ชราสุตฺต

ปุจฺฉา – ชราสุตฺตํ ปนาวุโส ภควตา กตฺถ กํ อารพฺภ กิสฺมิํ วตฺถุสฺมิํ กถญฺจ ภาสิตํฯ

วิสฺสชฺชนา – สาวตฺถิยํ ภนฺเต อญฺญตรํ เทวตํ อารพฺภ ภาสิตํฯ อญฺญตรา ภนฺเต เทวตา ภควนฺตํ เอตทโวจ–

‘‘กิํ สุ ยาว ชรา สาธุ, กิํ สุ สาธุ ปติฏฺฐิตํ;

กิํ สุ นรานํ รตนํ, กิํ สุ โจเรหิ ทูหร’’นฺติฯ

ตสฺมิํ ภนฺเต วตฺถุสฺมิํ–

‘‘สีลํ ยาว ชรา สาธุ, สทฺธา สาธุ ปติฏฺฐิตา;

ปญฺญา นรานํ รตนํ, ปุญฺญํ โจเรหิ ทูหร’’นฺติฯ

เอวํ โข ภนฺเต ภควตา ภาสิตํฯ

กิํ สุ ยาว ชรา สาธุฯ

กิํ สุ สาธุ ปติฏฺฐิตํฯ