เทส จาเคน ทุชฺชนํฯ กุเทสญฺจ กุมิตฺตญฺจ, กุกุลญฺจ กุพนฺธวํ; กุทารญฺจ กุทาสญฺจ, ทูรโต ปริวชฺชเยฯ โรคาตุเร จ ทุพฺภิกฺเข, พฺยสเน สตฺตุ วิคฺคเห; ราชทฺวาเร สุสาเน จ, เย ติฏฺฐนฺติ สุมิตฺตกาฯ สีตวาโจ พหุมิตฺโต, ผรุโส อปฺปมิตฺตโก; อุปมํ เอตฺถ ญาตพฺพา, จนฺท-สูริย-ราชูนํฯ มิตฺตกณฺโฑ นิฏฺฐิโตฯ 5. อิตฺถิกณฺโฑ โกกิลานํ สทฺทํ รูปํ, นารีรูปํ ปติพฺพตา; ขมา รูปํ ตปสฺสินํฯ อิตฺถีนญฺจ ธนํ รูปํ, ปุริสานํ วิชฺชา ธนํ; ภิกฺขูนญฺจ ธนํ สีลํ, ราชานญฺจ ธนํ พลํฯ ตปสฺสิโน กิสา โสภา, ถูลา โสภา จตุปฺปทา; ปุริสา วิชฺชวา โสภา, อิตฺถี โสภาส สามิกาฯ ปญฺจ รตฺยา สุคนฺธพฺพา, สตฺต รตฺยา ธนุคฺคหา; เอก มาสา สุภริยา, อฑฺฒ มาสา สิสฺสา มลาฯ หิํ รมติ ปง, หง รมติ โปกฯ ถี รมติ ปุ, ขุ รมติ ธํฯ ชิณฺณมนฺนํ ปสํเสยฺย, ทารญฺจ คตโยพฺพนํ; รณา ปุนาคตา สูรํ, สสฺสญฺจ เคหมาคตํฯ ภิกฺขุ ทฺวตฺติ-วิหาริโก; ทฺวตฺติ-ปาส-มุตฺโต ปกฺขี, กต-มายา พหูถรํฯ ทุชฺชนํ ปหาราทเม, มิตฺตํ ทเม อ-ภาณิกา; อิตฺถิญฺจ พฺยสนา ทเม, ราคินํ อปฺป โภชนาฯ น รตฺติ วินา จนฺทิมา, วีจิํ วินา จ อณฺณโว; หํสํ วินา โปกฺขรณี, ปติํ กญฺญาจ โสภเตฯ ปตินา ชนิโต โภโค, อิตฺถิยาว สํโคปฺปิโต; ปุริโสว หิ ปธาโน, อิตฺถี สุตฺตํว สูจิยาฯ สพฺพานที วงฺกนที, สพฺเพ กฏฺฐมยา วนา; สพฺพิตฺถิโย กเร ปาปํ, ลภมาเน นิวาตเกฯ สมฺปสฺสตณฺหิํ พหุปากภุตฺตินิํ; อคฺคนฺตภุตฺติํ ปรเคหวาสินิํ, นาริํ จเช ปุตฺตสตมฺปิ ปูมาฯ ภุตฺเตสุ มณฺเฑสุ ชนีว กนฺตินี, คุยฺเหจ ฐาเน ภคินีว หิริณี; กมฺเมสุ ปตฺเตสุ กโรติ ทาสีว, ภเยสุ มนฺตี สยเนสุ รามเย; รูปีสุ สิกฺขี กุปเนสุ ขนฺตินี, สา นารี เสฏฺฐาติ วทนฺติ ปณฺฑิตา; กายสฺส เภทาจ ทิเวภเวยฺย สาฯ สามา มิคกฺขี ตนุมชฺฌคตฺตา, สูรู สุเกสี สมทนฺตปนฺตี; คมฺภีรนาภี ยุวตี สุสีลี, หีเน กุเล ชาตาปิ วิวาหฺยาฯ สรทํรตุ-กาลานํ, ภริยานํ รูปวตี; เชฏฺโฐ ปธานํ ปุตฺตานํ, ทิสานํ อุตฺตราทิสาฯ ยา อิจฺเฉ ปุริโส โหตุํ, ชาติ ชาติ ปุนปฺปุนํ; อินฺทํว ปาริจาริกาฯ โย อิจฺเฉ ปุริโส โหตุํ, ชาติ ชาติ ปุนปฺปุนํ; ปรทานํ วิวชฺเชยฺย, โธตปาโทว กทฺทมํฯ อติกฺกนฺต วโย โปโส, อาเนติ ติมฺพรุตฺตนิํ; ตสฺสา อิสฺสา อสทฺธาติ, ตํ ปราภวโต มุขํฯ อิตฺถิกณฺโฑ นิฏฺฐิโตฯ 6. ราชกณฺโฑ เอกยามํ สเย ราชา, ทฺวิยามญฺเญว ปณฺฑิโต; ฆราวาโส ติยามํว, จตุยามํ ตุ ยาจโกฯ ธนวา สุตวา ราชา, นที เวชฺโช จิเมปญฺจ; |