5. เวทิการกตฺเถรอปทานํ
[19]
‘‘วิปสฺสิโน ภควโต, โพธิยา ปาทปุตฺตเม;
ปสนฺนจิตฺโต สุมโน, กาเรสิํ เวทิกํ อหํฯ
[20]
‘‘เอกนวุติโต กปฺเป, กาเรสิํ เวทิกํ อหํ;
ทุคฺคติํ นาภิชานามิ, เวทิกาย อิทํ ผลํฯ
[21]
‘‘อิโต เอกาทเส กปฺเป, อโหสิํ สูริยสฺสโม;
สตฺตรตฺตนสมฺปนฺโน, จกฺกวตฺตี มหพฺพโลฯ
[22]
‘‘ปฏิสมฺภิทา จตสฺโส…เป.… กตํ พุทฺธสฺส สาสนํ’’ฯ
อิตฺถํ สุทํ อายสฺมา เวทิการโก เถโร อิมา คาถาโย อภาสิตฺถาติฯ
เวทิการกตฺเถรสฺสาปทานํ ปญฺจมํฯ
6. วณฺณการตฺเถรอปทานํ
[23]
‘‘นคเร อรุณวติยา, วณฺณกาโร อหํ ตทา;
เจติเย ทุสฺสภณฺฑานิ, นานาวณฺณํ รเชสหํ [รชิํ อหํ (ก.), รเชมหํ (สฺยา.)]ฯ
[24]
‘‘เอกตฺติํเส อิโต กปฺเป, ยํ วณฺณํ รชยิํ ตทา;
ทุคฺคติํ นาภิชานามิ, วณฺณทานสฺสิทํ ผลํฯ
[25]
‘‘อิโต เตวีสติกปฺเป, วณฺณสม [จนฺทุปม (สี.), จนฺทสม (สฺยา.)] สนามโก;
สตฺตรตนสมฺปนฺโน, จกฺกวตฺตี มหพฺพโลฯ
[26]
‘‘ปฏิสมฺภิทา จตสฺโส…เป.… กตํ พุทฺธสฺส สาสนํ’’ฯ
อิตฺถํ สุทํ อายสฺมา วณฺณกาโร เถโร อิมา คาถาโย อภาสิตฺถาติฯ
วณฺณการตฺเถรสฺสาปทานํ ฉฏฺฐํฯ