ฯนโม ตสฺส ภควโต อรหโต สมฺมาสมฺพุทฺธสฺสฯ มหาทโย โย หทโย’ทโย’ทโย หิตาย ทุกฺขานุภเว ภเว ภเว, อกาสิ สมฺโพธิปทํ ปทํ ปทํ ตมาภิวนฺทามิ ชินํ ชินํ ชินํ; (ยมกพนฺธนํ) ปหาย ยตฺถา’ภิรติํ รติํ รติํ รมนฺติ ธมฺเมว มุนี มุนี มุนี, วิมุตฺติทํ สพฺพภวา ภวา’ภวา ตมาภิวนฺเท มหิตํ หิตํ หิตํ; (ยมกพนฺธนํ) นิปีตสทฺธมฺมรสา รสา’รสา สุปุญฺญเขตฺโต’รสตํ สตํ สตํ, คตา วิธูตา วินเยน เยน เย ตมาภิวนฺเท’สิคณงฺคณ’งฺคณํ; (ยมกพนฺธนํ) ชินา’นตมฺโภรุห หํสราชินี ชิโนรสานํ มุขปญฺชรา’ลิ นี, สทตฺถสารํ สรสํ วิสูท นี อุเปตุ เม มานสเมว วาณิ นี; กมฺมาวเสสา วิจิโต’ปชาตฺยา คนฺถา’หิสงฺขารวิพนฺธกา เม, ปณาม ปุญฺญาติสเยน’เนน มา ปากทานา’วสรา ภวนฺตุ; สุวณฺณวณฺณสฺส ชินสฺส วณฺณํ วณฺเณยฺย กปกฺปมฺปิ กชิโต สุวณฺโณ, กปฺปสฺสิ’โวสาน มนตฺตตาย น ปาปุเณ พุทฺธคุณาน มนฺตํ; นิทฺธนฺต จามีกร จารุ รูปํ สรสฺสตี ภูสณ ภาสนํจ, อนญฺญ สาธารณ ญาณมสฺส อวาวิยา’จินฺติย มปกฺปเมยฺยํ; กุหิํ อสาธารณ รูป ลีลา กุหิํ อสาธารณ วาณิ ลีลา, กุหิํ อสาธารณญาณ ลีลา กุหิํ นุ เม มนฺทมติสฺส ลีลา; วิภาวิมานี ปรวมฺหิโน เย อิสฺสา’ภิมาเนน วิภญฺญมานา, คเวสยนฺตี’ธ ปรสฺส รวฺธํ เตสํ ปสํสาครหาหิ กิมฺเม; ปสตฺถ สตฺถาคม ปารทสฺสี เย สาธโว สาธุ คุณปฺปสนฺตา, คนฺถสฺส นิมฺมาณปริสฺสมํ โน ชานนฺติ เตเยว อิธปฺปมาณา; อาทิจฺจวํสปฺปภวสฺส ตสฺส ชินสฺส สตฺถาคมโกวิเทหิ, วุตฺโตปิ ปุพฺพาจริเยหิ เยสุ คนฺเถสุ สงฺเขปวเสน วํโส; น เตหิ สกฺกา สุคตสฺส วํสํ กิญฺจาปิ วิญฺญาตุ มเสสยิตฺวา, สมฺปุณฺณวํสสฺส วิภาวนาย ตสฺมา สมุสฺสาหิต มานเสน; |