อินฺทํว ปาริจาริกาฯ โย อิจฺเฉ ปุริโส โหตุํ, ชาติ ชาติ ปุนปฺปุนํ; ปรทานํ วิวชฺเชยฺย, โธตปาโทว กทฺทมํฯ อติกฺกนฺต วโย โปโส, อาเนติ ติมฺพรุตฺตนิํ; ตสฺสา อิสฺสา อสทฺธาติ, ตํ ปราภวโต มุขํฯ อิตฺถิกณฺโฑ นิฏฺฐิโตฯ 6. ราชกณฺโฑ เอกยามํ สเย ราชา, ทฺวิยามญฺเญว ปณฺฑิโต; ฆราวาโส ติยามํว, จตุยามํ ตุ ยาจโกฯ ธนวา สุตวา ราชา, นที เวชฺโช จิเมปญฺจ; น ตตฺถ ทิวสํ วเสฯ ยสฺมิํ ปเทเส น มาโน, น เปมํ นจ พนฺธวา; นจ วิชฺชาคโม โกจิ, น ตตฺถ ทิวสํ วเสฯ อปุตฺตกํ ฆรํ สุญฺญํ, รฏฺฐํ สุญฺญํ อราชกํ; อ สิปฺปสฺส มุขํ สุญฺญํ, สพฺพ สุญฺญํ ทลิทฺทกาฯ ธนมิจฺเฉยฺย วาณิชฺโช, วิชฺชมิจฺเฉ ภเชสุตํ; ปุตฺตมิจฺเฉ ตรุณิตฺถิํ, ราชามจฺจํ วสํ คเมฯ นฏฺโฐยติ อสนฺตุฏฺโฐ, สนฺตุฏฺโฐ จ มหีปติ; ลชฺชา จ คณิกา นฏฺฐา, นิลฺลชฺชา กุลธีติกาฯ ปกฺขีนํ พลมากาโส, มจฺฉานมุทกํ พลํ; กุมารานํ รุทํ พลํฯ ขมา ชาคริยุฏฺฐานํ, สํวิภาโค ทยิกฺขณา; นายกสฺส คุณา เอเต, อิจฺฉิตพฺพา สตํ คุณาฯ สกิํ วทนฺติ ราชาโน, สกิํ สมณพฺราหฺมณา; สกิํ สปฺปุริสา โลเก, เอส ธมฺโม สนนฺตโนฯ อลโส คิหี กามโภคี น สาธุ, อสญฺญโต ปพฺพชิโต น สาธุ; ราชา อนิสมฺมการี น สาธุ, ปณฺฑิโต โกธโน ตํปิ น สาธุฯ พหโว ยตฺถ เนตฺตาโร, สพฺเพ ปณฺฑิตมานิโน; สพฺเพ มหตฺตมิจฺฉนฺติ, เตสํ กมฺมํ วินสฺสติฯ อายํ ขยํ สยํ ชญฺญา, ราชา สยํ กตากตํ; ปคฺคเห ปคฺคหารหํฯ ปิฏฺฐิโตกฺกํ นิเสเวยฺย, กุจฺฉินาว หุตาสนํ; สามิกํ สพฺพภาเคน, ปรโลกํ อโมหวาฯ อคฺคิ อาโป อิตฺถิมูฬฺโห, สปฺโป ราช-กุลานิจ; อปยนฺเตน คนฺตพฺพา, อจฺเจก-ปาณหารกาฯ ปทุฏฺฐ-ภริย-สํวาโส, ปทุฏฺฐ จิตฺต ทาสโก; ส-สปฺเป จ ฆเร วาโส, มจฺจุ เอว น สํสโยฯ มูฬฺห สิสฺโส ปเทเสน, กุนารี ภรเณน จ; อสตา สมฺปโยเคน, ปณฺฑิโตปฺปวสีทติฯ มาตา ปุตฺตกรํ ปาปํ, สิสฺสปาปํ คุรุกตา; ราชปาปํ ปุโรหิโตฯ อโกเธน ชิเน โกธํ, อสาธุํ สาธุนา ชิเน; ชิเน มจฺฉริํ ทาเนน, สจฺเจนาลีกวาทินํ; อทนฺตํ ทมนํ ทานํ, ทานํ สพฺพตฺถ สาธกํ; ทาเนน ปิย วาจาย, อุนฺนมนฺติ นมนฺติ จ; ทานํ สิเนหเภสชฺชํ, มจฺเฉรํ โทสโนสธํ; ทานํ ยสสฺสี เภสชฺชํ, มจฺเฉรํ กปโณสธํฯ พหูนมปฺปสารานํ, สามคฺคิยา ชยํ ชเย; ติเณหิ วตฺตเต โยตฺตํ, เตน นาโคปิ พชฺฌเตฯ สหาโย อสมตฺโถปิ, เตชสา กิํกริสฺสติ; สยเม วูปสมฺปติฯ น รญฺญา สมกํ ภุญฺเช, กามโภคํ กุทาจนํ; อากปฺปํ รส ภุตฺติํวา, มาลา คนฺธ วิเลปนํ; วตฺถํ สพฺพอลงฺการํ, น รญฺญา สทิสํ กเรฯ น เม ราชา สขา โหติ, น ราชา โหติ เมถุโน; เอโส สามิโก มยฺหนฺติ, จิตฺเต นิฏฺฐํ สุถาปเยฯ นาติทูเร ภเช รญฺโญ, นาจฺจาสนฺโนปวาตเก; อุชุเก นาตินินฺเน จ, น ภเช อุจฺจมาสเนฯ ฉโทเส วชฺเช เสวโก, ติฏฺเฐ อคฺคิํว สํยโตฯ คุณี สพฺพญฺญุ ตุลฺโยปิ, นโสภติ อนิสฺสโย; เหมํ นิสฺสาย โสภติฯ ราชกณฺโฑ นิฏฺฐิโตฯ 7. ปกิณฺณกกณฺโฑ อิตฺถิมิสฺเส กุโตสีลํ, มํส ภกฺเข กุโตทยา; สุรา ปาเน กุโตสจฺจํ, มหาโลเภ กุโตหิรี; มหาตนฺเท กุโตสิปฺปํ, มหา โกเธ กุโตธนํฯ สุรา โยโค วิกาโล จ, สมชฺช จรณาลสํ; ขิฑฺฑาธุตฺโต ปาปมิตฺโต, โภคนาสมุขา อิเมฯ ทิวา นาทิกฺขา วตฺตพฺพํ, รตฺโต นาวจเนน จ; สญฺจเรยฺย ภยา ภีโต, วเน วนจรี ยถาฯ ชีวนฺตาปิ มตาปญฺจ, พฺยาเสน ปริกิตฺติตา; |