วคาทิเนเก ปริจารเก โส; นานาคุณา ราธิตมานสสฺส, วสีสกาเส ปิตุโน สุเขนฯ สุชนปฺปสาทสํเวคตฺถาย กเต มหาวํเส สงฺขตฺถลิปุราภิคมโน นาม เอกสฏฺฐิโม ปริจฺเฉโทฯ ทฺวิสฏฺฐิมปริจฺเฉท ปรมณฺฑลาภิคมโน อตฺตนาภิมตสฺสา’สุ, ชาตเทสสฺส ปตฺติยา; สมฺปุณฺณมนสงฺกปฺโป, ทุสฺสงฺกปวิวชฺชิโตฯ วชิรูปโมรุปญฺญา, พเลน คุรุสนฺติเก; ลหุํ พหุญฺจ คณฺหนฺโต, สิปฺปชาตมเนก กํฯ ชินาคเมสุ เนเกสุ, โกฏิลฺลา ทีสุ นีติสุ; สทฺทสตฺเถ จ กาเวยฺเย, สนิฆณฺฑุก เกฏุเภฯ นจฺจคีเตสุ สตฺเถสุ, หตฺถิสิปฺปาทิเกสุ จ; ธนุ ขคฺคาทิเนเกสุ, สตฺเถสุ จ วิเสสโตฯ ปารปฺปตฺโต วินีตตฺโต, ปิตุ รญฺโญ สมาจริ; อธิปฺปายานุกุลํ’ว, สทา ภตฺติปุรสฺสโรฯ ตทา สทา ทราจาร-คุณาราธิตมานโส; ปิเยน วิย มิตฺเตน, เตน สทฺธิํ มหีปติฯ อุยฺยานชลกีฬาทิ-สุขํ นานปฺปการกํ; อนุโภตฺวา สเทสสฺมิํ, สญฺจรนฺโต ตหิํ ตหิํฯ เอกทาสงฺขเสนาธิ-ปตินา ทฬฺหภตฺตินา; สรฏฺฐสีมา รกฺขาย, โย ชิเตน พลียสาฯ |