10. สงฺฆุปฏฺฐากตฺเถรอปทานํ
[45]
‘‘เวสฺสภุมฺหิ ภควติ, อโหสารามิโก อหํ;
ปสนฺนจิตฺโต สุมโน, อุปฏฺฐิํ สงฺฆมุตฺตมํฯ
[46]
‘‘เอกตฺติํเส อิโต กปฺเป, ยํ กมฺมมกริํ ตทา;
ทุคฺคติํ นาภิชานามิ, อุปฏฺฐานสฺสิทํ ผลํฯ
[47]
‘‘อิโต เต สตฺตเม กปฺเป, สตฺเตวาสุํ สโมทกา;
สตฺตรตนสมฺปนฺนา, จกฺกวตฺตี มหพฺพลาฯ
[48]
‘‘ปฏิสมฺภิทา จตสฺโส…เป.… กตํ พุทฺธสฺส สาสนํ’’ฯ
อิตฺถํ สุทํ อายสฺมา สงฺฆุปฏฺฐาโก เถโร อิมา คาถาโย อภาสิตฺถาติฯ
สงฺฆุปฏฺฐากตฺเถรสฺสาปทานํ ทสมํฯ
กุมุทวคฺโค อฏฺฐารสโมฯ
ตสฺสุทฺทานํ –
กุมุโท อถ นิสฺเสณี, รตฺติโก อุทปานโท;
สีหาสนี มคฺคทโท, เอกทีปี มณิปฺปโท;
ติกิจฺฉโก อุปฏฺฐาโก, เอกปญฺญาส คาถกาติฯ
19. กุฏชปุปฺผิยวคฺโค