ปทมญฺชรี
ฯนโม ตสฺส ภควโต อรหโต สมฺมาสมฺพุทฺธสฺสฯ
นิรุตฺติกาโยทธิปารคํ ชินํ,
วิสุทฺธธมฺมญฺจ คณํ อนุตฺตรํ;
ติธา นมิตฺวา ปทมญฺชรี มยา,
กรียโต พาลกพุทฺธิวุทฺธิยาติฯ
อถ อการนฺตปุลฺลิงฺโค พุทฺธสทฺโท วุจฺจเตฯ
พุทฺโธ เทวมนุสฺสานํ ธมฺมํ เทเสสิ
พุทฺธา เทวมนุสฺสานํ ธมฺมํ อเทสิํสุ
โภ พุทฺธ ตฺวมฺปิโข มํ ปาลย
โภ พุทฺธา ตุมฺเหปิ โข มํ ปาเลถฯ
พุทฺธํ ภควนฺตํ สกฺกจฺจํ วนฺทามหํ
พุทฺเธ ภควนฺเต สกฺกจฺจํ วนฺทาม มยํ
พุทฺเธน ภควตา ธมฺโม เทสียเต
พุทฺเธหิ ภควนฺเตหิ ธมฺโม เทสิโต
พุทฺเธน ภควตา มหาชโน สุจรติ
พุทฺเธหิ ภควนฺเตหิ สิวปทํ ยนฺติ
พุทฺธสฺส ภควโต ปุปฺผํ ยชติ
พุทฺธานํ ภควตํ ปุปฺผานิ ยชติ
พุทฺธา ภควตา สิวปทํ ลเภยฺย
พุทฺเธหิ ภควนฺเตหิ ปภา นิจฺฉรติ
พุทฺธสฺส ภควโต อิทฺธิ กิํ น กเร
พุทฺธานํ ภควนฺตานํ อิทฺธิปาฏิหาริยานิ
พุทฺเธ ภควนฺเต มหาชโน ปสีทติฯ
พุทฺเธสุ ภควนฺเตสุ มนํ ปติฏฺฐิตํฯ
อิติ ปฐโม ปาโฐฯ
อการนฺตปุลฺลิงฺโค อตฺตสทฺโท วุจฺจเตฯ
อตฺตา สํสารทุกฺขํ ปาปุณาติ
อตฺตาโน สุขทุกฺขํ ปาปุณนฺติ
โภ อตฺต สุขทุกฺขํ อนุโภสิ
โภ อตฺตโน สุขทุกฺขํ อนุโภถ
อตฺตานํ ปสฺสติ พุทฺโธ ภควา
อตฺตาโน ปสฺสติ สมฺมา สมฺพุทฺโธ
อตฺตนา สุขทุกฺขํ อนุภุตฺตํ
อตฺตเนหิ กมฺมผลํ อนุภุตฺตํ
อตฺตนา สํสารสุขํ นาม นตฺถิ
อตฺตเนหิ ภวสุขํ นาม นตฺถิ
อตฺตโน อตฺตาว ปติฏฺฐา สิยา
อตฺตานํ กมฺมเมว ปติฏฺฐา สิยา
อตฺตนาปิ มหพฺภยํ อุปฺปชฺชติ
อตฺตเนหิ มหพฺภยานิ ชายนฺติ
อตฺตโน มาตาปิตโร โหนฺติ
อตฺตานํ ปญฺจคติโย โหนฺติ
อตฺตนิ สพฺพํ พลํ หรติ โรโค
อตฺตเนสุ สพฺพํ พลํ หรนฺติ โรคาฯ
อิติ ทุติโย ปาโฐฯ
อการนฺต ปุลฺลิงฺโค ราชสทฺโท วุจฺจเตฯ
ราชาปิ มหาชนํ โตเสติ
ราชาโน มหาชนํ โตเสนฺติ
โภ ราชา มหาชนํ ปาลย
โภ ราชาโน มหาชนํ ปาเลถ
ราชานํ ปสฺสติ มหาชโน
ราชาโน ปสฺสนฺติ มหาชนา
รญฺญา การียเต มหาปาสาโท
ราชูหิ การาปิตา มหาวิหารา
รญฺญา มหาชโน สุขํ จรติ
ราชูหี มหาชนา สุขํ จรนฺติ
รญฺโญ ปณฺณาการํ เทติ มหาชโน
ราชูนํ ปณฺณาการํ เทนฺติ มหาชนา
รญฺญา มหพฺภยํ อุปฺปชฺชติ
ราชูหิ มหพฺภยานิ อุปฺปชฺชนฺติ
รญฺโญ วปฺปมงฺคลํ โหติ
ราชูนํ สพฺพาภรณานิ โหนฺติ
รญฺเญ มหาชโน ปน ปสีทติ
ราชุสุ มหาชนา ปน ปสีทนฺติฯ
อิติ ตติโย ปาโฐฯ
อการนฺตปุลฺลิงฺโค คุณวตฺตุสทฺโท วุจฺจเตฯ
คุณวา ปุริโส สุนฺทรํ นิพฺพาณํ คโต
