติ วา – อิเม ธมฺมา นานตฺถา เจว นานา พฺยญฺชนา จฯ

[355] [จูฬว. 224] วิวาโท วิวาทาธิกรณํ, วิวาโท โน อธิกรณํ, อธิกรณํ โน วิวาโท, อธิกรณญฺเจว วิวาโท จ? สิยา วิวาโท วิวาทาธิกรณํ, สิยา วิวาโท โน อธิกรณํ, สิยา อธิกรณํ โน วิวาโท, สิยา อธิกรณญฺเจว วิวาโท จฯ