สุตฺตนิเทสนา

ปุจฺฉา – สาธุ สาธุ อาวุโส, สาธุ โข ภควา อตฺตนา ทฺวาสฏฺฐิ ทิฏฺฐิโย จ ฉ ผสฺสายตนานิ จ ทฺวาทส ปฏิจฺจสมุปฺปาทงฺคานิ จ สพฺพโส ปริชานิตฺวา เตสํ ปริชานนตฺถาย ปเรสมฺปิ ตถตฺตาย ธมฺมํ ปกาเสติ, สุตฺตญฺจ นาม อาวุโส จตุนฺนํ สุตฺตนิกฺเขปานํ อญฺญตรวเสเนว นิกฺขิตฺตํ, ตสฺมา เตสุ อิทํ สุตฺตํ กตเรน สุตฺตนิกฺเขเปน ภควตา นิกฺขิตฺตํฯ

วิสฺสชฺชนา – จตูสุ ภนฺเต สุตฺตนิกฺเขเปสุ อฏฺฐุปฺปตฺตินิกฺเขปน อิทํ สุตฺตํ นิกฺขิตฺตํฯ