ฯ นโม ตสฺส ภควโต อรหโต สมฺมาสมฺพุทฺธสฺสฯ โลกนีติ 1. ปณฺฑิตกณฺโฑ นานาสตฺถสมุทฺธฏํ; มาคเธเนว สงฺเขปํ, วนฺทิตฺวา รตนตฺถยํฯ นีติโลเก ปุริสสฺส สาโร, มาตา ปิตา อาจริโยจ มิตฺโต; ตสฺมา หิ นีติํ ปุริโส วิชญฺญา, ญาณี มหา โหติ พหุสฺสุโตจฯ อลสสฺส กุโต สิปฺปํ, อสิปฺปสฺส กุโต ธนํ; อธนสฺส กุโต มิตฺตํ, อมิตฺตสฺส กุโต สุขํ; อปุญฺญสฺส กุโต วรํฯ สิปฺปา สมํ ธนํ นตฺถิ, สิปฺปํ โจรา นคณฺหเร; อิธ โลเก สิปฺปํ มิตฺตํ, ปรโลเก สุขาวหํฯ อปฺปกํ นาติมญฺเญยฺย, จิตฺเต สุตํ นิธาปเย; วมฺมิโกทกพินฺทูว, จิเรน ปริปูรติฯ ขุทฺโทติ นาติมญฺเญยฺย, วิชฺชํ วา สิปฺปเมว วา; เอกมฺปิ ปริโยทาตํ, ชีวิตกปฺปการณํฯ เสเล เสเล น มาณิกํ, คเช คเช น มุตฺติกํ; วเน วเน น จนฺทนํ, ฐาเน ฐาเน น ปณฺฑิตํฯ ปณฺฑิโต สุตสมฺปนฺโน, ยตฺถ อตฺถีติ เจ สุโต; คนฺตพฺพํว สุเตสินาฯ สิเน สิปฺปํ สิเน ธนํ, สิเน ปพฺพตมารุหํ; สิเน กามสฺส โกธสฺส, อิเม ปญฺจ สิเน สิเนฯ สุติ สมฺมุติ สงฺขฺยาจ, โยคา นีติ วิเสสกา; คนฺธพฺพา คณิกา เจว, ธนุ เพทา จ ปูรณาฯ ติกิจฺฉา อิติหาสา จ, โชติ มายา จ ฉนฺทติ; เกตุ มนฺตา จ สทฺทา จ, สิปฺปาฏฺฐารสกา อิเมฯ อปุฏฺโฐ ปณฺฑิโต เภรี, ปชฺชุนฺโน เม โหติ ปุจฺฉิโต; พาโล ปุฏฺโฐ อปุฏฺโฐปิ, พหุมฺปิ ภณเต สทาฯ โปตฺถเกสุ จ ยํ สิปฺปํ, ปรหตฺเถสุ ยํ ธนํ; น ตํ สิปฺปํ น ตํ ธนํฯ ชลปฺปมาณํ กุมุทฺทนาลํ, กุลปฺปมาณํ วินโย ปมาณํ; พฺยตฺติปฺปมาณํ กถีตวากฺยํ, ปถวิยา ปมาณํ ติณ มิลาตํฯ อปฺปสฺสุโต สุตํ อปฺปํ, พหุํ มญฺญติ มานวา; สินฺธูทกํ อปสฺสนฺโต, กูเป โตยํว มณฺฑุโกฯ ปถมํ ปราชเย สิปฺปํ, ทุติยํ ปราชเย ธนํ; ตติยํ ปราชเย ธมฺมํ, จตุตฺถํ กิํ กริสฺสติฯ พฺยตฺต ปุตฺร กิมลโส, อพฺยตฺโต ภารหารโก; พฺยตฺตโก ปูชิโต โลเก, พฺยตฺต ปุตฺร ทิเน ทิเนฯ มาตา เวรี ปิตา สตฺรุ, เกน พาเล น สิกฺขิตา; หํสมชฺเฌ พโกยถาฯ กณฺฏกํ คิริ โก ติกฺขติ, โก อญฺชนํ มิคกฺขิกํ; อุปฺปถํ ปลฺลเล โก สุคนฺธํ, กุล-ปุตฺต-รูโป โก ปวตฺตติ; สามํ-ภาโวฯ น รสํ อโกตมฺพุลํ, อธนสฺส, ลงฺกตมฺปิ; อโลนกนฺตุ พฺยญฺชนํ, พฺยากรณํ อสิปฺปสฺสฯ สุสฺสุสา สุตสมฺปนฺโน, สุตาปญฺญาย ปวฑฺฒติ; ปญฺญาย อตฺถํ ชานาติ, ญาโต อตฺโถ สุขาวโหฯ โภชนํ เมถุนํ นิทฺทา, โคเณ โปเสปิ วิชฺชติ; วิชฺชา วิเสโส โปสสฺส, ตํ หีโน โคสโม ภเวฯ นตฺถิ วิชฺชาสมํมิตฺตํ, นจ พฺยาธิสโม ริปุ; นจ กมฺมสมํ พลํฯ หํโส มชฺเฌ น กากานํ, สีโห คุนฺนํ น โสภเต; คทฺรภมชฺเฌ ตุรงฺโค, พาลมชฺเฌ จ ปณฺฑิโตฯ ยาวชีวมฺปิ เจ พาโล, ปณฺฑิตํ ปยิรุปาสติ; น โส ธมฺมํ วิชานาติ, ทพฺพิ สูปรสํ ยถาฯ มุหุตฺตมปิ เจ วิญฺญู, ปณฺฑิตํ ปยิรุปาสติ; ขิปฺปํ ธมฺมํ วิชานาติ, ชิวฺหา สูปรสํ ยถาฯ วินา สตฺถํ น คจฺเฉยฺย, สูโร สงฺคามภูมิยํ; ปณฺฑิตฺวาทฺธคู วาณิโช, วิเทสคมโน ตถาฯ ธนนาสํ มโนตาปํ, ฆเร ทุจฺจริตานิ จ; |