เมนู

ฯ นโม ตสฺส ภควโต อรหโต สมฺมาสมฺพุทฺธสฺสฯ

โลกนีติ

1. ปณฺฑิตกณฺโฑ

[1]

โลกนีติํ ปวกฺขามิ,

นานาสตฺถสมุทฺธฏํ;

มาคเธเนว สงฺเขปํ,

วนฺทิตฺวา รตนตฺถยํฯ

[2]

นีติโลเก ปุริสสฺส สาโร,

มาตา ปิตา อาจริโยจ มิตฺโต;

ตสฺมา หิ นีติํ ปุริโส วิชญฺญา,

ญาณี มหา โหติ พหุสฺสุโตจฯ

[3]

อลสสฺส กุโต สิปฺปํ,

อสิปฺปสฺส กุโต ธนํ;

อธนสฺส กุโต มิตฺตํ,

อมิตฺตสฺส กุโต สุขํ;

อสุขสฺส กุโต ปุญฺญํ,

อปุญฺญสฺส กุโต วรํฯ

[4]

สิปฺปา สมํ ธนํ นตฺถิ,

สิปฺปํ โจรา นคณฺหเร;

อิธ โลเก สิปฺปํ มิตฺตํ,

ปรโลเก สุขาวหํฯ

[5]

อปฺปกํ นาติมญฺเญยฺย,

จิตฺเต สุตํ นิธาปเย;

วมฺมิโกทกพินฺทูว,

จิเรน ปริปูรติฯ

[6]

ขุทฺโทติ นาติมญฺเญยฺย,

วิชฺชํ วา สิปฺปเมว วา;

เอกมฺปิ ปริโยทาตํ,

ชีวิตกปฺปการณํฯ

[7]

เสเล เสเล น มาณิกํ,

คเช คเช น มุตฺติกํ;

วเน วเน น จนฺทนํ,

ฐาเน ฐาเน น ปณฺฑิตํฯ

[8]

ปณฺฑิโต สุตสมฺปนฺโน,

ยตฺถ อตฺถีติ เจ สุโต;