ทสราชโก
[1]
มหานาม สุโต อาสิ, ทมิฬี กุจฺฉิสมฺภโว;
โสตฺถิเสโน, ตถาสงฺโฆ-ธีตา จา’สิ มเหสิยาฯ
[2]
โสตฺถิเสโน ตทา รชฺชํ, ปตฺวา สงฺฆยนาสิโต;
ตสฺมิํเยว ทิเน เภริํ, จราเปตฺวา ตทา ตุ สาฯ
[3]
อตฺตโน สามิกสฺสทา, ฉตฺตคฺคาหกชนฺตุโน;
ฉตฺตคฺคาหกวาปิํ โส, กตฺวา สํวจฺฉเร มโตฯ
[4]
อถ มจฺโจ มหาปญฺโญ, สหาโย ตสฺส ตํ มตํ;
อนฺโตวตฺถุมฺหิ ฌาเปตฺวา, วีหิโจรํ มหาพลํฯ
[5]
รชฺชโยคฺโคติ จินฺเตตฺวา, กตฺวา ตํ ภูปติํ รโห;
อนฺโตเยว นิวาเสตฺวา, ราชา โรคาตุโร อิติฯ
[6]
ยสํ รชฺชํ วิจาเรสิ, ฉเณ ปตฺเต มหาชนา;
ราชา เจ อตฺถิ อมฺเหหิ, สทฺธิํ เมตูติ โฆสยุํฯ
[7]
ตํ สุตฺวา นรปาโล โส, สพฺพลงฺการมณฺฑิโต;
สมานํเต มหานาเค, เนสโยคฺคา มมา’ติโสฯ
[8]
ทาฏฺฐาธาตุฆรฐาเน, สุวา นาคํ สมาทิสิ;
รญฺโญ อาณาติ วุตฺเต โส, อคา อารุยฺห ตํ ปุรํฯ
[9]
กตฺวา ปทกฺขิณํ คนฺตฺวา, ปาจินทฺวารโต พหิ;
ปฐเม เจติยฐาเน, ธาตุนาคํ สมปฺปยิฯ
[10]
มหาเจติตฺตเย หตฺถิ-ปากาเร’กาสิ โตรณํ;
มิตฺตเสโน พหุํ ปุญฺญํ, กตฺวา วสฺเสน โส จุโตฯ
[11]
มิตฺตเสนํ รเณ หนฺตฺวา, ทมิโฬ ปณฺฑุนามโก;
อาคโต ปรตีรมฺหา, ลงฺการชฺชมการยิฯ
[12]
ชนา กุลีนา สพฺเพปิ, โรหณํ สมุปาคตา;
โอรคงฺคาย อิสฺเสรํ, ทมิฬา เอว กปฺปยุํฯ
[13]
เย สุภสฺส พลฏฺฐสฺส, ภีตาโมริยวํสชา;
พลายิตฺวา นราวาสํ, กปฺปยิํสุ ตหิํ ตหิํฯ
[14]
เตสมญฺญตโม นนฺทิ-วาปิ คาเม กุฏิมฺพโก;
ธาตุเสนวฺหโย อาสิ, ทาฐานาโม จ ตํ สุโตฯ
[15]
คาเม อมฺพิลยาคุมฺหิ, วสํ ปุตฺเต ทุเว ลภิ;
ธาตุเสนํ สิลาติสฺส-โพธิํจ สมฺปชาติเกฯ
[16]
มาตุโส ทริโย เตสํ, สทฺโธ ปพฺพชฺช วตฺตติ;
ทีฆสนฺทกตาวาเส, ธาตุเสนาปิ มาณโวฯ
[17]
สนฺติเก ตสฺส ปพฺพชฺช-รุกฺขมูลมฺหิ เอกทา;
สชฺฌายติ ปวิสฺสิตฺถ, เมโฆ นาโคตุปสฺสิยฯ
[18]
ปริกฺขิปิตฺวา โภเคหิ, ฉาทยิตฺวา ผเณน จ;
โปตฺถกญฺจ กุมารญฺจ, รกฺขิตํ ปสฺสิ มาตุโลฯ
[19]
สีเส อากิริ สงฺการํ, ตสฺส รุฏฺโฐ ปโรยติ;
ตสฺมิํ จิตฺตํ น ทูเสสิ, ตมฺปิ ทิสฺวาน มาตุโลฯ
[20]
อุตฺตโม วต’ยํ สตฺโต, ราชา เหสฺสติ นิจฺฉยํ;
รกฺขิตพฺโพ’ติ อาทาย, ตํ วิหารมุปาคโตฯ
[21]
โคณิสาทิ วิหาเร’ยํ, กตฺตพฺโพ นีติมา อิติ;
สิกฺขาเปสิ กุมารํ ตํ, ปณฺฑุโก ตํ วิชานิยฯ
[22]
คณฺหเถตนฺติเปเสสิ, เสวเก ตสฺสารตฺติยํ;
ทิสฺวาน สุปินํ เถโร, นีหริตฺถ กุมารกํฯ
[23]
ตสฺมิํ นิกฺขนฺตมตฺตมฺหิ, เสวกํ ปริวาริย;
ปริเวเณ น ปสฺสิํสุ, ตโต นิกฺขมฺม เต อุโภฯ
[24]
ทกฺขิณสฺมิํ ทิสาภาเค, โคณ นามํ มหานทิํ;
ปตฺวา สมฺปุณฺณมฏฺฐํสุ, คนฺตุกามาปิ เวคสาฯ
[25]
ยถา นทิยํ วาเรติ, อมฺเห ตํ ตฺวมฺปิ วารย;
วาปิํคเหตฺวา เอตฺเถ’ติ, วตฺวา เถโร ตทา นทิํฯ
[26]
โอตริตฺถกุมาเรน, สทฺธิํ ทิสฺวาน เต อุโภ;
นาคราชา ตทา เอโก, ปิฏฺฐิํ ปาทาสิ เตน โสฯ
[27]
อุตฺตริตฺวา กุมารํ ตํ, เนตฺวา ปจฺจนฺตมาวสํ;
ลทฺธา ขีโรทนํ สุตฺวา, เสสํ ปตฺเตน ตสฺส’ทาฯ
[28]
จิตฺตกาเรน เถรมฺหิ, ภตฺตํ ปกฺขิปฺป ภูมิยํ;
ภุญฺชิ เถโรปิ ตํ ชานิ, ภุญฺช เต ยํ มหิํ อิติฯ
[29]
ปณฺฑุราชาปิ กตฺวาน, รชฺชํ วสฺสมฺหิ ปญฺจเม;
จุโต ปุตฺโต ปิปารินฺโท, ตติโย ตสฺส ภาตุโกฯ
[30]
กณิฏฺโฐ ขุทฺทปารินฺโท, กุพฺพํ รชฺชํ มหามหิํ;
ธาตุเสนานุเค สพฺเพ, วิเหเฐสิ มหาชเนฯ
[31]
สงฺคเหตฺวา ชเน สาธุ-เสโน ยุชฺชิตฺถ ราชินา;
โส โสฬสหิ วสฺเสหิ, ปุญฺญปาปกโรมโตฯ
[32]
นิริตโร ตโต อาสิ, ราชามาสทฺวเยน ตํ;
ธาตุเสโน วินาเสสิ, เตน กตฺวา มหาหวํฯ
[33]
หเต ตสฺมิํ มหีปาเล, ทาฐิโย ทมิโฬ ตโต;
ราชา วสฺสตฺถ เย หุตฺวา, ธาตุเสนหโตตโตฯ
[34]
ปิฏฺฐิโย ทมิโฬ สตฺต-มาเสน นิธนํ คโต;
ธาตุเสเนน ยุชฺฌิตฺวา, วํโส ปจฺฉิชฺชิ ทามิโฬฯ
[35]
อถา’สิ ราชาลงฺกายํ, ธาตุเสโน อิราธิโป;
ภาตรา สห ทีปมฺหิ, ทมิเฬ ทีปฆาตเกฯ
[36]
อุปาเยหิ อเนเกยิ, เอกวีสปฺปมาณเก;
ขนฺธวาเร นิเวเสตฺวา, กตฺวา ยุทฺธมเสสโตฯ
[37]
โสเธตฺวา เมทินิํ สาธุ, กตฺวา จ สุขิตํชนํ;
สาสนญฺจ ยถาฐาเน, ฐเปสิ ปรนาสิตํฯ
[38]
ทมิเฬ เย’นุวตฺติํสุ, กุลีนา กุลคามวา;
เต มํ วา สาสนํ วา โน, รกฺขิํสู’ติ ปกุปฺปิยฯ
[39]
เตสํ คาเม คเหตฺวาน, คาเม สฺวากาสิรกฺขเก;
โรหณา’คมฺม เต สพฺเพ, กุลีนา ตมุปฏฺฐหุํฯ
[40]
เตสํ สกฺการสมฺมานํ, ยถาโยคมกาสิ โส;
อมจฺเจ อตฺตโน ทุกฺข-สหาเยจา’ภิ โตสยิฯ
[41]
พนฺธาเปตฺวา มหาคงฺคํ, เกทาเร’กา ถิโรทเก;
มหาปาฬมฺหิ ภิกฺขูนํ, สาลิภตฺตญฺจ ทาปยิฯ
[42]
ปงฺคุโรคา ตุรฏฺฏานํ, สาลาโยกาสิ พุทฺธิมา;
กาฬวาปิํจ คณฺหิตฺวา, พนฺธิ โคณํ มหานทิํฯ
[43]
มหาวิหารํ กตฺวาน, ปนฺติยุตฺตมนากุลํ;
ตถา โพธิฆรญฺเจว, ทสฺสเนยฺย มการยิฯ
[44]
ภิกฺขโว ปริโตเสตฺวา, ปจฺจเยหิ จตูหิปิ;
ธมฺมาโสโก’ว โสกาสิ, สงฺคหํ ปิฏกตฺตเยฯ
[45]
อฏฺฐารสวิหาเร จ, เถริยาน มการยิ;
สมฺปนฺนโภเค ทีปมฺหิ, อฏฺฐารส จ วาปิโยฯ
[46]
กาฬวาปี วิหาโร จ, โกฏิปสฺสาวนามโก;
ทกฺขิณ คิรินาโม จ, วิหาโร วฑฺฒมานโกฯ
[47]
ปณฺณวลฺลกภูโต จ, ภลฺลาตกสนามโก;
ปาสาณสินฺเน เทสมฺหิ, ธาตุเสโน จ ปพฺพโตฯ
[48]
มํ คโน ถูปวิฏฺฐิ จ, ธาตุเสโนปิ อุตฺตเร;
ปาจิน กมฺพวิฏฺฐิ จ, ตถา อนฺตรเม คิริฯ
[49]
อนฺตาฬิ ธาตุเสโน จ, กสฺสปิฏฺฐิก ปุพฺพโก;
โรหเณทายคาโม จ, สาลวาโณ วิภีสโนฯ
[50]
วิหาโร ภลฺลิวาโณ จ, อฏฺฐารสนรุตฺตโม;
ปาทูลกํ หมฺพลฏฺฐิ, มหาทตฺถาทิวาปิ โยฯ
[51]
ขุทฺทเก จ วิหาเรโส, อฏฺฐารสนรุตฺตโม;
วาปีโย จ ตถากตฺวา, เตสเมว ตุ ทาปยิฯ
[52]
ปญฺจวีสติ หตฺถญฺจ, มยูรปริเวณกํ;
หริตฺวา’กาสิปาสาท-เมกวีสติ หตฺถกํฯ
[53]
กุมารเสนสฺส’เปตฺวา, ปุพฺพโภคํ วิโสธยิ;
กาฬวาปิมฺมิภาคทฺธํ, เขตฺตานญฺจ สตทฺวยํฯ
[54]
โลห ปาสทเก ชิณฺเณ, นวกมฺมมการยิ;
มหาถูเปสุ ฉตฺตานิ, ตีสุ ชิณฺณานิ การยิฯ
[55]
เทวานํปิยติสฺเสน, กตํ โพธิมหํ วิย;
สินฺหานปูชํ โพธิสฺส, วรโพธิสฺส การยิฯ
[56]
ธาวนา โลภนาวาโย, ตตฺถ ปูเชสิ โสฬส;
อลงฺการํ มุนินฺทสฺส, อภิเสกญฺจ การยิฯ
[57]
มหาโพธิ ปติฏฺฐานา, โอรํ ลงฺกาย ภูมิปา;
ยาว ทฺวาทสมํ วสฺสํ, โพธิปูชมการยุํฯ
[58]
มหามหินฺทตฺเถรสฺส , กาเรตฺวา ปฏิพิมฺพกํ;
เถรสฺสา’ลาหนํ เนตฺวา, กาตุํ ปูชํ มหารหํฯ
[59]
ทตฺวา สหสฺสํ ทีเปตุํ, ทีปวํสํ สมาทิสิ;
ฐิตานํ ตตฺถ ภิกฺขูนํ, ทาตุญฺจาณาปยิคุฬํฯ
[60]
ภิกฺขุสฺส อตฺตโน สีเส, สงฺกาโรกิรณํ สรํ;
ลาภํ นาทาสิ วุตฺถสฺส, ปริเวณสฺส อตฺตโนฯ
[61]
ผาติกมฺมํ พหุํ’กาสิ, วิหาเร อภยุตฺตเร;
สิลาสตฺถุสฺส กาเรสิ, มนฺทิรญฺจ สมณฺฑปํฯ
[62]
พุทฺธ ทาสกเตเนตฺเต, นฏฺเฐ’นคฺฆมณิ ทฺวยํ;
อกาสิ เนตฺตํ สตฺถุสฺส, รํสิ จูฬามณิํตถาฯ
[63]
มณิหิ ฆนนีเลหิ, เกสา วตฺตํ สุมุตฺตมํ;
เหมปฏฺฏํ ตเถวุณฺณ-โลมํ โสวณฺณ จีวรํฯ
[64]
ปาทชาลํ สุวณฺณสฺส, ปทุมํ ทีปมุตฺตมํ;
นานาราคมฺพรํ ตตฺถ, ปูชยิตฺถ อสํขิยํฯ
[65]
อกาสิ ปฏิมา เคเห, พหุมงฺคลเจติเย;
โพธิสตฺเต ตถา’กาสิ, กาฬเสลสฺส สตฺถุโนฯ
[66]
อุปสุมฺภวฺหยสฺสาปิ, โลกนาถสฺส การยิ;
รํสีจูฬามณิญฺเจว, อภิเสกวฺหยสฺส จฯ
[67]
พุทฺธพิมฺพสฺส กาเรสิ, ปุพฺเพ วุตฺตํ ปิฬนฺธนํ;
วามปสฺสมฺหิ โพธิสฺส, โพธิสตฺตฆรํ ตถาฯ
[68]
เมตฺเตยฺยสฺส จ กาเรสิ, สพฺพํ ราชปิฬนฺธนํ;
สมนฺตา โยชเน ตสฺส, ตทา รกฺขญฺจ โยชยิฯ
[69]
การาเปสิ วิหาเรสุ, ธาตุราชวฺหปนฺติโย;
ตถา สตสหสฺเสน, มหาโพธิฆรํ วรํฯ
[70]
ถูปารมมฺหิ ถูปสฺส, ปูชํ ชิณฺณวิโสธนํ;
ทาฐา ธาตุฆเรจาปิ, ชิณฺณสฺส ปฏิสงฺขรํฯ
[71]
ทาฐาธาตุกรุณฺฑญฺจ, รํสิญฺจ ฆนโกฏฺฏิมํ;
มหคฺฆมนิสํกิณฺณํ, สุวณฺณ ปทุมานิ จฯ
[72]
ทาฐาธาตุมฺหิ ปูเชสิ, ปูชาจากา อสงฺขิยา;
จีวราทีนิ ทาเปสิ, ภิกฺขูนํ ทีปวาสินํฯ
[73]
การาเปตฺวา วิหาเรสุ, นวกมฺมํ ตหิํ ตหิํ;
ปากาเร จ ฆเรตฺวา’กา, สุธากมฺมํ มโนหรํฯ
[74]
มหาเจติตฺตเย กตฺวา, สุธากมฺมํ มหารหํ;
สุวณฺณฉตฺตํ กาเรสิ, ตถา วชิรจุมฺพฏํฯ
[75]
มหาวิหาเร ปาเปน, มหาเสเนน นาสิเต;
วสิสุํ ธมฺมรุจิกา, ภิกฺขู เจติยปพฺพเตฯ
[76]
กตฺวา อมฺพตฺถลํ เถร-วาทานํ ทาตุ กามโก;
ยาจิโต เตหิ เตสํ’ว, อทาสิ ธรณี ปติฯ
[77]
ทาตุ ปฐานนาวญฺจ, กาเรตฺวา กํสโลหชํ;
ทานวฏฺฏํ ปวตฺเตสิ, อมฺพเณภิ ทฺวิปญฺจหิฯ
[78]
อนฺโต พหิ จ กาเรตฺวา, นครสฺส ชินาลเย;
ปฏิมาโย จ ปูเชสิ, ธมฺมาโสกสโม’สโมฯ
[79]
ตสฺส ปุญฺญานิ สพฺพานิ, วตฺถุ ปฏิปทํ นโร;
โก หิ นาม สมตฺโถติ, มุขมตฺตํ นิทสฺสิตํฯ
[80]
ตสฺส ปุตฺตทุเว อาสุํ, กสฺสโป ภินฺนมาติโก;
สมานมาติโก เจว, โมคฺคลฺลาโน มหพฺพโลฯ
[81]
ตถา ปาณสมา เอกา, ทุหิตา จ มโนรมา;
ภาคิเนยฺยสฺส ปาทาสิ, เสนาปจฺจญฺจ ตญฺจ โสฯ
[82]
วินา โทเสน ตาเฬสิ, กสายูรุสุ โส’ปิตํ;
ราชา ทิสฺวาน ทุหิตุ-วตฺถํ โลหิตมกฺขิตํฯ
[83]
ญตฺวา ตํ มาตรํ ตสฺส, นคฺคํ ฌเปสิ กุชฺฌิย;
ตโตปฺปภุติโส พทฺธ-เวโร สงฺคมฺม กสฺสปํฯ
[84]
รชฺเช เนตํ ปโลเภตฺวา, ภินฺทิตฺวา ปิตุอนฺตเร;
สงฺคเหตฺวา ชนํ ชว-คาหํ คาหาปยี ปติํฯ
[85]
อุสฺสาเปสิ ตโต ฉตฺตํ, กสฺสโป ปิตุปกฺขิเย;
วินาเสตฺวา ชเน ลทฺธ-สพฺพปาปสหายโกฯ
[86]
โมคฺคลฺลาโน ตโต เตน,
กาตุกาโม มหาหวํ;
อลทฺธ พลตาย’คา,
ชมฺพุทีป พลตฺถิโกฯ
[87]
มหารชฺช วินาเสน, วิโยเคน จ สูนุโน;
พทฺธนาคารวาเสน, ทุกฺขิตมฺปิ ทุราธิปํฯ
[88]
ทุกฺขาเปตุมปญฺโญโส, อาห กสฺสปราชกํ;
นิธิ ราชกุเลราช-คุตฺต เต ปิตรา อิติฯ
[89]
เน’ติ คุตฺเต น ชานาสิ, จิตฺตเมตสฺส ภูมิป;
โมคฺคลฺลานสฺส กาเปติ, นิธิํโสติ ตทพฺรูวิฯ
[90]
สุตฺวา ตํ กุปิโต ทูเต, ปาเหสี ปิตุสนฺติกํ;
อาจิกฺขตุ นิธิฐาน-มิติ วตฺวา นราธโมฯ
[91]
มาเรตุ อมฺเห ปาปสฺส, ตสฺสุปาโย’ติ จินฺติย;
ตุณฺหี อโหสิ เต คนฺตฺวา, ราชกสฺส นิเวทยุํฯ
[92]
ตโต’ตีว ปกุปฺปิตฺวา, เปสยิตฺถ ปุนปฺปุนํ;
สาธุ ทิสฺวา สหายมฺเม, นฺหตฺวาน กาฬวาปิยํฯ
[93]
ปริสฺสามีติ จินฺเตตฺวา, อาห ทูเต สเจ มมํ;
กาฬวาปิํสมาเปติ, สกฺกา ญาตุนฺติ เต คตาฯ
[94]
รญฺโญ อาหํสุ ราชาปิ, ตุฏฺฐหฏฺโฐ ธนตฺถิโก;
เปเสสิ ทูเต ทตฺวาน, รถํ ชิณฺเณน วาชินาฯ
[95]
เอวํ คจฺฉติ ภูปาเล, ปาเชนฺโต รถิโก รถํ;
ขาทนฺโต ลาชมสฺสาปิ, กิญฺจิ มตฺตํ อทาสิ โสฯ
[96]
ตํ ขาทิตฺวา ปสีทิตฺวา, ตสฺมิํ ปาณมทา ตทา;
โมคฺคลฺลานสฺส ตํ กาตุํ, สงฺคหํ ทฺวารนายกํฯ
[97]
เอวํ สมฺปตฺติโย นาม, จลา วิชฺชุลฺลโตปมา;
ตสฺมา ตาสุ ปมชฺเชยฺย, โก หิ นาม สเจตโนฯ
[98]
ราชา เอตีติสุตฺวาน, เถโร โส ตสฺส โสห โท;
ลทฺธา มาโสทนํ มํสํ, สาณุณญฺจ วรํ สรํฯ
[99]
ราชา โรเจติ เอตนฺติ, โคปยิตฺวา อุปาวิสิ;
คนฺตฺวา ราชาปิ วนฺทิตฺวา, เอกมนฺตมุปาวิสีฯ
[100]
เอวํ นิสินฺนา สมฺปตฺต-รชฺชา วิย อุโภปิ เต;
อญฺญมญฺญา’ภิลาเปน, นิพฺพาเปสุํ มหาทรํฯ
[101]
โภชยิตฺวาน ตํ เถโร, โอวทิตฺวา อเนกธา;
อปฺปมาเท นิโยเชสิ, ทสฺเสตฺวา โลกธมฺมตํฯ
[102]
ตโต วาปี มุปคมฺม, โอคฺคยฺหิตฺวา ยถา สุขํ;
นฺหยิตฺวา ปิวิตฺวา จ, อาเหวํ ราชเสวเกฯ
[103]
เอตฺตกํ เม ธนํ โภ’ติ, สุตฺวา ตํ ราชเสวกา;
อาปริตฺวา ปุรํรญฺโญ, นิเวเทสุํ นิริสฺสโรฯ
[104]
ธนํ รกฺขติ ปุตฺตสฺส, ทีเป ภินฺทติ มานุเส;
ชีวนฺโต’ยํตี กุชฺฌิตฺวา, อาณาเปสิ จมูปติํฯ
[105]
มาเรหิ ปิตรํ เมติ, ทิฏฺฐา ปิฏฺฐีติ เวริโน;
หฏฺฐตุฏฺโฐ ติรุฏฺโฐโส, สพฺพาลงฺกรมณฺฑิโตฯ
[106]
ราชานมุปสงฺกมฺม, ปุรโต จ’สฺส จงฺกมิ;
ราชาทิสฺวา จ จินฺเตสิ, ปาปิโย’ยํ มตํ มมฯ
[107]
กายํ วิย ทุกฺขาเปตฺวา, นรกํ เหตุ มิจฺฉติ;
โรสุปฺปาเทน ตสฺเสว, กิํปุเรมิ มโนรถํฯ
[108]
อิติ เมตฺตายมาโน ตํ, อาห เสนาปติํ ปติ;
โมคฺคลฺลาเน ตฺวยิเจว, เอกจิตฺโต อหํ อิติฯ
[109]
หสํจาเลสิ สีสํโส, ทิสฺวา ตํ ชานิภูปติ;
‘‘นูน มาเรติ อชฺชา’’ติ, ตทา สาหสิโกปิ โสฯ
[110]
นคฺคํ กตฺวาน ราชานํ, สสงฺขลิก พนฺธนํ;
ปุรตฺถาภิมุขํ กตฺวา, อนฺโตพนฺธิย ภิตฺติยํฯ
[111]
มตฺติกาย วิลิมฺเปสิ, เอวํ ทิสฺวาปิ ปณฺฑิโต;
โก หิ รชฺเชยฺย โภเคสุ, ชีวิเตปิ ยเสปิ วาฯ
[112]
ธาตุเสโน นรินฺโท โส, เอวํ ปุตฺตหโต คโต;
อฏฺฐารสหิ วสฺเสหิ, เทวราชสฺส สนฺติกํฯ
[113]
กาฬวาปี มยํ ราชา, การาเปนฺโต สมาหิตํ;
ปสฺสิตฺวา ภิกฺขุเมตนฺตุ, วุฏฺฐาเปตุํ สมาธิโตฯ
[114]
อสกฺโกนฺโต ขิปาเปสิ, ปํสุํ ภิกฺขุสฺส มตฺถเก;
สนฺธิฏฺฐิโก วิปาโกยํ, ตสฺส กมฺมสฺส ทีปิโตฯ
[115]
ทสาปิเต ราชวรา สโภคา,
อุปาคมุํ มจฺจุมุขํ สโภวา;
อนิจฺจตํ โภควโต ธเน จ,
ทิสฺวา สปญฺโญ วิภวํ อิจฺเฉฯ
สุชนปฺปสาทสํเวคตฺถาย กเต มหาวํเส
ทสราชโก นาม
อฏฺฐติํสติเอมา ปริจฺเฉโทฯ
เอกูนจตฺตาลีสติม ปริจฺเฉท
ราชทฺวยทีปโน
[1]
ตโต กสฺสปนาโม โส, ปาปโก นรปาลโก;
อสฺส โค ปญฺจสูทญฺจ, เปสยิตฺวาน ภาติกํฯ
[2]
มาราเปตุํ อสกฺโกนฺโต, ภีโต สีหคิริํ คโต;
ทุราโรหํ มนุสฺเสหิ, โสธาเปตฺวา สมนฺตโตฯ
[3]
ปากาเรน ปริกฺขิปฺป, สีหากาเรน การยิ;
ตตฺถ นิสฺเสณิ เคหานิ, เตน ตํ นามโก อหูฯ
[4]
สํหริตฺวา ธนํ ตตฺถ, นิทหิตฺวา สุโคปิตํ;
อตฺตโน นิหิตานํ โส, รกฺขํ ทตฺวา ตหิํ ตหิํฯ
[5]
กตฺวา ราชฆรํ ตตฺถ, ทสฺสเนยฺยํ มโนรมํ;
ทุติยาลกมนฺทํว, กุเวโรว ตหิํ วสิฯ
[6]
มิคาโร นาม กาเรสิ, เสนาปติ สนามกํ;
ปริเวณํ ตถาเคห-มภิเสกชินิสฺส จฯ
[7]
ตสฺสาภิเสกํ ยาจิตฺวา, สิลาสมฺพุทฺธโต’ธิรํ;
อลทฺธาสามิ โน รชฺเช, ชานิสฺสามีติ สณฺฐหิฯ
[8]
หุตฺวา วิปฺปฏิสารี โส, อตฺตนา กตกมฺมนา;
มุจฺจิสฺสามิ กตํ นุ’ติ, ปุญฺญํ กาสิ อนปฺปกํฯ
[9]