เมนู

ปุจฺฉา – กถินกํ ปุจฺฉิสฺสํ, สนิทานํ สนิทฺเทสํฯ สมุกฺกฏฺฐปทานํ อาวุโส กติ อาปตฺติโยฯ

วิสฺสชฺชนา – กถินกํ วิสฺสชฺชิสฺสํ, สนิทานํ สนิทฺเทสํฯ สมุกฺกฏฺฐปทานํ ภนฺเต น กตมา อาปตฺติฯ

8. จีวรกฺขนฺธก

ชีวกวตฺถุ

ปุจฺฉา – คหปติจีวรํ อาวุโส สาทิยิตุํ ภควตา กตฺถ อนุญฺญาตํ, กํ อารพฺภ กิสฺมิํ วตฺถุสฺมิํ อนุญฺญาตํฯ

วิสฺสชฺชนา – ราชคเห ภนฺเต ชีวกํ โกมารภจฺจํ อารพฺภ อนุญฺญาตํ, ชีวโก ภนฺเต โกมารภจฺโจ ภิกฺขูนํ คหปติจีวรํ อนุชานิตุํ ภควนฺตํ ยาจิ, ตสฺมิํ ภนฺเต วตฺถุสฺมิํ อนุญฺญาตํฯ