ฯนโม ตสฺส ภควโต อรหโต สมฺมาสมฺพุทฺธสฺสฯ

พุทฺธคุณคาถาวลี

ยเถว ปุปฺผราสิมฺหา, คนฺเถยฺย มาลา โสภนา;

เอวํ พุทฺธคุณคาถา, วิรจิํ สหสฺสาธิกาฯ

โสปิ ภควา อรหํ, สมฺมาสมฺพุทฺโธ สยมฺภู;

วิชฺชาจรณสมฺปนฺโน, พุทฺธํ ตํ ปณมามฺยหํฯ1ฯ

ปุริสทมฺมสารถี, โลกวิทู อนุตฺตโร;

สตฺถาเทวมนุสฺสานํ, พุทฺธํ ตํ ปณมามฺยหํฯ2ฯ

สุคโต สุคโท สามี, สุขโท สนฺติปทายโก;

สพฺพโลกานุกมฺปโก, พุทฺธํ ตํ ปณมามฺยหํฯ3ฯ

วโร วรญฺญู วรโท, วรุตฺตโม วราหโร;

วรธมฺมํ อเทสยิ, พุทฺธํ ตํ ปณมามฺยหํฯ4ฯ

มหามงฺคลมงฺคลฺโย, มงฺคโล มงฺคลาลโย;

มงฺคลายตโน นาโถ, พุทฺธํ ตํ ปณมามฺยหํฯ5ฯ