เมนู

ลทฺธา ตโต กญฺจุกี-สุปการ,

วคาทิเนเก ปริจารเก โส;

นานาคุณา ราธิตมานสสฺส,

วสีสกาเส ปิตุโน สุเขนฯ

สุชนปฺปสาทสํเวคตฺถาย กเต มหาวํเส

สงฺขตฺถลิปุราภิคมโน นาม

เอกสฏฺฐิโม ปริจฺเฉโทฯ

ทฺวิสฏฺฐิมปริจฺเฉท

ปรมณฺฑลาภิคมโน

[1]

อตฺตนาภิมตสฺสา’สุ, ชาตเทสสฺส ปตฺติยา;

สมฺปุณฺณมนสงฺกปฺโป, ทุสฺสงฺกปวิวชฺชิโตฯ

[2]

วชิรูปโมรุปญฺญา, พเลน คุรุสนฺติเก;

ลหุํ พหุญฺจ คณฺหนฺโต, สิปฺปชาตมเนก กํฯ

[3]

ชินาคเมสุ เนเกสุ, โกฏิลฺลา ทีสุ นีติสุ;

สทฺทสตฺเถ จ กาเวยฺเย, สนิฆณฺฑุก เกฏุเภฯ

[4]

นจฺจคีเตสุ สตฺเถสุ, หตฺถิสิปฺปาทิเกสุ จ;

ธนุ ขคฺคาทิเนเกสุ, สตฺเถสุ จ วิเสสโตฯ

[5]

ปารปฺปตฺโต วินีตตฺโต, ปิตุ รญฺโญ สมาจริ;

อธิปฺปายานุกุลํ’ว, สทา ภตฺติปุรสฺสโรฯ

[6]

ตทา สทา ทราจาร-คุณาราธิตมานโส;

ปิเยน วิย มิตฺเตน, เตน สทฺธิํ มหีปติฯ

[7]

อุยฺยานชลกีฬาทิ-สุขํ นานปฺปการกํ;

อนุโภตฺวา สเทสสฺมิํ, สญฺจรนฺโต ตหิํ ตหิํฯ

[8]

เอกทาสงฺขเสนาธิ-ปตินา ทฬฺหภตฺตินา;

สรฏฺฐสีมา รกฺขาย, โย ชิเตน พลียสาฯ

[9]