เมนู

ธา ธารเณ, ปุเร วิย วิภตฺตุปฺปตฺติ, ทฺวิตฺตรสฺสตฺตานิ, อปฺปจฺจยโลโป จ, ‘‘ทุติยจตุตฺถานํ ปฐมตติยา’’ติ การสฺส กาโร, ทธาติ, ทธนฺติฯ อปิปุพฺโพ ตสฺส ‘‘เตสุ วุทฺธี’’ติอาทินา อการโลโป, ‘‘กฺวจิ ธาตู’’ติอาทินา การสฺส กาโร, รสฺสตฺตญฺจ, ทฺวารํ ปิทหติ, ปิทหนฺติฯ ทฺเวภาวาภาเว นิธิํ นิเธติ, นิเธนฺติฯ

กมฺเม ธียเต, ธียติ, ปิธียเต, ปิธียติฯ

ตถา ทธาตุ, ปิทหตุ, นิเธตุ, นิเธนฺตุฯ ทเธ, ทเธยฺย, ปิทเห, ปิทเหยฺย, นิเธ, นิเธยฺยฯ ทธาสิ, ปิทหิฯ ธสฺสติ, ปิทหิสฺสติ, ปริทเหสฺสติฯ อธสฺส, ปิทหิสฺส อิจฺจาทิฯ

ชุโหตฺยาทินโยฯ

อวุทฺธิกา ตุทาที จ, หูวาทิ จ ตถาปโร;

ชุโหตฺยาทิ จตุทฺเธวํ, เญยฺยา ภูวาทโย อิธฯ

ภูวาทิคโณฯ

รุธาทิคณ

รุธ อาวรเณ, ปุเร วิย ธาตุสญฺญาทิมฺหิ กเต วิภตฺตุปฺปตฺติฯ

‘‘อ’’อิติ วตฺตเตฯ

[509] รุธาทิโต นิคฺคหีตปุพฺพญฺจ

จตุปฺปทมิทํฯ