กจฺจายน ธาตุ มญฺชูสา

ฯ นโม ตสฺส ภควโต อรหโต สมฺมาสมฺพุทฺธสฺสฯ

นิรุตฺติ นิกรา’ปาร-ปารวาร’นฺตคํ มุนิํ,

วนฺทิตฺวา ธาตุมญฺชูสํ-พฺรูมิ ปาวจนญฺชสํฯ

โสคตาคม มา’คมฺม-ตํ ตํวฺยากรณานิ จ,

ปาเฐ จา’ปฐิตาเป’ตฺถ ธาตฺวตฺถา จ ปวุจฺจเรฯ

ฉนฺท’หานิตฺถโม’การํ-ธาตฺวนฺตานํ สิยากฺว จิ, ยูนํ ทีโฆ จ ธาตุมฺหา-ปุพฺพม’ตฺถปทํ อปิฯ

[1]

ภู สตฺตายํ ปจ ปาเก คมุสปฺป คติมฺหิ (จ);

สิโลก (ธาตุ) สงฺฆาเต สกิ สงฺกาย (วตฺตเต;)ฯ

[2]

(อโถ) กุก-วกา’ทาเน เก สทฺเท อกิ ลกฺขเณ;

กุ สทฺเท กุจฺฉิเต ฏงฺก ธารเณ มกิ มณฺฑเนฯ

[3]

วกิ โกฏิลฺลยาตฺราสุ สกฺก-ฏีกทฺวยํ คเต;

กกิ โลลตฺตเน ยาเต ตกี (อิธ) คตาทิสุฯ

[4] วว, โลกนวิตฺติสุ จกฺขวุติมฺหิ (ตุ) รุกฺข (จ) เข ถิรหิํสขเณ นิย, โม’ปนยิฏฺฐิ วตาทิส มุณฺฑิสุ ทิกฺข (’ถ) กกฺข-กขา หสเน ตุร, หิํสนวุทฺธิคตีสุ (หิ) ทกฺข’ทนมฺหิ (ตุ) ชกฺข (จ) ภกฺข (มตา) อน, ชาลทุเขสุ (ตุ) ทิกฺข (จ) ทุกฺข (จ) อิกฺข ทิส’งฺก น โก’ข สุเสฯ

[5] [อ] นิกฺข จุมฺพเน’(ปิ) สิกฺข วิชฺชุ’ปาทุ’ ปาสานมฺหิ รกฺข คุตฺติวารเณ (ปิ) อุญฺฉเน (สิยา’ปิ) ภิกฺข ยาวลทฺธฺย’ลทฺธิสู (ปิ) วกฺข โรสสํหเตสุ โมกฺข มุตฺติยํ จเช (ปิ) จิกฺข วาจโพธเนสุฯ

[พ] นข มข รข นงฺขามงฺขรกฺขี’ขีลงฺขา ลข วข อิข อิงฺขา อุงฺข วงฺขู’ข คตฺยํ วขิ มขิ กขิ กงฺเข ขี ขเย อุกฺข เสเก ขุ ขุตธนิสุ (วุตฺโต) เข(’ถ) ขาเท สุเป (จฯ)

[6]

อคฺโค (ตุ) คติโกฏิลฺเล ลค สงฺเค มเค’สเน;

อคี อิคี ริคี ลิคี วคี คตฺย’ตฺถธาตโวฯ

[7]

สิลาฆ กตฺถเน ชคฺฆ หสเน อคฺฆ อคฺฆเน;

สิฆี อาฆายเน (โหติ) ลฆิ โสสคตีสุ (จ;)ฯ

[8]

วจ พฺยตฺตวเจ ยาจ ยาจเน รุจ ทิตฺติยํ;

สุจ โสเก กุจ สทฺเท (อโถ) วิจ วิเวจเนฯ

[9]

อญฺจ ปูชาคเต วญฺจ คมเน กิญฺจา’วมทฺทเน;

ลุญฺจา’ปนยเน นจฺจ นจฺจเน มจ โรจเนฯ

[10]

อจฺจา’จฺจเน จุ วจเน สโจ (ตุ) สมวายเน;

ปจ ยาเต กจิ-วจฺจ ทิตฺติยํ มจิ ธารเณฯ

[11]

ปุจฺฉ สมฺปุจฺฉเน มุจฺฉ โมหสฺมิํ ลญฺฉ ลกฺขเณ;

อญฺฉา’ยาเม (ภเว) ปุญฺฉ ปุญฺฉเน อุญฺฉ อุญฺฉเนฯ

[12]

ตจฺโฉ ตนุกิรเย ปิญฺฉ ปิญฺฉเน ราช ทิตฺติยํ;

วชา’ชคมเน รญฺช ราเค ภญฺชา’วมทฺทเนฯ

[13]

อญฺชุ พฺยตฺติคตีกนฺติ มกฺขเณสฺเว’ช กมฺปเน;

ภช สํเสวเน สญฺช สงฺเค (ตุ) อิญฺช กมฺปเนฯ

[14]

ยช เทวจฺจเน ทานสงฺคตีกรเณสุ (จ);

ติชกฺขมนิสาเนสุ ทาเน(’ปิ) จช หานิยํฯ

[15]

สชา’ลิงฺคน วิสฺสชฺช นิมฺมาเณ มุชฺช มุชฺชเน;

มชฺช สํสุทฺธิยํ ลชฺช ลชฺชเน ตชฺช ตชฺชเนฯ

[16]

อชฺช-สชฺชา’ชฺชเน สชฺช นิมฺมาเณ คชฺช สทฺทเน;

คุช-กุช ทฺวยํ สทฺเท อขฺยตฺเต ขชฺช ภกฺขเณฯ

[17]

ภชฺช ปาเก วิชิ ภยจลเน วีช วีชเน;

ขชี คมนเวกลฺเล ชี ชเย ชุ ชเว (สิยา;)ฯ

[18]

เฌ จินฺตายุชฺฌ อุสฺสคฺเค คมเน อฏ-ปฏ ทฺวยํ;

นฏ นจฺเจ รฏ ปริภาสเน วฏ เวฐเนฯ